ⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵢⴻⴷⵍⴻⵙ ⴷ ⵜⵥⵓⵔⵉⵢⵉⵏ, ⵎⴰⵍⵉⴽⴰ ⴱⴻⵏⴷoⵓⴷⴰ, ⴰⵙⵙ ⵏ ⵓⵙⵉⵏⴰⵙ (ⵜⵜⵍⴰⵜⴰ), ⴷⴻⴳ ⴹⵣⴰⵢⴻⵔ ⴷⴰⵎⴰⵏⴻⵖⵜ ⴷⴰⴽⴽⴻⵏ ⴹⵣⴰⵢⴻⵔ ⴰⴷ ⵜⴻⵇⵇⵉⵎ ⴷ ⵜⴰⵏⴻⴱⵍⴰⴳⵜ ⵜⴰⴳⴻⵊⴷⴰⵏⵜ ⴷⴻⴳ ⵓⵙⵙⵉⵙⴻⵏ ⵉⴳⵔⴰⵖⵍⴰⵏⴻⵏ ⵏ ⵓⵎⴻⵏⵏⵓⵖ ⵎⴳⴰⵍ ⵓⵙⵙⴻⵜⵜⵉ ⴰⵔⵓⵙⴹⵉⴼ ⵏ ⵡⴰⵢⵍⴰ ⴰⴷⴻⵍⵙⴰⵏ, ⵜⵡⴻⴽⴽⴻⴷ ⴰⴽⴻⵎⵎⴻⵍ ⵏ ⵓⵎⴰⵀⵉⵍ ⵉ ⵓⵙⴻⵊⵀⴻⴷ ⵏ ⵜⵉⵍⵉⵏ-ⵏⵏⴻⵙ ⵜⴰⴳⵔⴰⵖⵍⴰⵏⵜ ⴷ ⵜⴰⵎⵓⵔⵜ ⵜⵓⵏⵏⵉⴳⵜ ⴷⴻⴳ ⵓⵎⴻⵙⵜⴻⵏ ⵖⴻⴼ ⵜⴳⴻⵎⵎⵉ ⴷ ⵓⵎⵣⴰⵖ ⵖⴻⴼ ⵡⴰⵣⴰⵍⴻⵏ ⵉⴷⴻⵍⵙⴰⵏⴻⵏ ⵓⴱⵍⵉⴳⴻⵏ ⵏ ⵜⴰⵍⵙⴰ.
ⵜⴻⵙⵙⴻⴳⵣⴰ-ⴷ Mⴰⵙⵙ Bⴻⵏⴷoⵓⴷⴰ, ⵉⵍⵎⴻⵏⴷ ⵏ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⴼⵓⴳⴻⵍ ⵏ ⵡⴰⵙⵙ ⴰⵏⵎⴰⴹⴰⵍ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵓⵙⴻⵜⵜⵉ ⴰⵔⵓⵙⴹⵉⴼ ⵏ ⵡⴰⵢⵍⴰ ⴰⴷⴻⵍⵙⴰⵏ, ⵉ ⴷ-ⵢⴻⵜⵜⴰⵙⴻⵏ ⵢⴰⵍ ⴰⵙⴻⴳⴳⴰⵙ ⴰⵙⵙ ⵏ 14 ⵡⴰⵎⴱⴻⵔ, ⴷⴰⴽⴽⴻⵏ « ⴹⵣⴰⵢⴻⵔ ⴰⴷ ⵜⴻⵇⵇⵉⵎ ⴷ ⵜⴰⵏⴻⴱⵍⴰⴳⵜ ⵜⴰⴳⴻⵊⴷⴰⵏⵜ ⴷⴻⴳ ⵓⵙⵙⵉⵙⴻⵏ ⵉⴳⵔⴰⵖⵍⴰⵏⴻⵏ ⵉⵍⵎⴻⵏⴷ ⵏ ⵓⵎⴻⵏⵏⵓⵖ ⵎⴳⴰⵍ ⵓⵙⴻⵜⵜⵉ ⴰⵔⵓⵙⴹⵉⴼ ⵏ ⵡⴰⵢⵍⴰ ⴰⴷⴻⵍⵙⴰⵏ ⵢⴻⵔⵏⵓ ⴰⴷ ⵜⴽⴻⵎⵎⴻⵍ ⴰⵎⵣⴰⵖ ⴷ ⵓⵎⴻⵙⵜⴻⵏ ⵖⴻⴼ ⵡⴰⵣⴰⵍⴻⵏ-ⵏⵏⴻⵙ, ⵜⴰⵎⴰⴳⵉⵜ-ⵏⵏⴻⵙ ⴷ ⵜⴳⴻⵎⵎⵉ-ⵏⵏⴻⵙ ⵜⴰⵍⵙⴰⵏⵜ ⵉ ⵢⴻⵙⵙⴻⴷⵓⴽⴽⵍⴻⵏ ⵉⵖⵍⴰⵏⴻⵏ ⵖⴻⴼ ⵍⵙⴰⵙ ⵏ ⵓⵎⵢⴻⵣⵔⴰⴽ ⴷ ⵜⵎⴰⵙⵉⵜ ⵜⵓⴱⵍⵉⴳⵜ ».
ⵜⵃⴻⵜⵜⴻⵜ-ⴷ ⵜⵏⴻⵖⵍⴰⴼⵜ ⴷⴰⵖ « ⴰⵎⴻⵙⵜⴻⵏ ⵏ ⵜⴳⴻⵎⵎⵉ ⴷ ⵜⴰⵎⴰⵙⵉⵜ ⵜⴰⵖⴻⵍⵏⴰⵡⵜ ⴷ ⵜⴰⴳⵉⵜⵏⴰⵏⵉⵜ ⵉ ⵢⴻⵙⵙⴻⴼⴽⴻⵏ ⵜⴰⴼⵔⵉⵜ ⵜⴰⵎⴻⵣⴷⴰⵢⵜ ⴷ ⵓⵙⵙⴻⵎⵢⵓⴷⴷⴻⵙ ⵓⵎⵎⵉⴷ ⴳⴰⵔ ⵉⵎⴻⴳⴳⵉⵢⴻⵏ ⵢⴻⵎⴳⴻⵔⵔⴰⴷⴻⵏ », ⴰⵎ ⵡⴰⴽⴽⴻⵏ ⵉ ⴷ-ⵜⵡⴻⴽⴽⴻⴷ ⴷⴰⴽⴽⴻⵏ « ⴷⵣⴰⵢⴻⵔ ⴰⴷ ⵜⴽⴻⵎⵎⴻⵍ ⴰⴷ ⵜⵎⴰⵀⴻⵍ ⴰⴽⴽⴻⵏ ⴰⴷ ⵜⴻⵙⵙⴻⵊⵀⴻⴷ ⵜⵉⵍⵉⵏ-ⵏⵏⴻⵙ ⵜⴰⴳⵔⴰⵖⵍⴰⵏⵜ ⴷ ⵜⴰⵎⵓⵔⵜ ⵜⵓⵏⵏⵉⴳⵜ ⴷⴻⴳ ⵓⵎⴻⵙⵜⴻⵏ ⵏ ⵜⴳⴻⵎⵎⵉ ⴷ ⵓⵎⵣⴰⵖ ⵖⴻⴼ ⵡⴰⵣⴰⵍⴻⵏ ⵉⴷⴻⵍⵙⴰⵏⴻⵏ ⵓⴱⵍⵉⴳⴻⵏ ⵏ ⵜⴰⵍⵙⴰ ».
ⵟⴻⴱⴷⴻⵔ-ⴷ ⴷⴰⴽⴽⴻⵏ ⴰⵙⴼⵓⴳⴻⵍ ⵏ ⵡⴰⵙⵙ ⴰⵏⵎⴰⴹⴰⵍ ⵏ ⵓⵎⴻⵏⵏⵓⵖ ⵎⴳⴰⵍ ⵓⵙⴻⵜⵜⵉ ⴰⵔⵓⵙⴹⵉⴼ ⵏ ⵡⴰⵢⵍⴰ ⴰⴷⴻⵍⵙⴰⵏ, ⵉ ⴷ-ⵜⴻⵙⵎⴻⵎⵎⵉ UNEⵚⵛO ⴷⴻⴳ 2019, ⴷ « ⵜⴰⵖⵙⴻⵔⵜ ⵏ ⵓⵡⴻⴽⴽⴻⴷ ⴷⴰⴽⴽⴻⵏ ⵜⵉⴳⴻⵎⵎⵉ ⵜⴰⴷⴻⵍⵙⴰⵏⵜ, ⵙ ⵡⴰⴽⴽ ⵜⵉⵍⵖⴰ-ⵏⵏⴻⵙ ⴰⵏⴳⴰⵏ ⴷ ⵜⴰⵔⵏⴳⴰⵏⵜ ⵏⴻⵜⵜⴰ ⴷ ⵜⴰⴳⵉⴷⵉⵜ ⵜⴰⴳⴻⵊⴷⴰⵏⵜ ⴷⴻⴳ ⵓⵎⵙⴰⵍ ⵏ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ ⵢⴻⵔⵏⵓ ⴷ ⴰⵣⵡⴻⵍ ⵏ ⵜⵏⴰⵢⴰ ⵜⴰⴷⴻⵍⵙⴰⵏⵜ ⵉⵖⴻⴼ ⵏⴻⵜⵜⵎⴰⵀⴰⵍ ⴰⴷ ⵜⴻⵏ-ⵏⴻⵙⴱⴻⴹ ⴷⴻⴳ ⵜⵙⴻⵔⵜⵉⵢⵉⵏ ⵏ ⵓⵡⴰⵏⴰⴽ ⵄⴷⵣⴰⵢⵔⵉ ».
ⵜⴻⵏⵏⴰ-ⴷ ⴷⴰⴽⴽⴻⵏ ⴹⵣⴰⵢⴻⵔ « ⵜⴻⵙⵙⴻⵔⵙ-ⴷ, ⵙ ⵢⵉⵙⴰⴹⵓⴼⴻⵏ-ⵏⵏⴻⵙ, ⵜⵙⴻⵏⵜⴰⵢⵉⵏ-ⵏⵏⴻⵙ, ⴷ ⵢⵉⴱⵍⴰⴳⴻⵏ-ⵏⵏⴻⵙ, ⵢⵉⵡⴻⵜ ⵏ ⵜⴰⵔⵔⴰⵢⵜ ⵜⵓⵙⴱⵉⴹⵜ ⵉ ⵍⵎⴻⵏⴷ ⵏ ⵓⵃⴻⵣⵣⴻⴱ ⵎⴳⴰⵍ ⵡⴰⴽⴽ ⵜⴰⵍⵖⵉⵡⵉⵏ ⵏ ⵡⴰⵔⵔⴰⵎⴻⵏ ⵉ ⵉⵣⴻⵎⵔⴻⵏ ⴰⴷ ⴹⵓⵔⵔⴻⵏⵜ ⴰⵢⵍⴰ ⴰⴷⴻⵍⵙⴰⵏ, ⵢⴻⵔⵏⵓ ⵜⴻⴱⵏⴰ ⵖⴻⴼ ⵜⵎⵓⵖⵍⵉ ⵏ ⵓⵃⴻⵣⵣⴻⴱ, ⵏ ⵓⵙⵓⵖⴻⵍ, ⵏ ⵓⵏⵎⵉⵔⴻⴳ ⴰⴳⵔⴰⵖⵍⴰⵏ ⴰⴷⴻⵜⵜⴰⵏ ».
ⴷⴻⴳ ⵓⴽⴰⵜⴰⵔ-ⴰ, ⵜⴻⵔⵏⴰ-ⴷ Mⴰⵙⵙⴰ Bⴻⵏⴷoⵓⴷⴰ, ⴰⵖⵍⵉⴼ ⵏ ⵢⵉⴷⵍⴻⵙ ⵍⴰ ⵢⴻⵜⵜⵎⴰⵀⴰⵍ ⴰⴽⴽⴻⵏ ⴰⴷ « ⵢⴻⵙⵙⴻⵊⵀⴻⴷ ⵉⴽⴻⵜⵜⵓⵔⴻⵏ ⵏ ⵜⵙⵓⴷⴰ-ⵏⵏⴻⵙ ⴷ ⵢⵉⴽⴰⵜⴰⵔⴻⵏ-ⵏⵏⴻⵙ ⴷⴻⴳ ⵜⵖⵓⵍⵜ ⵏ ⵓⵃⵔⴰⵣ ⵏ ⵜⴳⴻⵎⵎⵉ ⵙ ⵓⵙⴻⵜⵔⴻⵔ ⵏ ⵓⴽⴰⵜⴰⵔ ⵓⵙⴹⵉⴼ ⵓⵙⵉⴳⴳⴻⵡ ⵏ ⵜⵙⴻⵎⵙⴻⴷⴷⴰ ⴷ ⵉⵎⴻⵜⵡⵉⵢⴻⵏ ⵏ ⵜⵖⴻⵍⵍⵉⵙⵜ ⴷ ⵜⴻⴷⵡⴰⵏⵜ ⴷ ⵓⵙⴻⵖⵏⴻⵡ ⵏ ⵡⴰⵀⵉⵍⴻⵏ ⵏ ⵓⵙⵉⵍⴻⵖ ⵢⴻⵎⵎⵓⵣⴳⵏⴻⵏ ».
ⴰⵔⵏⵓ ⵖⴻⵔ
