ⵜⴱⴻⵔⵔⴰ-ⴷ ⵜⵏⴻⵖⵍⴰⴼⵜ ⵏ ⵜⴰⵎⵙⴰⵍⵉⵢⵉⵏ ⵏ ⴷⴷⵉⵏ ⴷ ⵍⵡⴰⵇⴼ ⴷⴻⴳ ⵓⴷⵢⴰⵏ-ⵉⵙ ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⵜⴻⵙⵙⴻⵔⵙ ⵉⵎⵓⴽⴰⵏ ⵉ ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ-ⵉⵙ ⵉ ⵢⵉⵎⴻⴽⵍⵉⵢⴻⵏ (ⵛⴰⵏⴷⵉⴷⴰⵜⴻⵙ) ⵏ ⵓⴽⴰⵢⴰⴷ ⵏ ⵍⴱⴰⵇⴰⵍⵓⵕⵢⴰ, ⴰⴽⴽⴻⴷ ⵓⴹⵎⴰⵏ ⵏ ⵜⴰⵍⵍⴻⵍⵜ ⴷ ⵓⵏⵢⵓⴷⴷⵓ ⵉ ⵢⵉⴷ-ⵙⴻⵏ.
ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ ⵜⴰⵔⵔⴰⵢⵜ-ⴰⴳⵉ ⵜⵓⵙⴰ-ⴷ ⵉⵡⴰⴽⴽⴻⵏ "ⴰⴷ ⵜⵉⵍⵉ ⵜⴰⵍⵍⴻⵍⵜ ⵉ ⵢⵉⵎⴻⴽⵍⵉⵢⴻⵏ ⵏ ⵓⴽⴰⵢⴰⴷ-ⴰⴳⵉ, ⴷⴰⴳⵉ ⴰⴷ ⴷ-ⵜⵜⵓⵏⴻⵍⵡⵓⵏ ⵉⵎⵓⴽⴰⵏ ⴷⴻⴳ ⵜⵎⴻⵣⴳⵉⴷⴰ, ⵉⵎⵓⴽⴰⵏ ⵏ ⵜⵥⴰⵍⵍⵉⵜ ⵏ ⵜⵍⴰⵡⵉⵏ ⴷ ⵓⵖⴻⵔⴱⴰⵣ ⵏ ⵍⵇⵓⵔⴰⵏ ⵉ ⴷ-ⵢⴻⵣⴳⴰⵏ ⵣⴷⴰⵜ ⵏ ⵡⴰⵎⵎⴰⵙⴻⵏ ⵏ ⵓⴽⴰⵢⴰⴷ, ⵉ ⵡⴰⴽⴽⴻⵏ ⴰⴷ ⵉⵍⵉⵏ ⴷⴻⴳ ⵓⴼⵓⵙ-ⵏⵙⴻⵏ, ⴰⵢⴰ ⴷⴻⴳ ⵡⵓⵙⵙⴰⵏ ⵏ ⵓⴽⴰⵢⴰⴷ ⴽⴰⵎⴻⵍ".
ⵉⵎⵓⴽⴰⵏ-ⴰⴳⵉ ⴰⴷ ⴷ-ⴼⴽⴻⵏ "ⵉⴷⵉⴳⴻⵏ ⵉ ⵜⵓⵖⴰⵍⵉⵏ ⴷ ⵓⵙⴳⵓⵏⴼⵓ (ⵔⴻⵃⵓⵙ), ⴰⴽⴽⴻⴷ ⵜⴰⵍⵍⴻⵍⵜ ⵏ ⵍⵅⴰⵟⴻⵔ ⴷ ⵓⵏⵢⵓⴷⴷⵓ ⵙ ⵓⴼⵓⵙ ⵏ ⵢⵉⵎⴰⵎⴻⵏ ⴷ ⵜⵎⴻⵕⵛⵉⴷⵉⵏ ⵏ ⴷⴷⵉⵏ. ⴷⴰⵖⴻⵏ, ⴼⴽⴰⵏ-ⴷ ⴰⵎⵓⴽⴰⵏ ⴰⵎⵓⴼⴼⵉⵔ ⵉ ⵍⵀⴻⵏⵏⵉ ⴳⴰⵔ ⵜⴰⵍⵍⵉⵢⵉⵏ ⵏ ⵓⴽⴰⵢⴰⴷ, ⵙ ⵜⵜⴻⴽⴽⵉ ⵏ ⴽⵔⴰ ⵏ ⵜⵉⵙⵙⵉⵜ ⴷ ⵍⵇⵓⵜ ⴼⴻⵙⵙⵓⵙⴻⵏ".
ⴷⴻⴳ ⵡⴰⵏⵏⴰⵔ-ⴰⴳⵉ, ⵜⵏⴻⵖⵍⴰⴼⵜ ⵜⴻⵙⵙⴰⵡⴻⵍ ⵉ ⵢⵉⵎⴻⴽⵍⵉⵢⴻⵏ ⵉⵡⴰⴽⴽⴻⵏ ⴰⴷ "ⴰⵡⵉⵏ ⵍⵎⴻⵏⴼⴰⵄ ⵙⴻⴳ ⵡⴰⵀⵉⵍ-ⴰⴳⵉ ⵉ ⴷ-ⵢⵓⵙⴰⵏ ⴷⴻⴳ ⵓⵏⴰⴳⵔⴰⵡ ⵏ ⵓⵎⴻⵀⵍⴰⵏ ⵏ ⵓⵙⵙⴻⴳⵎⵉ ⴷ ⵓⵏⵎⴻⵜⵜⵉ ⵏ ⵜⵎⴻⵣⴳⵉⴷⴰ ⴷ ⵜⴰⵍⵍⴻⵍⵜ-ⵉⵙ ⵉ ⵢⵉⵎⴰⵙⵍⴰⵢⴻⵏ ⵏ ⵜⵎⴻⵜⵜⵉ ⴷⴻⴳ ⵢⴰⵍ ⵜⴰⵎⴰⵡⵜ", ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵏⴰⴱⴰⵖ-ⵏⵏⵉ.
ⴰⵔⵏⵓ ⵖⴻⵔ
