ⵜⴰⵎⴻⵇⵇⵔⴰⵏⵜ ⵏ ⵡⵓⵔⴰⵔⴻⵏ ⵏ ⵓⵍⴰⵎⴱⵉⴽ, ⴽⴰⵢⵍⵉⴰ ⵏⴻⵎⵓⵔ, ⵜⴻⵡⵡⵉ ⴰⵎⴻⵣⵡⵉ ⵏ ⵡⵓⵔⴻⵖ (Medaille d'or) ⴰⵎⴰⵢⵏⵓ ⴷⴻⴳ ⵍⴶⵉⵎⵏⴰⵙⵜⵉⴽ (Gymnastique) ⴷⴻⴳ ⵓⵃⵔⵉⵛ ⵏ ⵍⵎⵓⵜⴰⵡⴰⵣⵉ (Uneven bars), ⴰⵙⵙ-ⴰ ⵏ ⵍⴰⵔⴱⵄⴰ ⴷⴻⴳ ⵡⵓⵔⴰⵔⴻⵏ ⵏ ⵓⵣⴻⴳⵣⴰ ⵏ ⵍⵎⴰⴷⵉⵜⴻⵔⴰⵏⵉ 2026, ⵉ ⴷ-ⵢⴻⵍⵍⴰⵏ ⴷⴻⴳ ⵜⵎⵓⵔⵜ ⵏ ⵟⵟⴰⵍⵢⴰⵏ (ⵜⴰⵔⴰⵏⵜⵓ).
ⵜⴰⵍⴻⵣⵣⴰⵢⵔⵉⵜ-ⴰⴳⵉ ⵜⴻⵡⵡⵉ 15.500 ⵏ ⵜⵇⵉⵟⵉⵏ (points) ⵎⵉ ⵜⴻⵅⴷⴻⵎ ⴰⵎⴰⵀⵉⵍ ⵢⴻⴼⴼⴰⵣⴻⵏ ⵎⵍⵉⵃ ⵉ ⵢⴻⵙⵙⴻⴼⵔⴻⵃⵏ ⵍⵖⴰⵛⵉ ⵉ ⵃⴹⴻⵔⵏ. ⵜⴰⵟⵟⴰⵍⵢⴰⵏⵉⵜ ⵚⵓⴼⵉⴰ ⵜⵓⵏⴻⵍⵍⵉ ⵜⴻⵡⵡⵉ ⴰⵎⴻⵣⵡⵉ ⵏ ⵡⴰⵏⵙⵉⵍⴼ (Silver), ⵎⴰ ⴷ ⴰⵔⵜⵉⵎⵉⵙⵉⴰ ⵢⵓⵔⴼⵉⵏⵓ ⵜⴻⵡⵡⵉ ⴰⵎⴻⵣⵡⵉ ⵏ ⵓⴱⵔⵓⵏⵣ (Bronze).
ⴽⴰⵢⵍⵉⴰ ⵏⴻⵎⵓⵔ ⵜⴻⵙⴽⴰⵏ-ⴷ ⵜⴻⵣⵎⴻⵔⵜ-ⵉⵙ ⴰⵙⵙ ⵏ ⵜⵍⴰⵜⴰ ⴷⴻⴳ ⵡⵓⵎⵓⵖ ⴰⵎⴰⵜⵓ ⴰⵢⵓⵏⴰⵏ (All-around), ⴰⵏⴷⴰ ⵜⴻⵡⵡⵉ ⴰⵡⵓⵔⴻⵖ ⵙ ⵍⵃⴻⵇⵇ, ⵢⴻⵔⵏⴰ ⵜⴻⵔⵏⴰ-ⵜ-ⵉⴷ ⵖⴻⴼ ⵓⴱⵔⵓⵏⵣ ⵉ ⵜⴻⵡⵡⵉ ⴰⴽⴽⴻⴷ ⵜⴻⵔⴱⴰⵄⵜ ⵏ ⵍⴻⵣⵣⴰⵢⴻⵔ.
ⵜⵓⵔⴰ, ⵜⴰⴱⵟⴰⵍⵜ ⵏ ⵍⴻⵣⵣⴰⵢⴻⵔ ⵜⴻⴱⵖⴰ ⴰⴷ ⵜⴻⵡⵡⵉ ⵢⵉⵎⴻⵣⵡⵉⵢⴻⵏ ⵏⵏⵉⴹⴻⵏ ⵜⴰⵎⴻⴷⴷⵉⵜ-ⴰⴳⵉ ⴷⴻⴳ ⵓⵃⵔⵉⵛ ⵏ ⵍⴱⵓⵜⵔ (Beam) ⴷ ⵡⵓⵔⴰⵔ ⵖⴻⴼ ⵍⵇⴰⵄⴰ (Floor).
ⵍⴻⵣⵣⴰⵢⴻⵔ ⵜⴻⵙⵄⴰ ⵜⵓⵔⴰ 30 ⵏ ⵢⵉⵎⴻⵣⵡⵉⵢⴻⵏ: 7 ⵏ ⵡⵓⵔⴻⵖ, 7 ⵏ ⵡⴰⵏⵙⵉⵍⴼ ⴷ 16 ⵏ ⵓⴱⵔⵓⵏⵣ. ⵜⴻⵍⵍⴰ ⴷⴻⴳ ⵓⵎⴽⴰⵏ ⵡⵉⵙ ⵜⵥⴰ (9) ⴷⴻⴳ ⵓⵎⵓⵖ ⴰⵎⴰⵜⵓ, ⵢⴻⵔⵏⴰ ⴰⴷ ⴼⵓⴽⴽⴻⵏ ⵡⵓⵔⴰⵔⴻⵏ ⵏ ⵓⵣⴻⴳⵣⴰ ⵏ ⵍⵎⴰⴷⵉⵜⴻⵔⴰⵏⵉ-2026 ⴰⵣⴻⴽⴽⴰ.
ⴰⵔⵏⵓ ⵖⴻⵔ
