ⵜⴻⴳⴳⵔⴰ-ⴷ ⵜⴷⵓⴽⵍⴰ ⵜⴰⵎⴰⴹⵍⴰⵏⵜ ⵏ ⵜⴽⵓⵔⵜ ⵏ ⵓⴹⴰⵔ "ⴼⵉⴼⴰ", ⵙ ⵓⵎⵙⴰⵙⴻⵢ ⴷ ⵓⵙⵇⴰⵎⵓ ⵏ ⵜⵓⵍⵓⴳⵉⵏ ⵏ ⵜⴽⵓⵔⵜ ⵏ ⵓⴹⴰⵔ "ⵉⴼⴰⴱ", ⵉⴱⴻⴷⴷⵉⵍⴻⵏ ⵉⵎⴰⵢⵏⵓⵜⴻⵏ ⴷⴻⴳ ⵓⵙⴻⵎⵔⴻⵙ ⵏ ⵜⵉⵜⵉⴽⵏⵓⵍⵓⵊⵉⵜ ⵏ ⵓⴼⴻⵔⵔⵉⵙ ⵏ ⵓⵙⴰⵔⵓ (ⵠⴰⵔ). ⵉⴱⴻⴷⴷⵉⵍⴻⵏ-ⴰⴳⵉ ⴰⴷ ⴽⴻⵛⵎⴻⵏ ⵓⵏⵏⴰⵔ ⵏ ⵓⵙⵏⴻⵙ ⵙⴻⴳ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ 2026 ⴰⵔⴰ ⴷ-ⵢⵉⵍⵉⵏ ⴷⴻⴳ ⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ, ⴽⴰⵏⴷⴰ ⴷ ⵎⵉⴽⵙⵉⴽ. ⴰⵢⴰⴳⵉ ⴷ ⴰⵙⵓⵔⵉⴼ ⵉ ⵢⴻⴱⵖⴰⵏ ⴰⴷ ⵉⵙⴰⴷⴻⵔ ⴰⵔⴻⴼⴼⴰⵏ ⴷⴻⴳ ⵜⴻⵎⵏⴰⵟ ⵏ ⵓⵄⴻⵇⵇⴻⴱ (surface de réparation) ⵓ ⴰⴷ ⵢⴻⵙⵙⴻⴶⵀⴻⴷ ⵜⵜⴰⴳⴷⴰ ⴷⴻⴳ ⵓⵎⵣⵉⵣⵡⴻⵔ.
ⵜⴰⵍⵓⴼⵜ ⵉ ⴷ-ⵉⵣⴻⵡⵡⵉⵔⴻⵏ ⴷⴻⴳ ⵢⵉⴱⴻⴷⴷⵉⵍⴻⵏ-ⴰⴳⵉ ⴷ ⴰⵙⵔⴻⵚ ⵏ ⵢⵉⵡⴻⵜ ⵏ ⵜⵓⵍⵓⴳⵜ ⵢⴻⵜⵜⵡⴰⴽⴽⵙⴻⵏ ⵙⴻⴳ ⵜⴽⵓⵔⵜ ⵏ ⵓⴼⵓⵙ (basketball), ⵢⴻⵄⵏⴰⵏ ⴰⴳⴷⴻⵍ ⵏ ⵜⵎⵓⵀⴰⵍ ⵏ "ⵓⵃⵙⴰⵔ" ⵏⴻⵖ ⴰⵢⴻⵏ ⵓⵎⵉ ⵙⴻⵎⵎⴰⵏ "ⴱⵍⵓⵛⴽ" ⴷⴻⴳ ⵜⴰⵍⵍⵉⵜ ⵏ ⵜⴻⵢⵜⵉⵡⵉⵏ ⵜⵉⵍⴻⵍⵍⵉⵢⵉⵏ (coups francs) ⴷ ⵜⵉⵜⵉⵡⵉⵏ ⵏ ⵜⵙⴻⴱⴱⵓⵃⵜ (corners). ⵜⵓⵔⴰ, ⵜⵉⵜⵉⴽⵏⵓⵍⵓⵊⵉⵜ ⵏ ⵓⵙⴰⵔⵓ ⴰⴷ ⴷ-ⵜⴻⴽⵛⴻⵎ ⵉⵡⴰⴽⴽⴻⵏ ⴰⴷ ⵜⵄⴰⵇⴻⴱ ⵢⴰⵍ ⴰⵄⵔⴻⴹ ⵏ ⵓⵄⴻⵟⵟⴻⵍ ⵏ ⵢⵉⵎⵙⴻⵜⵏⴻⵏ (défenseurs) ⵙ ⵜⴰⵔⵔⴰⵢⵜ ⵢⴻⴱⴰⵏⴻⵏ, ⵓⵍⴰ ⵎⴰ ⵢⴻⵍⵍⴰ ⵓⵖⵍⴰⴹ-ⵏⵏⵉ ⵢⴻⵍⵍⴰ-ⴷ ⵓⵇⴱⴻⵍ ⴰⴷ ⵜⴻⴽⵛⴻⵎ ⵜⴽⵓⵔⵜ ⵓⵏⵏⴰⵔ ⵏ ⵓⵔⴰⵔ.
ⵙ ⴷⴷⴰⵡ ⵏ ⵢⵉⵙⵏⵉⵢⴰⵍⴻⵏ-ⴰⴳⵉ, ⴰⴷ ⵜⵜⵓⴽⴽⵙⴻⵏ ⵢⵉⵙⵡⵉⵔⴻⵏ ⵏ ⵔⵔⴻⴱⴻⵃ (ⴱⵓⵜⵙ) ⵎⴰ ⵢⴻⵍⵍⴰ ⵓⴼⴻⵔⵔⵉⵙ ⵏ ⵓⵙⴰⵔⵓ ⵉⵙⵙⴻⴽⵏⴻⴷ ⴱⴻⵍⵍⵉ ⴰⵎⵙⴻⵜⴰⵏ ⵢⴻⵜⵜⵡⴰⵃⴻⵔⵔⴻⵎ ⵙⴻⴳ ⵜⴰⴳⵏⵉⵜ ⵏ ⵓⵃⵔⴰⵣ ⵏ ⵓⵏⵏⴰⵔ-ⵉⵙ ⵙ ⵙⴻⴱⴱⴰ ⵏ ⵓⵖⵍⴰⴹ ⵉ ⴷ-ⵢⵉⵍⵍⴰⵏ ⵓⵇⴱⴻⵍ ⵜⵉⵢⵜⵉ. ⴰⵢⴰⴳⵉ ⴷ ⵍⵃⴻⵔⵙ ⵏⵏⵉⴹⴻⵏ ⵖⴻⴼ ⵜⵎⵓⵖⵍⵉⵡⵉⵏ ⵏ ⵜⵜⴰⴽⵜⵉⵇ ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⵏⴰⵟ ⵏ ⵓⵄⴻⵇⵇⴻⴱ.
ⴷⴰⵖⴻⵏ, ⵔⵏⴰⵏ-ⴷ ⵜⵉⴳⵏⴰⵜⵉⵏ ⵉⵎⴰⵢⵏⵓⵜⴻⵏ ⵉ ⵓⵏⴻⴽⵛⵓⵎ ⵏ ⵠⴰⵔ ⵉⵡⴰⴽⴽⴻⵏ ⴰⴷ ⴰⵡⴹⴻⵏⵜ ⴰⵣⴰⵍ ⵏ ⵙⴰ (07) ⵏ ⵜⴻⴳⵏⴰⵜⵉⵏ. ⵜⵓⵔⴰ "ⵠⴰⵔ" ⴰⴷ ⵢⴻⵙⴼⵓⵍⴻⵍ ⵓⵍⴰ ⴷ ⵜⴰⵛⵛⵓⴹⵉⵏ ⵜⵉⵙ ⵙⵏⴰⵜ ⵉ ⴷ-ⵉⵟⵟⴰⴽⴻⵏ ⵜⵓⴼⴼⵖⴰ (expulsion), ⵔⵏⵉ-ⴷ ⴼⴻⵍⵍ-ⴰⵙⴻⵏⵜ ⵜⴰⵣⵔⴰⵡⵜ ⵏ ⵜⵏⴻⵖⵜⴰⵙⵉⵏ ⵉⵅⴻⵚⵔⴻⵏ ⵢⴻⵄⵏⴰⵏ ⵜⵉⵜⵉⵡⵉⵏ ⵏ ⵜⵙⴻⴱⴱⵓⵃⵜ ⵓ ⴰⴷ ⵜⵜⵓⴽⴽⵙⴻⵏⵜ ⵎⴰ ⵢⴻⵍⵍⴰ-ⴷ ⵓⵖⵍⴰⴹ ⵏ ⵜⵏⴻⴼⵔⵓⵜ ⵢⴻⴱⴰⵏⴻⵏ.
ⵉⵜⵜⵡⴰⵕⴶⴰ ⴰⴷ ⵢⴻⴱⴷⵓ ⵓⵙⵏⴻⵙ ⵏ ⵢⵉⵙⴰⴷⵓⴼⴻⵏ-ⴰⴳⵉ ⴷⴻⴳ ⵍⵎⵓⵏⴷⵉⵢⴰⵍ ⵏ 2026 (ⵙⴻⴳ 11 ⵢⵓⵏⵢⵓ ⵖⴻⵔ 19 ⵢⵓⵍⵢⵓ), ⵓⵇⴱⴻⵍ ⴰⴷ ⵜⵜⵓⵙⴻⵎⵖⴻⵔⴻⵏ ⴷⴻⴳ ⵢⴰⴽⴽ ⵉⵎⵣⵉⵣⵡⵔⴻⵏ ⵏ ⵓⵎⴰⴹⴰⵍ ⵙⴻⴳ ⵓⵎⴻⵣⵡⴰⵔ ⵏ ⵢⵓⵍⵢⵓ ⵉ ⴷ-ⵉⵜⵜⴻⴷⴷⵓⵏ. ⴰⵢⴰⴳⵉ ⴰⴷ ⵢⴻⵃⵔⴻⵙ ⵜⵉⵔⴱⴰⵄⵉⵏ ⵉⵢⴻⵙⵙⴻⵅⴷⴰⵎⴻⵏ ⵜⵉⵢⵜⵉⵡⵉⵏ ⵉⵕⴻⵙⵙⴰⵏⴻⵏ ⴷ ⵓⵎⵎⴰⴳⴻⵔ ⵏ ⴷⴰⵅⴻⵍ ⵏ ⵜⴻⵎⵏⴰⵟ ⴰⴷ ⴷ-ⴰⵡⵉⵏⵜ ⵜⵜⴰⴽⵜⵉⵇ ⵏⵏⵉⴹⴻⵏ.
ⴰⵔⵏⵓ ⵖⴻⵔ
