ⵜⴰⵔⴱⴰⵄⵜ ⵜⴰⵖⴻⵍⵏⴰⵡⵜ ⵏ ⵜⴽⵓⵔⵜ ⵏ ⵓⴹⴰⵔ ⵜⴻⵅⴷⴻⵎ ⴰⵙⵙ ⵏ ⵜⵜⵍⴰⵜⴰ ⵢⴻⵣⵔⵉⵏ ⵜⴰⵎⴻⴷⴷⵉⵜ ⵜⵉⵖⵉⵎⵉⵜ-ⵉⵙ ⵜⵉⵙ ⵙⵏⴰⵜ ⵏ ⵓⵙⵉⵍⴻⵖ ⴷⴻⴳ ⵓⴱⵔⵉⴷ ⵏ ⵓⵀⴻⴳⴳⵉ ⵉ ⵜⵉⵎⵍⵉⵍⵉⵜ ⵏ ⵜⴷⵓⴽⵍⵉ ⴰⵔⴰ ⵜⵜ-ⵢⴻⵙⴷⵓⴽⴽⵍⴻⵏ ⴷ ⵜⴰⵔⴱⴰⵄⵜ ⵏ ⴳⵡⴰⵜⵉⵎⴰⵍⴰ. ⵜⵉⵎⵍⵉⵍⵉⵜ-ⴰⴳⵉ ⴰⴷ ⴷ-ⵜⵉⵍⵉ ⴰⵙⵙ ⵏ ⵍⴶⴻⵎⵄⴰ (20ⵀ30) ⴷⴻⴳ ⵓⵏⵏⴰⵔ "ⵍⵓⵉⴳⵉ ⴼⴻⵔⵔⴰⵔⵉⵙ" ⴷⴻⴳ ⴳⴻⵏⵓⴰ, ⵉⵡⴰⴽⴽⴻⵏ ⴰⴷ ⴷ-ⵀⴻⴳⴳⵉⵏ ⵉ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ 2026 (ⵙⴻⴳ 11 ⵢⵓⵏⵢⵓ ⵖⴻⵔ 19 ⵢⵓⵍⵢⵓ), ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴹ ⵏ ⵜⴷⵓⴽⵍⴰ ⵏ ⵍⴻⵣⵣⴰⵢⴻⵔ ⵏ ⵜⴽⵓⵔⵜ ⵏ ⵓⴹⴰⵔ (ⴼⴰⴼ).
ⵜⵉⵖⵉⵎⵉⵜ-ⴰⴳⵉ ⵜⴻⵍⵍⴰ-ⴷ ⴷⴰⵖⴻⵏ ⴷⴻⴳ ⵢⵉⵡⴻⵏ ⵏ ⵓⵏⵏⴰⵔ ⵏ ⵡⴰⵎⵎⴰⵙ ⵏ ⵓⵙⵉⵍⴻⵖ ⵏ ⵓⵖⵍⵉⴼ ⵏ "ⵢⵓⵠⴻⵏⵜⵓⵙ" ⴷⴻⴳ ⵠⵉⵏⵓⵠⵓ. ⵜⴻⵙⵔⴻⵡ-ⴷ ⵖⴻⴼ ⵜⴰⵎⴰ ⵜⴰⵜⵉⴽⵏⵉⴽⵜ ⴷ ⵜⵜⴰⴽⵜⵉⵇ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ ⵏ ⴼⴰⴼ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵀⵉⵛⴰⵎ ⴱⵓⴷⴰⵡⵉ ⵓⵔ ⵢⴻⵜⵜⴻⴽⴽⵉ ⴰⵔⴰ ⴷⴻⴳ ⵓⵙⵉⵍⴻⵖ ⵙ ⵙⴻⴱⴱⴰ ⵏ ⵡⴰⵟⵟⴰⵏ ⵏ "ⵜⴰⵣⵍⴻⵎⵜ" ⵉ ⵜ-ⵢⵓⵎⵏⴻⵏ.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⴰⵏⴰⵅⴰⴱ ⴰⵖⴻⵍⵏⴰⵡ, ⵠⵍⴰⴷⵉⵎⵉⵔ ⵒⴻⵜⴽⵓⵠⵉⵛ, ⴰⴷ ⴷ-ⵉⵅⴷⴻⵎ ⵢⵉⵡⴻⵜ ⵏ ⵜⵏⴻⵖⵎⴰⵙⵜ ⴰⵙⵙ ⵏ ⵍⴻⵅⵎⵉⵙ ⵖⴻⴼ 10:00 ⵏ ⵚⵚⴱⴻⵃ, ⵙ ⵜⵎⵓⵖⵍⵉ ⵏ ⵙⵉⵏ ⵏ ⵢⵉⵎⵓⵔⴰⵔ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ.
ⵜⴰⵔⴱⴰⵄⵜ ⵜⴰⵖⴻⵍⵏⴰⵡⵜ ⴰⴷ ⵜⵓⵔⴰⵔ ⵜⵉⵎⵍⵉⵍⵉⵜ ⵜⵉⵙ ⵙⵏⴰⵜ ⵏ ⵜⴷⵓⴽⵍⵉ ⴷⴻⴳ ⵓⵙⵡⵉⵔ-ⴰⴳⵉ ⵏ ⵓⵀⴻⴳⴳⵉ ⴷⴻⴳ ⵟⵟⴰⵍⵢⴰⵏ, ⴰⵙⵙ ⵏ ⵜⵜⵍⴰⵜⴰ 31 ⵎⴻⵖⵔⴻⵙ (19ⵀ30) ⵣⴷⴰⵜ ⵏ ⵓⵔⵓⴳⵓⴰⵢ ⴷⴻⴳ ⵓⵏⵏⴰⵔ "ⴰⵍⵍⵉⴰⵏⵣ ⵙⵜⴰⴷⵉⵓⵎ" ⴷⴻⴳ ⵜⵓⵔⵉⵏ.
ⵉⵡⴰⴽⴽⴻⵏ ⴰⴷ ⴷ-ⵀⴻⴳⴳⵉⵏ ⵉ ⵓⵏⵏⴰⵔ-ⴰⴳⵉ ⵏ ⵓⵙⵉⵍⴻⵖ ⵉ ⵉⵜⴻⴷⴷⵓⵏ ⴰⵔⵎⵉ ⴷ 13 ⵎⴻⵖⵔⴻⵙ ⴷⴻⴳ ⵟⵟⴰⵍⵢⴰⵏ, ⴰⵏⴰⵅⴰⴱ ⴰⵖⴻⵍⵏⴰⵡ ⵉⵙⵉⵡⴻⵍ-ⴷ ⵉ 27 ⵏ ⵢⵉⵎⵓⵔⴰⵔ, ⴷⴻⴳ-ⵙⴻⵏ 6 ⵏ ⵢⵉⵙⵎⴰⵡⴻⵏ ⵉⵎⴰⵢⵏⵓⵜⴻⵏ. ⵡⵉⴷ-ⴰⴳⵉ ⴷ: ⵉⵎⴰⵀⵔⴰⵣⴻⵏ ⵏ ⵜⴻⵡⵡⵓⵔⵜ ⴽⵢⵍⵉⴰⵏ ⴱⴻⵍⴰⴰⵣⵓⵓⴳ ⴷ ⵎⴰⵍⵠⵉⵏ ⴼⴰⵉⵙⴰⵍ ⵎⴰⵙⵜⵉⵍ, ⴷ ⵓⵎⵙⴻⵜⴰⵏ ⴰⵛⵀⵔⴰⴼ ⴰⴱⴰⴷⴰ, ⴷ ⵡⴰⵎⵎⴰⵙ ⵏ ⵓⵏⵏⴰⵔ ⴰⴷⵉⵍ ⴰⵓⵓⵛⵀⵉⵛⵀⴻ, ⴷ ⵢⵉⵎⵙⴻⴷⵔⴰⵔⵔⴻⵏ ⴰⵀⵎⴻⴷ ⵏⴰⴷⵉⵔ ⴱⴻⵏⴱⵓⵓⴰⵍⵉ ⴷ ⴼⴰⵔⴻⵙ ⴳⵀⴻⴷⵊⴻⵎⵉⵙ.
"ⵉⵣⵉⵏⵣⴰⵡⴻⵏ" ⴰⴷ ⵓⵔⴰⵔⴻⵏ ⴷⴰⵖⴻⵏ ⵜⵉⵎⵍⵉⵍⵉⵜ ⵏⵏⵉⴹⴻⵏ ⵏ ⵜⴷⵓⴽⵍⵉ ⴰⵙⵙ ⵏ ⵍⴰⵔⴻⴱⴻⵄ 3 ⵢⵓⵏⵢⵓ ⵣⴷⴰⵜ ⵏ ⵜⴰⵔⴱⴰⵄⵜ ⵏ ⵀⵓⵍⴰⵏⴷⴰ ⴷⴻⴳ ⵓⵏⵏⴰⵔ ⵏ ⵔⵓⵜⵜⴻⵔⴷⴰⵎ (19:45 ⵙ ⵍⵡⴻⵇⵜ ⵏ ⵍⴻⵣⵣⴰⵢⴻⵔ). ⴰⵢⴰⴳⵉ ⴰⴷ ⴷ-ⵢⵉⵍⵉ ⴽⵔⴰ ⵏ ⵡⵓⵙⵙⴰⵏ ⵓⵇⴱⴻⵍ ⴰⴷ ⵔⵣⵓⵏ ⵖⴻⵔ ⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ (ⵓⵙⴰ) ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵏ ⴷⴻⴳ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ. ⵍⴻⵣⵣⴰⵢⴻⵔ ⵜⴻⵍⵍⴰ ⴷⴻⴳ ⵜⴻⴳⵔⵓⵎⵎⴰ ⵜⵉⵙ ⵎⵔⴰⵡ (ⵊ) ⵙ ⵜⴰⵎⴰ ⵏ ⴰⵔⴶⴰⵏⵜⵉⵏ, ⵜⵓⵜⵔⵉⵛⵜ ⴷ ⵍⵓⵔⴷⵓⵏ.
ⴰⵔⵏⵓ ⵖⴻⵔ
