ⵉⵙⵏⴻⴽⵏⴻⴷ ⵓⵇⴻⵔⵔⵓ ⴰⵎⴰⵜⵓ ⵏ ⴻⵍ-ⴼⴰⵢⴹⴰ ⵜⴰⵜⵉⴳⴰⵏⵉⵢⵜ ⴷⴻⴳ ⵙⵉⵏⵉⴳⴰⵍ, ⵎⴰⵙⵙ ⵎⵓⵀⴰⵎⴻⴷ ⴻⵍ ⵎⴰⵀⵉ ⵉⴱⵔⴰⵀⵉⵎ ⵏⵉⴰⵙⵙ, ⴰⵣⴰⵍ ⵏ ⵓⵎⴰⵀⵉⵍ ⵏ ⵍⴻⵣⵣⴰⵢⴻⵔ ⴷⴻⴳ ⵓⵎⴻⵥⵍⵓ ⵏ ⵍⴻⵇⵕⴰⵏ ⴷ ⵓⴷⴻⴳⴳⴻⵔ ⵏ ⵓⴱⵔⵉⴷ ⵏ ⵓⵙⵏⴻⴼⵍⵉ ⴷⴻⴳ ⵜⴻⴼⵔⵉⵇⵜ, ⴷ ⵓⵃⵔⴰⵣ ⵏ ⵜⵉⵎⵓⵎⴻⵏⵜ-ⵉⵙ (souveraineté) ⴷ ⵓⵟⵎⴰⵏ ⵏ ⵜⵏⴻⵔⵏⵉ ⴷ ⵍⵉⵙⴻⵔ ⵉ ⵢⵉⴳⵓⵔⴻⴼ-ⵉⵙ.
ⴷⴻⴳ ⵜⵎⴻⵙⵍⴰⵢⵜ-ⵉⵙ ⴷⴻⴳ ⵜⴰⴳⴳⴰⵔⴰ ⵏ ⵢⵉⵎⴰⵀⵉⵍⴻⵏ ⵏ "ⵍⴼⴻⴽⴽ ⵏ ⵍⴻⵇⵕⴰⵏ ⵏ ⵢⴰⵍ ⴰⵙⴻⴳⴳⴰⵙ" ⵉ ⴷ-ⵢⵉⵍⵍⴰⵏ ⴰⵙⵙ ⵏ ⵍⴰⵔⴻⴱⴻⵄ ⵉⵄⴻⴷⴷⴰⵏ ⴷⴻⴳ ⵜⴻⵎⴷⵉⵏⵜ ⵏ ⴽⴰⵓⵍⴰⵛⴽ ⴷⴻⴳ ⵙⵉⵏⵉⴳⴰⵍ, ⵙ ⵓⵜⴻⴽⴽⵉ ⵏ ⵡⴰⵟⴰⵙ ⵏ ⵢⵉⵏⴻⵍⵎⴰⴷⴻⵏ ⴷ ⵡⵉⴷ ⵉⵃⴻⵎⵎⵍⴻⵏ ⵜⴰⵔⵔⴰⵢⵜ ⵜⴰⵜⵉⴳⴰⵏⵉⵢⵜ ⵙⴻⴳ ⵢⴰⵍ ⵜⴰⵎⵏⴰⵟ, ⵢⴻⵏⵏⴰ-ⴷ ⵓⵇⴻⵔⵔⵓ ⴰⵎⴰⵜⵓ ⴱⴻⵍⵍⵉ ⵜⴰⵎⵓⵙⵏⵉ ⵜⴰⵣⵣⴰⵢⵔⵉⵜ ⴷⴻⴳ ⵓⵎⴻⵥⵍⵓ ⵏ ⵍⴻⵇⵕⴰⵏ "ⵜⵍⴰⵇ ⴰⴷ ⵜⴻⵜⵜⵡⴰⴹⴼⴻⵔ ⵢⴻⵔⵏⴰ ⴰⴷ ⵜⵜ-ⵉⴷ-ⵉⵙⴰⵜⵉⴳ ⵓⵎⴷⴰⵏ". ⵉⵙⵙⴻⴽⵏⴻⴷ ⵍⵎⴻⴶⵀⵓⴷⴰⵜ ⵉ ⴷ-ⵜⴻⵜⵜⴰⴽ ⵍⴻⵣⵣⴰⵢⴻⵔ ⵉ ⵓⵃⵔⴰⵣ ⵏ ⵡⴻⴷⵍⵉⵙ ⵏ ⵕⴻⴱⴱⵉ, ⵙ ⵓⵙⴱⴻⴷⴷⵉ ⵏ ⵢⵉⵎⴰⵄⵀⴷⴻⵏ ⴷ ⵢⵉⵖⴻⵔⴱⴰⵣⴻⵏ ⵏ ⵍⴻⵇⵕⴰⵏ, ⴷ ⵓⵙⵓⴷⴷⴻⵙ ⵏ ⵜⴻⵎⵣⵉⵣⵍⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵓⵙⵉⵍⴻⵖ ⵏ ⵢⵉⵎⴻⵣⵡⴰⵢⴻⵏ (imams) ⴷ ⵢⵉⵎⵙⴻⵖⵔⴰⵢⴻⵏ, ⵎⴻⴱⵍⴰ ⵎⴰ ⵏⴻⵜⵜⵓ ⴰⵙⵉⵣⴷⴻⴳ ⴷ ⵓⴼⵔⴰⵇ ⵏ ⵍⵎⵓⵚⵃⴰⴼ ⵓⴼⵔⵉⵏ ⴷⴻⴳ ⵜⵎⵓⵔⵜ ⴷ ⴱⴻⵕⵕⴰ.
ⴰⵎⵓⵔ ⴰⵎⴻⵇⵇⵔⴰⵏ ⵏ ⵜⵎⴻⵙⵍⴰⵢⵜ-ⵉⵙ ⵢⵓⵙⴰ-ⴷ ⵖⴻⴼ ⵜⵉⵔⵣⵉ-ⵉⵙ ⵜⴰⵏⴻⴳⴳⴰⵔⵓⵜ ⵖⴻⵔ ⵍⴻⵣⵣⴰⵢⴻⵔ, ⴰⵏⵉⴷⴰ ⵉⵙⵙⴻⴽⵏⴻⴷ ⵍⴼⴻⵕⵃ-ⵉⵙ ⴰⵎⴻⵇⵇⵔⴰⵏ ⵙ ⵡⴰⵎⴻⴽ ⵉ ⵜ-ⵉⴷ-ⵎⵎⴰⴳⵔⴻⵏ ⴷ ⵜⴰⵔⴱⴰⵄⵜ ⵉ ⵜ-ⵉⴷ-ⵉⵎⵓⵏⵏⴻⵏ, ⵉⵙⵍⴻⵎ-ⴷ ⵙ "ⵜⵎⵓⵖⵍⵉ ⵓⵏⵚⵉⴱ ⴷ ⵜⵉⵏ ⵓⵖⵔⴻⴼ ⵉ ⵢⵉⵎⵓⵙⵙⵏⴰⵡⴻⵏ ⴷ ⵓⵎⴻⵥⵍⵓ ⵏ ⵍⴻⵇⵕⴰⵏ".
ⴷⴰⵖⴻⵏ, ⵉⵙⵔⴻⵚ ⵜⴰⵎⴰⵡⵜ ⵖⴻⴼ ⵓⵎⴰⵀⵉⵍ ⵏ ⵜⵎⵓⵙⵏⵉⵡⵉⵏ ⵏ ⵍⴻⵇⵕⴰⵏ ⴷ ⵜⵉⴷ ⵜⵉⵎⴰⵙⵙⴰⵏⵉⵏ ⴷⴻⴳ ⵓⴼⵔⴰⵇ ⵏ ⵓⵙⴻⵍⵎⴻⴷ ⵏ ⴷⴷⵉⵏ ⴰⵍⴻⵎⵎⴰⵙ ⴷ ⵓⵕⵓⵚⵓ ⵏ ⵡⴰⵣⴰⵍⴻⵏ ⵏ ⵜⴰⵍⵍⴻⵎⵜ (moderation) ⴷ ⵜⵎⵢⴻⴷⴻⵔⵜ (tolerance), ⵉⵡⴰⵍⴰ ⴱⴻⵍⵍⵉ ⵍⵎⴻⴶⵀⵓⴷⴰⵜ-ⴰⴳⵉ ⴷ ⴰⴳⴻⵔⵔⵓⵊ ⵉ ⵜⵎⴻⵏⵏⴰⵟ ⵏ ⵜⴻⴼⵔⵉⵇⵜ ⴷ ⵓⵎⴰⴹⴰⵍ ⵏ ⵢⵉⵏⵙⴻⵍⵎⴻⵏ ⵙ ⵍⴻⴽⵎⴰⵍ.
ⵢⴻⵔⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ "ⵜⴻⵟⵟⴻⴼ ⴰⵎⴽⴰⵏ ⵓⴼⵔⵉⵏ ⴷⴻⴳ ⵡⵓⵍⴰⵡⴻⵏ ⵏ ⵢⵉⴼⵔⵉⴽⴰⵏⴻⵏ, ⵙ ⵜⵎⵓⵖⵍⵉ ⵖⴻⵔ ⵓⵎⴻⵣⵔⵓⵢ-ⵉⵙ ⵏ ⵓⵏⵏⴰⵖ ⴷ ⵓⵜⴻⴽⴽⵉ-ⵉⵙ ⵉ ⵉⵜⴻⴷⴷⵓⵏ ⴷⴻⴳ ⵓⴷⴻⴳⴳⴻⵔ ⵏ ⵜⴻⵎⵙⴰⵍ ⵏ ⵜⴻⴼⵔⵉⵇⵜ". ⵉⵙⵙⴻⴽⵏⴻⴷ ⴱⴻⵍⵍⵉ "ⵜⵓⵙⴰ-ⴷ ⴷ ⵍⵍⵙⴰⵙ ⵉⵕⴻⵙⵙⴰⵏ ⵉ ⵓⵣⴰⵔⵓⴳ ⵏ ⵜⴻⴼⵔⵉⵇⵜ ⴷ ⵓⵃⵔⴰⵣ ⵏ ⵜⵉⵎⵓⵎⴻⵏⵜ-ⵉⵙ ⴷ ⵓⵙⵏⴻⴼⵍⵉ ⵏ ⵍⵉⵙⴻⵔ ⵉ ⵢⵉⴳⵓⵔⴻⴼ-ⵉⵙ".
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⵜⴰⵍⵍⵉⵜ ⵏ "ⵍⴼⴻⴽⴽ ⵏ ⵍⴻⵇⵕⴰⵏ ⵏ ⵢⴰⵍ ⴰⵙⴻⴳⴳⴰⵙ" ⴷ ⵢⵉⵡⴻⵜ ⵏ ⵜⴻⴳⴳⴰⵡⵜ ⵏ ⴷⴷⵉⵏ ⵉⵕⴻⵙⵙⴰⵏ ⴷⴻⴳ ⵜⴻⵎⴷⵉⵏⵜ ⵏ ⴽⴰⵓⵍⴰⵛⴽ, ⵉ ⴷ-ⵢⴻⵙⴷⵓⴽⴽⵓⵍⴻⵏ ⴰⴳⵉⵎⴰⵏ ⵏ ⵢⵉⵎⵜⴻⴽⴽⵉⵢⴻⵏ ⵖⴻⴼ ⵢⵉⵡⴻⵏ ⵏ ⵓⵙⴻⵏⴼⴰⵔ ⵏ ⵍⴻⵇⵕⴰⵏ ⵉ ⵢⴻⴱⵖⴰⵏ ⴰⴷ ⵢⴻⵙⵙⴻⵃⵔⴻⵙ ⴰⵃⴼⴰⴷ ⴷ ⵜⵖⵓⵔⵉ ⵏ ⵡⴻⴷⵍⵉⵙ ⵏ ⵕⴻⴱⴱⵉ, ⴰⵢⴰⴳⵉ ⴷ ⴰⴽⴽⴻⵎⴻⵍ ⵏ ⵓⴱⵔⵉⴷ ⵉ ⵜⴻⵙⵙⴻⵔⵔⴻⵙ ⵜⴻⵙⴷⴰⵡⵉⵜ ⵏ ⵏⵉⴰⵙⵙ ⴷⴻⴳ ⵜⵓⵇⵇⵏⴰ ⵏ ⵓⵙⴻⴳⵎⵉ ⵏ ⵔⵔⵓⵃ ⴷ ⵓⵎⴻⵥⵍⵓ ⵏ ⵜⵓⵙⵙⵏⴰ.
ⵜⴰⵍⵍⵉⵜ-ⴰⴳⵉ ⵏ ⵓⵙⴻⴳⴳⴰⵙ-ⴰⴳⵉ ⵜⴻⵙⵙⴰⵡⴻⴹ ⵖⴻⵔ ⵢⵉⵡⴻⵏ ⵏ ⵓⵎⴹⴰⵏ ⵓⴼⵔⵉⵏ ⵉ ⵢⴰⵡⴻⴹⴻⵏ 77.926 ⵏ ⵜⴼⴻⴽⴽⴰⵜⵉⵏ ⵏ ⵍⴻⵇⵕⴰⵏ, ⴷ ⴰⵢⴻⵏ ⵉ ⴷ-ⵢⴻⵎⵎⴰⵍⴻⵏ ⵜⵉⴷⴷⵢ ⵉⴶⴻⵀⴷⴻⵏ ⵖⴻⴼ ⵓⴱⵔⵉⴷ ⵏ ⵛⵛⵉⵅ ⵉⴱⵔⴰⵀⵉⵎ ⵏⵉⴰⵙⵙ ⴷⴻⴳ ⵓⵃⵔⴰⵣ ⴷ ⵓⵙⴻⵍⵎⴻⴷ ⵏ ⵍⴻⵇⵕⴰⵏ.
