ⵜⵉⵏⴷⵓⴼ – ⴼⴽⴰⵏ ⵢⵉⴽⴰⴱⴰⵔⴻⵏ ⵏ ⵙⵙⵢⴰⵙⴰ ⴷ ⵜⵎⴻⵔⵙⴻⵍⵉⵏ ⵜⵉⵖⴻⵍⵏⴰⵡⵉⵏ ⴰⵣⴰⵍ ⴰⵎⴻⵇⵇⵔⴰⵏ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵉ ⵡⴰⵍⴷⴰⵢ ⵓⵏⵚⵉⴱ ⵏ ⵓⵙⴻⵇⴷⴻⵛ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⵏ ⵡⵓⵥⴰⵔⵓ ⴳⴰⵔⴰ ⵊⴱⵉⵍⴰⵜ-ⵜⵉⵏⴷⵓⴼ-ⴱⴻⵛⵛⴰⵔ. ⵍⴻⵇⴷⵉⵛ-ⴰⴳⵉ ⵢⴻⵍⵍⴰ-ⴷ ⵙ ⵓⵃⴰⴷⴰⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ. ⵎⴰⵕⵕⴰ ⵡⴰⵍⴰⵏ ⴱⴻⵍⵍⵉ ⴷ ⵢⵉⵡⴻⵏ ⵓⵡⴻⴷⴷⴻⵏ ⵉⵊⴻⵀⴷⴻⵏ ⵉ ⵢⴻⵜⵜⴰⵔⵔⴰⵏ ⵍⵣⵣⴰⵢⴻⵔ ⴷ ⵜⴰⴷⴻⵊⵊⴰⵢⵜ ⵜⴰⵙⵜⵔⴰⵜⵉⵊⵉⵜ.
ⴷⴻⴳ ⵓⵃⵔⵉⵛ-ⴰⴳⵉ, ⴰⴽⴰⴱⴰⵔ ⵏ ⵜⴼⵔⵓⵏⵜ ⵏ ⵓⴼⵔⴰⵢ ⴰⵖⴻⵍⵏⴰⵡ (FLN) ⵢⴻⴼⴽⴰ ⵜⴰⵢⵏⵉⵜ ⵉ ⵡⵓⴱⵔⵉⴷ-ⴰⴳⵉ, ⵢⴻⵏⵏⴰ-ⴷ ⴱⴻⵍⵍⵉ ⴷ ⴰⵡⴻⴷⴷⴻⵏ "ⴰⵎⴻⵣⵔⵓⵢⴰⵏ". ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵍⵣⵣⴰⵢⴻⵔ, ⵙ ⵏⵏⵡⴰⵢⴰ ⵏ ⵓⵙⴻⵍⵡⴰⵢ ⵜⴻⴱⴱⵓⵏ, ⵜⴻⵜⵜⴻⴷⴷⵓ ⵙ ⵜⵖⴰⵡⵍⴰ ⴷⴻⴳ ⵓⴱⵔⵉⴷ ⵏ ⵓⵙⵊⴻⵀⴻⴷ ⵏ ⵜⴷⵓⴳⴰⵎⵜ-ⵉⵙ ⵜⴰⴷⴰⵎⵙⴰⵏⵜ ⴷ ⵓⵙⴻⴳⴳⴻⵎ ⵏ ⵜⵎⵓⵔⵜ. ⴰⵍⴷⴰⵢ ⵏ ⵓⴱⵔⵉⴷ-ⴰⴳⵉ ⴷⴻⴳ ⵍⵡⴻⵇⵜ-ⵉⵙ ⵢⴻⵙⴽⴰⵏⴰⵢ-ⴷ ⴱⴻⵍⵍⵉ ⵢⴻⵍⵍⴰ ⵍⴻⴱⵖⵉ ⵏ ⵙⵙⵢⴰⵙⴰ ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵏⴻⴳⵎⵓ ⴷⴻⴳ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.
ⵍⵊⵉⵀⴰ ⵏⵏⵉⴹⴻⵏ, ⴰⴽⴰⴱⴰⵔ ⵏ "ⵜⴰⵊ" ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵇⴷⴻⵛ ⵏ ⵡⵓⵥⴰⵔⵓ ⵏ ⴳⴰⵔⴰ ⵊⴱⵉⵍⴰⵜ ⴷ "ⴰⵏⴰⴹ ⵓⵏⵚⵉⴱ" ⵢⴻⵔⵏⴰ ⴷ ⵜⴰⴼⵔⴻⵏⵜ ⵜⴰⵙⵜⵔⴰⵜⵉⵊⵉⵜ. ⴰⵢⴰ ⵢⴻⵙⴽⴰⵏⴰⵢ-ⴷ ⴰⴱⴻⴷⴷⴻⵍ ⵏ ⵜⵎⵓⵙⵏⵉ ⵏ ⵓⵙⴻⴳⴳⴻⵎ ⵏ ⵜⴷⴰⵎⵙⴰ ⵏ ⵓⵡⴰⵏⴰⴽ, ⵉ ⵡⴰⴽⴽⴻⵏ ⴰⴷ ⴷ-ⵢⴻⴼⴽ ⵉⵎⵓⴽⴰⵏ ⵏ ⵓⵎⴰⵀⵉⵍ ⵢⴻⵔⵏⴰ ⴰⴷ ⵢⴻⵙⵙⴻⴽⵛⴻⵎ ⵜⴰⵎⵏⴰⵟ ⵏ ⵡⵓⵏⵥⵓⵍ ⵓⵜⵔⵉⵎ ⴷⴻⴳ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴳⴰⵔⴰ ⵊⴱⵉⵍⴰⵜ ⴷ ⵜⵔⴻⵣⵡⴰ ⵜⴰⵖⴻⵍⵏⴰⵡⵜ ⵉ ⵢⴻⵔⵔⴰⵏ ⵍⵣⵣⴰⵢⴻⵔ ⴷ ⵜⴰⵎⵓⵔⵜ ⵏ ⵜⵎⴻⴳⵓⵔⵉ.
ⴰⴽⴰⴱⴰⵔ ⵏ ⵢⵉⵎⴰⵍ ⵢⴻⴼⴽⴰ ⵜⴰⵢⵏⵉⵜ ⵉ ⵡⵓⵙⵓⵔ-ⴰⴳⵉ ⵉ ⵢⴻⴱⵏⴰⵏ ⵜⴰⴷⴰⵎⵙⴰ ⵢⴻⴼⴼⵓⵖⴻⵏ ⵖⴻⴼ ⵓⵥⴰⵔⵓ ⵏ ⵍⴱⴻⵟⵔⵓⵍ. ⵡⴰⵍⴰⵏ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⴰⴷ ⴷ-ⵢⴻⴼⴽ ⵜⴰⵣⵎⴻⵔⵜ ⵉ ⵜⵡⵉⵍⴰⵢⵉⵏ ⵏ ⵡⵓⵏⵥⵓⵍ ⵢⴻⵔⵏⴰ ⴰⴷ ⵢⴻⵙⵊⴻⵀⴻⴷ ⴰⵎⵢⴻⵍⵍⴻⵍ ⴳⴰⵔ ⵜⵎⴻⵏⵏⴰⴹⵉⵏ ⵏ ⵜⵎⵓⵔⵜ.
ⵎⴰ ⴷ ⴰⴽⴰⴱⴰⵔ ⵏ ⵓⴱⴻⵏⵏⵉ , ⵢⴻⵏⵏⴰ-ⴷ ⴱⴻⵍⵍⵉ ⴰⵍⴷⴰⵢ ⵏ ⵢⵉⵡⴻⵏ ⵙⴻⴳ ⵢⵉⵡⵓⵥⴰⵔⵏ ⵉⵎⴻⵇⵇⵔⴰⵏⴻⵏ ⵏ ⵡⵓⵣⵣⴰⵍ ⴷⴻⴳ ⵓⵎⴰⴹⴰⵍ ⴷ ⵢⵉⵡⴻⵏ ⵓⵙⵓⵔ ⵓⵔ ⵏⴻⵣⵎⵉⵔ ⴰⴷ ⵏⴻⵜⵜⵓ ⴷⴻⴳ ⵓⵎⴻⵣⵔⵓⵢ ⵏ ⵍⵣⵣⴰⵢⴻⵔ ⵙⴻⴳ ⵡⴰⵙⵎⵉ ⵉ ⴷ-ⵜⴻⵡⵡⵉ ⵜⵉⵍⴻⵍⵍⵉ-ⵙ. ⵍⵣⵣⴰⵢⴻⵔ ⵜⴻⵜⵜⵉⴷⵉⵔ ⵜⵓⵔⴰ ⵢⵉⵡⴻⵏ ⵓⵣⵎⴻⵣ ⴰⵎⴻⵇⵇⵔⴰⵏ ⵏ ⵡⵓⵡⴻⴷⴷⴻⵏ ⴷⴻⴳ ⵎⴰⵕⵕⴰ ⵢⵉⵃⵔⵉⵛⴻⵏ.
ⵜⴰⴳⴳⴰⵔⴰ, ⴷⴻⴳ ⵢⵉⵡⴻⵏ ⵡⴰⵍⵖⵓ, ⵉⵎⵙⴻⴳⴳⵉⴷⴻⵏ ⵉⵏⵙⵍⴻⵎⴻⵏ ⵣⵣⴰⵢⵔⵉⵢⴻⵏ ⴼⴽⴰⵏ ⴰⵣⴰⵍ ⵉ ⵓⵙⵓⵔ-ⴰⴳⵉ ⴰⵙⵜⵔⴰⵜⵉⵊⵉ ⵉ ⵢⴻⵙⴽⴰⵏⴰⵢⴻⵏ ⵍⴻⴱⵖⵉ ⵏ ⵓⵙⴻⴳⴳⴻⵎ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵉⵊⴻⵀⴷⴻⵏ ⵢⴻⵔⵏⴰ ⵢⴻⵙⵏⴻⴼⵍⴰⵢⴻⵏ. ⵡⴰⵍⴰⵏ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⴷ ⵜⵔⴻⵣⵡⴰ ⵜⴰⴷⴰⵎⵙⴰⵏⵜ ⵉ ⵡⴰⴽⴽⴻⵏ ⴰⴷ ⵜⴻⵊⵊⴻⵀⴻⴷ ⵙⵙⴻⵏⵄⴰ ⵏ ⵜⵎⵓⵔⵜ ⵢⴻⵔⵏⴰ ⴰⴷ ⵜⴻⵔⵔ ⵍⵣⵣⴰⵢⴻⵔ ⴷ ⵜⴰⴷⴻⵊⵊⴰⵢⵜ ⵜⴰⴷⴰⵎⵙⴰⵏⵜ ⴷⴻⴳ ⵜⵎⴻⵏⵏⴰⴹⵜ-ⴰⴳⵉ ⵎⴰⵕⵕⴰ.
ⴰⵔⵏⵓ ⵖⴻⵔ
