ⵜⴳⴰⵎ ⵜⵙⵙⵓⵇⵇⴰ ⵜⴻⵄⵍⴰⵢⵜ ⵏ ⵜⴼⴰⴼⴻⵇ ⴷ ⵓⴼⵔⴰⵖ ⵙⴻⴳ ⵓⵎⵙⴻⵍ ⴷ ⵓⵎⴻⵏⵏⵓⵖ-ⵉⵏⴻⵙ, ⴷⴻⴳ ⵓⴳⵔⴰⵡ-ⵉⵏⴻⵙ ⵉ ⵢⴻⵍⵍⴰⵏ ⴰⵙⵙ ⵏ ⵓⵃⴰⴷⴷ ⵉⵄⴻⴷⴷⴰⵏ, ⵙ ⵓⵙⵙⴻⴽⴼⵍ ⵏ 21 ⵏ ⵢⵉⴽⴰⵔⴰⵎⴻⵏ ⵉ ⵉⵙⵄⴰⵏ ⴰⵎⵣⴰⵣⵉⵍ ⵏ ⵓⵙⵙⴻⴽⴽⵉ ⵏ ⵓⵎⵙⴻⵍ ⵖⴻⵔ ⵢⵉⴷⵉⵙⴰⵏ ⵉⵎⵓⵣⵔⴰⵏⴻⵏ, ⴰⵎ ⴰⴽⴽⴻⵏ ⵉ ⴷ-ⵢⴻⵡⵡⵉ ⵓⵍⵉⵖ ⵏ ⵜⵙⵓⴷⴷⵓⵜ-ⴰ.
ⵉⵙⵙⴻⴼⴻⵀⵎ-ⴷ ⵓⵖⴱⴰⵍⵓ-ⵏⵏⵉ ⴷⴰⴽⴽⴻⵏ "ⵙ ⵓⵙⵏⴰⵙ ⵏ ⵢⵉⵙⴰⴹⵓⴼⴻⵏ ⵏ ⵜⴰⵎⵎⴻⵙⵜ ⵡⵉⵙ 31 ⵙⴻⴳ ⵓⵙⴰⴹⵓⴼ ⵓⵟⵟⵓⵏ 22-08, ⵉ ⵉⵙⵙⴻⴱⴷⵓⴷⴻⵏ ⵓⵙⵓⴷⴷⴻⵙ ⵏ ⵜⵙⵙⵓⵇⵇⴰ ⵜⴻⵄⵍⴰⵢⵜ ⵏ ⵜⴼⴰⴼⴻⵇ ⴷ ⵓⴼⵔⴰⵖ ⵙⴻⴳ ⵓⵎⵙⴻⵍ ⴷ ⵓⵎⴻⵏⵏⵓⵖ-ⵉⵏⴻⵙ, ⴰⵙⴳⴱⴻⵔ-ⵉⵙ ⴷ ⵜⴻⵣⵎⴻⵕⵜ-ⵉⵙ, ⵉⵢⴻⴷⴷⴰ ⴰⵙⵙ ⵏ ⵓⵃⴰⴷⴷ 25 ⴽⵟⵓⴱⴻⵔ 2026, ⵓⴳⵔⴰⵡ ⵏ ⵓⵙⴻⵇⵇⴰⵎⵓ ⵏ ⵜⵙⵙⵓⵇⵇⴰ ⵜⴻⵄⵍⴰⵢⵜ ⴷⴻⴳ ⵜⵙⴻⵎⵢⵓⵔⵜ-ⵉⵙ ⵜⴰⵎⴰⴳⵏⵓⵜ ⵜⵉⵙ ⴽⵔⴰⴹⵜ ⵏ ⵓⵙⴻⴳⴳⴰⵙ ⵏ 2026, ⵙ ⵓⵙⵙⴻⵡⵙⴻⵢ ⵏ ⵎⴰⵙⵙ M'hamed Djellaoui ⴰⵙⴻⵍⵡⴰⵢ ⵏ ⵜⵙⵙⵓⵇⵇⴰ ⵜⴻⵄⵍⴰⵢⵜ ⵙ ⵓⵏⴰⴽⴰⴱ, ⴷ ⵓⵜⵜⴻⴽⴽⵉ ⵏ ⵢⵉⵎⵎⴰⵙⵍⴰⵢⴻⵏ ⵏ ⵓⵙⴻⵇⵇⴰⵎⵓ".
ⵢⴻⵡⵡⵉ-ⴷ ⵓⵖⴰⵡⴰⵙ ⵏ ⵢⵉⵔⵎⵓⴷⴻⵏ ⵏ ⵜⵙⴻⵎⵢⵓⵔⵜ-ⴰ "ⴰⵙⴻⵏⴽⴻⴷ ⵏ ⵓⴳⵣⵓⵍ ⵏ ⵢⵉⵡⴻⵍⵖⵓⵡⵉⵏ ⴷ ⵓⵙⵙⵉⵡⴻⴹ ⵉ ⴷ-ⵜⴻⵡⵡⵉ ⵜⵙⵙⵓⵇⵇⴰ ⵜⴻⵄⵍⴰⵢⵜ ⴰⵔⵎⵉ ⴷ 30 ⵛⵜⴻⵎⴱⴻⵔ ⵏ ⵓⵙⴻⴳⴳⴰⵙ ⵏ 2026".
ⴰⵎ ⴰⴽⴽⴻⵏ ⵉ ⴷ-ⵢⴻⵍⵍⴰ "ⵓⵙⵙⴻⵏⵇⴻⴷ ⵏ ⵢⵉⴽⴰⵔⴰⵎⴻⵏ ⵢⴻⵜⵜⵡⴰⵙⵙⴻⴽⴼⵍⴻⵏ ⵖⴻⵔ ⵓⵙⴻⵇⵇⴰⵎⵓ ⵏ ⵜⵙⵙⵓⵇⵇⴰ ⵜⴻⵄⵍⴰⵢⵜ ⵉ ⵉⵙⵄⴰⵏ ⴰⵎⵣⴰⵣⵉⵍ ⵏ ⵓⵙⵙⴻⴽⴽⵉ ⵏ ⵓⵎⵙⴻⵍ, ⴰⵏⴷⴰ ⵉ ⵜⵜⵡⴰⵙⵙⴻⴽⴼⵍⴻⵏ 20 ⵏ ⵢⵉⴽⴰⵔⴰⵎⴻⵏ ⴷⴻⴳ-ⵙⴻⵏ ⵖⴻⵔ ⵢⵉⵎⵓⵣⵔⴰⵏⴻⵏ ⵉⵎⴰⵜⴰⵡⴻⵏ ⵉⵎⵓⵣⵔⴰⵏⴻⵏ ⴷⴻⴳ ⵜⵎⵏⴰⴹⵜ, ⴷ ⵢⵉⵡⴻⵏ ⵏ ⵓⴽⴰⵔⴰⵎ ⵖⴻⵔ ⵓⵙⴻⵇⵇⴰⵎⵓ ⵏ ⵓⵙⵙⴻⴽⵢⴻⴷ", ⵉ ⴷ-ⵢⴻⵔⵏⴰ ⵓⵍⵉⵖ-ⵏⵏⵉ.
ⴰⵔⵏⵓ ⵖⴻⵔ
