ⵉⵙⵙⴻⵡⵙⴻⵢⵏ ⵓⵏⴻⵖⵍⴰⴼ ⵏ ⵓⵥⵔⴰⴼ, ⴰⵃⵔⴰⵣ ⵏ ⵜⵎⵓⵖⵍⵉⵡⵉⵏ, ⵎⴰⵙⵙ Lotfi Boudjemaa, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵖⴻⴼ ⵓⵙⵙⴻⴽⴻⵔ ⵏ ⵓⴳⴻⵎⵎⴰⵢ ⴰⵎⴰⵢⵏⵓⵜ ⵏ ⵓⵙⴻⵇⵇⴰⵎⵓ ⵏ ⵓⵥⵔⴰⴼ ⵏ Khenchela.
ⵢⴻⵅⴷⴻⵎ ⵓⵏⴻⵖⵍⴰⴼ ⴷⴻⴳ ⵜⵉⵣⵉ ⵏ ⵜⵎⴰⵀⵍⵉ-ⵜ ⴷ ⵓⵙⵙⴻⵏⵇⴻⴷ ⵖⴻⵔ ⵜⵡⵉⵍⴰⵢⵜ, ⵙ ⵓⵜⵜⴻⴽⴽⵉ ⵏ ⵍⵡⴰⵍⵉ ⵏ Khenchela, ⵎⴰⵙⵙ Salim Harizi, ⵓⵙⵙⴻⴽⵔⵓ ⵏ ⵢⵉⵎⵣⵓⵔⴻⵏ ⵢⴻⵎⴳⴰⵔⴰⴷⴻⵏ ⵉ ⵢⴻⵙⵄⴰ ⵓⴳⴻⵎⵎⴰⵢ ⴰⵎⴰⵢⵏⵓⵜ-ⴰ ⵉ ⵢⴻⵜⵜⵍⵉⵍⵉⵏ ⵖⴻⴼ ⵜⵏⴰⴼⴰ ⵜⴰⵎⴰⵜⴰⵡⵜ ⵉ ⵉⵣⴻⴳⵔⴻⵏ 16 ⵏ ⵢⵉⴼⴰⴼ ⵏ ⵍⵎⵉⵜⵔⴰⵜ ⴽⵔⴰⴷ.
ⵙ ⵢⵉⵙⴰⵍⵍⴻⵏ ⵢⵉⵙⵏⴰⵙⴻⵏ ⵉ ⵢⴻⵜⵜⵡⴰⴼⴻⵏ ⵉ ⵓⵏⴻⵖⵍⴰⴼ, ⵓⴳⴻⵎⵎⴰⵢ-ⴰ ⴰⵥⵔⴰⴼⴰⵏ, ⵉ ⵢⴻⵙⵙⵓⴼⴻⵏ ⵓⵙⴻⴱⴷⴻⴷ-ⵉⵙ ⵓⵜⵓⴳ ⴰⴷⵔⵉⵎⴰⵏ ⵉ ⵉⵣⴻⴳⵔⴻⵏ 3,11 ⵏ ⵢⵉⴼⴰⵡⴻⵏ ⵏ ⴷⵉⵏⴰⵔ ⴰⴷⵣⴰⵢⵔⵉ, ⵢⴻⵙⵄⴰ ⵙⴻⵎⵎⵓⵙ ⵏ ⵢⵉⵙⵡⵉⵔⴻⵏ, ⵢⴻⵙⵄⴰ ⵜⵉⵖⵎⵉⵎⵉⵏⵉⵏ ⵏ ⵜⵖⵉⵎⵉ ⴷ ⵜⵉⵖⵎⵉⵎⵉⵏ ⵏ ⵢⵉⵎⵓⵣⵔⴰⵏⴻⵏ ⴷ ⵓⴽⴰⵢⴰⴷ, ⵜⵉⵖⵎⵉⵎⵉⵏⵉⵜ ⵜⴰⵥⴰⵔⴰⵏⵜ, ⵉⵎⴻⵣⵡⵓⵔⴰ ⵉⴷⴱⴻⵍⵢⴰⵏⴻⵏ, ⵜⴰⵛⴻⵎⵎⴰⵄⵜ ⵜⴰⵎⵙⴻⵎⵎⴰⵍⵜ, ⵜⴰⵙⵔⴰⴼⵜ ⴷ ⵓⴳⴻⵎⵎⴰⵢ ⵏ ⵉⵎⵣⵓⵔⴰⵏⴻⵏ.
ⵉⵙⵙⴻⴽⵏ-ⴷ ⵎⴰⵙⵙ Boudjemaa ⴷⴻⴳ ⵓⵎⵓⵍⵍⵉ-ⴰ ⴰⵣⴰⵍ ⵏ ⵓⴳⴻⵎⵎⴰⵢ ⴰⵎⴰⵢⵏⵓⵜ-ⴰ ⴷ ⵜⵜⴻⵎⵎⴻⴷ ⵉ ⵢⵉⵎⴻⵥⵍⴰ ⵉⵥⵔⴰⴼⴰⵏⴻⵏ ⵉ ⵢⴻⵜⵜⵡⴰⵏⴼⴰⴽⴻⵏ ⵉ ⵢⵉⵎⴼⴻⵔⴳⴻⵏ ⵏ ⵓⵃⵔⵉⵞ ⵏ ⵓⵥⵔⴰⴼ ⴷ ⵓⵙⵙⴻⵇⵕⵉ-ⵙⴻⵏ ⵖⴻⵔ ⵉⵖⴰⵔⵉⵎⴻⵏ.
ⴰⵎ ⴰⴽⴽⴻⵏ ⵉ ⵢⴻⵙⵙⵓⵜⴻⵕ ⴰⵣⴰⵍ ⵏ ⵓⵙⵙⴻⴽⵙ ⴰⴼⴻⵍⵍⴰⵢ ⵏ ⵓⵖⴰⵔⵉⵎ ⴷⴻⴳ ⵢⵉⵙⵡⵉⵔⴻⵏ ⵢⴻⵎⴳⴰⵔⴰⴷⴻⵏ ⵏ ⵓⵥⵔⴰⴼ ⵙ ⵓⵙⵙⴻⵡⵙⴻⵢ-ⵉⵙ ⴷ ⵓⵙⵙⴻⵏⵇⴻⴷ-ⵉⵙ.
ⵉⵜⵜⴻⴽⴽⵎⵉⵍ ⵓⵏⴻⵖⵍⴰⴼ ⵏ ⵓⵥⵔⴰⴼ, ⴰⵃⵔⴰⵣ ⵏ ⵜⵎⵓⵖⵍⵉⵡⵉⵏ ⵜⵎⴰⵀⵍⵉ-ⵜ-ⵉⵏⴻⵙ ⵖⴻⵔ ⵜⵡⵉⵍⴰⵢⵜ ⴰⵏⴷⴰ ⴰⵔⴰ ⵉⵡⴰⵍⵉ ⴰⵎⴷⴰⵏ ⵏ ⵓⵔⵎⵓⴷ ⴰⵥⵔⴰⴼⴰⵏ ⵏ ⵓⵙⴻⵇⵇⴰⵎⵓ ⵏ ⵓⵥⵔⴰⴼ ⵏ Khenchela ⴷ ⵜⵏⴻⵣⵣⵓⵜⵉⵏ ⵉ ⵜ-ⵢⴻṭṭⴰⴼⴰⵔⴻⵏ ⵓⵇⴱⴻⵍ ⴰⵏⵎⵓⴳⴳⴰⵔ ⴷ ⵢⵉⵎⵣⵓⵔⴰ, ⵢⵉⵎⴰⵥⴰⵢⴻⵏ ⴷ ⵢⵉⵎⴼⴻⵔⴳⴻⵏ ⵏ ⵓⵥⵔⴰⴼ ⴷ ⵢⵉⵎⵄⴰⵡⴰⵏⴻⵏ ⵏ ⵓⵥⵔⴰⴼ.
ⴰⵔⵏⵓ ⵖⴻⵔ
