ⴰⴷⵊⴰⵍ ⵉⵙⵇⴻⵔⴷⴻⵛ ⴷ ⴱⴰⵏ ⴽⵉ ⵎⵓⵓⵏ ⵉⵙⵏⵉⵢⴰⵍⴻⵏ ⵏ ⵓⵎⵢⴻⵛⵛⴻⵔ ⴷ ⵓⵎⴰⵄⵀⴻⴷ ⴰⵎⴰⴹⵍⴰⵏ ⵏ ⵓⵙⵏⴻⴼⵍⵉ ⴰⵣⴻⴳⵣⴰⵡ ⴷⴻⴳ ⵓⵏⵏⴰⵔ ⵏ ⵓⴱⴻⴷⴷⴻⵍ ⵏ ⵜⵎⴻⵔⵔⵉ

ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵜⵎⴻⵔⵔⵉ ⴷ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ, ⵎⴰⵙⵙ ⵎⵓⵓⵔⴰⴷ ⴰⴷⵊⴰⵍ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉ ⵓⵏⴰⵎⵏⴰⵢ ⴰⵎⴰⵜⴰ ⵏ ⵣⵉⴽ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ONU), ⵎⴰⵙⵙ ⴱⴰⵏ ⴽⵉ ⵎⵓⵓⵏ, ⵉ ⴷ-ⵢⴻⵔⵣⴰⵏ ⵖⴻⵔ ⵍⴻⵣⵣⴰⵢⴻⵔ ⵙ ⵜⴰⵔⵔⴰⵢⵜ-ⵉⵙ ⵏ ⵓⵙⴻⵍⵡⴰⵢ ⵏ ⵜⴰⵙⵇⴰⵎⵓⵜ ⵜⴰⵎⴰⵜⵓⵜ ⴷ ⵓⵙⵇⴰⵎⵓ ⵏ ⵓⵙⴻⴷⴱⴻⵔ ⵏ ⵓⵎⴰⵄⵀⴻⴷ ⴰⵎⴰⴹⵍⴰⵏ ⵏ ⵓⵙⵏⴻⴼⵍⵉ ⴰⵣⴻⴳⵣⴰⵡ (GGGI). ⵙⵉⵏ ⵏ ⵢⵉⴽⵓⴱⴰⵔ ⵇⴻⵔⴷⵛⴻⵏ ⵜⴰⵔⵔⴰⵢⵉⵏ ⵏ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ, ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵏ ⵓⴱⴻⴷⴷⴻⵍ ⵏ ⵜⵎⴻⵔⵔⵉ, ⴰⵙⵏⴻⴼⵍⵉ ⵉⵕⴻⵙⵙⴰⵏ ⴷ ⵏⴼⴰⵄ ⵏ ⵜⵎⴻⵔⵔⵉ, ⵉⵡⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵉ ⵜⵎⵓⵖⵍⵉⵡⵉⵏ ⵏ ⵍⴻⵣⵣⴰⵢⴻⵔ ⵉ ⵢⴻⴱⵖⴰⵏ ⴰⴷ ⴷ-ⵜⴻⵙⴱⴻⴷⴷ ⵜⴰⴷⴰⵎⵙⴰ ⵉ ⵉⵜⴻⴷⴷⵓⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵀⵍⴰⴼⵜ.

ⴷⴻⴳ ⵜⴻⵎⵍⵉⵍⵉⵜ-ⴰⴳⵉ ⵉ ⴷ-ⵢⴻⵍⵍⴰⵏ ⵙ ⵜⵉⵍⵉⵜ ⵏ ⵢⵉⵎⴹⴻⴱⴱⵔⴻⵏ ⵏ ⵜⵏⴻⵀⵍⴰⴼⵜ ⴷ ⵢⵉⵎⴰⵣⴰⵏ ⵏ ⵓⵎⴰⵄⵀⴻⴷ, ⵎⵎⴻⵙⵍⴰⵢⴻⵏ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⵏⴻⴼⵍⵉ ⵏ ⵜⴷⵓⴽⵍⵉ ⵜⴰⵜⵉⴽⵏⵉⴽⵜ ⴷ ⵜⵉⵏ ⵏ ⵜⵎⵓⵙⵏⵉⵡⵉⵏ ⴳⴰⵔ ⵓⵏⵏⴰⵔ ⵏ ⵜⵎⴻⵔⵔⵉ ⴷ ⵓⵎⴰⵄⵀⴻⴷ-ⴰⴳⵉ. ⴰⵢⴰⴳⵉ ⵍⴰⴷⵖⴰ ⴷⴻⴳ ⵓⵏⴰⴷⵉ ⴷ ⵓⵙⵓⵊⵉ ⵏ ⵡⴰⵀⵉⵍⴻⵏ ⵢⴻⵄⵏⴰⵏ ⴰⴱⴻⴷⴷⴻⵍ ⵏ ⵜⵎⴻⵔⵔⵉ, ⴰⵙⵏⴻⴼⵍⵉ ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ ⴷ ⵍⵀⵉⴷⵔⵓⴶⵉⵏ ⴰⵣⴻⴳⵣⴰⵡ, ⴷ ⵓⵙⴻⴷⴱⴻⵔ ⵏ ⵢⵉⴳⴻⵔⵔⵔⵓⵊⴻⵏ ⵏ ⵡⴰⵎⴰⵏ ⵉⵛⵓⴷⴷⴻⵏ ⵖⴻⵔ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉ.

ⴷⴻⴳ ⵜⴰⵍⵍⵉⵜ-ⴰⴳⵉ, ⵎⴰⵙⵙ ⴰⴷⵊⴰⵍ ⵉⵙⵔⴻⵚ-ⴷ ⵜⵓⵛⵛⵉⵜ ⵏ ⵓⵏⵏⴰⵔ-ⵉⵙ ⵉ ⵓⵙⴻⵍⴽⴻⵎ ⵏ ⵜⵓⵔⴰⴹ ⴷ ⵜⵉⵡⴰⵍⵍⵉⵣⵉⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵢⴻⴱⵖⴰⵏ ⴰⵙⴻⴶⵀⴻⴷ ⵏ ⵜⵎⴰⵏⴻⴳⵜ ⵏ ⵜⵎⴻⵔⵔⵉ ⴷ ⵓⵣⴻⴶⴶⴻⴷ ⵏ ⵍⵍⵙⴰⵙⴻⵏ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ. ⵉⵙⵙⴻⴽⵏⴻⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵜⵜⴽⴻⵎⵎⵉⵍ ⴷⴻⴳ ⵓⴱⵔⵉⴷ ⵏ ⵓⵎⵎⵉⵣⵉ ⴳⴰⵔ ⵓⵟⵎⴰⵏ ⵏ ⵜⵎⴰⵏⴻⴳⵜ ⵏ ⵜⵎⴻⵔⵔⵉ ⴷ ⵓⵙⴻⴶⵀⴻⴷ ⵏ ⵓⵙⵏⴻⴼⵍⵉ ⴰⴷⴰⵎⵙⴰⵏ ⴷ ⵓⵎⴻⵜⵜⴰⵢⴰⵏ ⵉ ⵉⵜⴻⴷⴷⵓⵏ, ⵙ ⵓⵙⴰⵜⵉⴳ ⵏ ⵢⵉⵙⴰⴼⴰⵔⴻⵏ ⵏ ⵜⵎⵓⵔⵜ ⴷ ⵓⵙⵙⴻⵎⵖⴻⵔ ⵏ ⵓⵜⴻⴽⴽⵉ ⵏ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ ⴷⴻⴳ ⵓⵣⴻⵏⵣⵉⵖ ⵏ ⵜⵎⴻⵔⵔⵉ ⴰⵖⴻⵍⵏⴰⵡ.

ⴷⴻⴳ ⵓⵏⵏⴰⵔ-ⴰⴳⵉ, ⴰⵏⴻⵖⵍⴰⴼ ⵉⵙⵙⴻⴼⵀⴻⵎ-ⴷ ⵉⵙⴻⵏⴼⴰⵔⴻⵏ ⵉⵙⵔⴰⵜⵉⴷⵊⵉⵢⴻⵏ ⵉⵕⴻⵙⵙⴰⵏⴻⵏ ⵉ ⵢⴻⵙⵙⴻⵍⵡⴰⵢ ⵓⵏⵏⴰⵔ-ⵉⵙ, ⴷⴻⴳ ⵓⵇⴻⵔⵔⵓ-ⵏⵙⴻⵏ ⴰⵀⵉⵍ ⵏ ⵓⵙⵏⴻⴼⵍⵉ ⵏ 15 ⵏ ⵡⴰⴳⵉⵎⴰⵏ ⵏ ⵎⵉⵢⴰⵡⴰⵟ ⵏ ⵜⵎⴻⵔⵔⵉ ⵏ ⵢⵉⵜⵉⵊ ⵜⵉⵣⴻⵕⴽⴰⵏⵉⵏ (ⵒⵀⵓⵜⵓⵠⵓⵍⵜⴰïⵇⵓⴻ), ⴷ ⵡⴰⵀⵉⵍ ⵏ ⵓⵙⵏⴻⴼⵍⵉ ⵏ ⵍⵀⵉⴷⵔⵓⴶⵉⵏ ⴰⵣⴻⴳⵣⴰⵡ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⵉⵙⴻⵏⴼⴰⵔⴻⵏ ⵢⴻⵄⵏⴰⵏ ⵉⵙⴻⵎⵔⴰⵙⴻⵏ ⵏ ⵍⴻⵀⵏⴰ ⵏ ⵜⵎⴻⵔⵔⵉ ⵜⴰⵡⵓⵜⴰⵎⴰⵏⵜ (ⵏⵓⵛⵍéⴰⵉⵔⴻ).

ⴰⵏⴻⵖⵍⴰⴼ ⵉⵙⵙⴻⴽⵏⴻⴷ ⵍⴻⴱⵖⵉ ⵏ ⵜⵏⴻⵀⵍⴰⴼⵜ ⵉⵡⴰⴽⴽⴻⵏ ⴰⴷ ⵜⴻⵅⴷⴻⵎ ⴰⴼⵓⵙ ⴷⴻⴳ ⵓⴼⵓⵙ ⴷ ⵜⵙⴻⴷⴷⴰⵔⵉⵏ ⵏ ⵓⵎⴰⵄⵀⴻⴷ ⴰⵎⴰⴹⵍⴰⵏ ⵏ ⵓⵙⵏⴻⴼⵍⵉ ⴰⵣⴻⴳⵣⴰⵡ ⵉ ⵓⵙⵓⵊⵉ ⵏ ⵢⵉⵡⴻⵜ ⵏ "ⵜⴰⴱⴰⵍⵉⵣⵜ ⵏ ⵓⴱⵔⵉⴷ" (roadmap) ⴰⵔⴰ ⴷ-ⵢⴻⴳⵍⵓⵏ ⵙ ⵢⵉⴳⴻⵎⵎⴰⴹ ⵏⴼⴰⵄⴻⵏ ⵓ ⴰⴷ ⵜⴻⵙⵙⴻⴶⵀⴻⴷ ⴰⵎⵢⴻⵛⵛⴻⵔ ⴳⴰⵔ ⵙⵏⴰⵜ ⵏ ⵜⴰⵎⵉⵡⵉⵏ.

ⵙⴻⴳ ⵜⴰⵎⴰ-ⵙ, ⵎⴰⵙⵙ ⴱⴰⵏ ⴽⵉ ⵎⵓⵓⵏ ⵉⵙⵍⴻⵎ-ⴷ ⵙ ⵓⵙⵏⴻⴼⵍⵉ ⵉ ⵜⵣⴻⵔ ⵍⴻⵣⵣⴰⵢⴻⵔ ⴷⴻⴳ ⵓⵏⵏⴰⵔ ⵏ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ ⴷ ⵜⵣⴻⵎⵎⴰⵔ ⵉⵎⴻⵇⵇⵔⴰⵏⴻⵏ ⵉ ⵜⴻⵙⵄⴰ, ⵍⴰⴷⵖⴰ ⴷⴻⴳ ⵜⵎⴻⵔⵔⵉ ⵏ ⵢⵉⵜⵉⵊ. ⵉⵙⵙⴻⴽⵏⴻⴷ ⴱⴻⵍⵍⵉ ⴰⵎⴰⵄⵀⴻⴷ-ⴰⴳⵉ ⵡⵊⴻⴷ ⵉ ⵓⵙⴼⵓⵍⴻⵍ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⴻⵍⴽⴻⵎ ⵏ ⵢⵉⵙⴻⵏⴼⴰⵔⴻⵏ-ⵉⵙ ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⵉⴷⴷⵉ ⵖⴻⵔ ⵜⴷⴰⵎⵙⴰ ⵉ ⴷⴻⴳ ⴷⵔⵓⵙ ⵍⴽⴰⵕⴱⵓⵏ.

ⵉⵙⵙⴻⴳⵔⴰ-ⴷ ⵜⵎⴻⵙⵍⴰⵢⵜ-ⵉⵙ ⵙ ⵓⵙⵉⵡⴻⵍ ⵉ ⵓⴷⴻⴳⴳⴻⵔ ⵏ ⵓⵎⴰⵀⵉⵍ ⵏ ⵓⴱⵉⵕⵓ ⵏ ⵓⵎⴰⵄⵀⴻⴷ ⴷⴻⴳ ⵍⴻⵣⵣⴰⵢⴻⵔ, ⵉⵡⴰⴽⴽⴻⵏ ⴰⴷ ⵢⴻⵙⵙⵉⵡⴻⴹ ⴰⴷ ⵉⵅⴷⴻⵎ ⵜⵎⵓⵀⴰⵍ-ⵉⵙ ⵓ ⴰⴷ ⵉⵄⴰⵡⴻⵏ ⵍⴻⵣⵣⴰⵢⴻⵔ ⵉ ⵓⵡⴻⵣⵣⵉ ⵏ ⵢⵉⵙⵡⵉⵢⴻⵏ-ⵉⵙ ⴷⴻⴳ ⵓⵙⵏⴻⴼⵍⵉ ⵉⵕⴻⵙⵙⴰⵏ, ⴰⴱⴻⴷⴷⴻⵍ ⵏ ⵜⵎⴻⵔⵔⵉ ⴷ ⵜⴰⴷⴰⵎⵙⴰ ⵜⴰⵣⴻⴳⵣⴰⵡⵜ.