ⴰⵙⴰⵔⴰⴳ ⴰⵖⴻⵍⵏⴰⵡ ⵖⴻⴼ ⵓⵙⴻⵜⵔⴻⵔ ⵏ ⵓⴳⵣⵓⵎ ⵏ ⵜⴽⴻⵔⵔⴰⵣⵜ ⵢⵉⵙⵡⵉ ⵏ ⵓⵙⴻⴽⵢⴻⴷ ⵏ ⵡⴰⵎⵎⴰⴽⴻⵏ ⵏ ⵓⵙⵏⴻⴳⵎⵓ ⵏ ⵓⵏⴰⴳⵔⴰⵡ ⴰⴳⵣⵓⵎⴰⵏ ⵉ ⵓⵙⴻⴹⵔⵓ ⵏ ⵢⵉⵡⴻⵜ ⵏ ⵜⵖⴻⵍⵍⵉⵙⵜ ⵜⴰⵏⵓⵞⵞⵉⵜ ⵜⵓⵏⵣⵉⴳⵜ

ⵉⵡⴽⴷⴻⴷ ⵓⵏⴻⵖⵍⴰⴼ ⵏ ⵜⴽⴻⵔⵔⴰⵣⵜ, ⵏ ⵓⵙⵏⴻⴳⵎⵓ ⴰⵡⵎⴰⵣⵉⵔ ⴰⴽⴽⴻⴷ ⵓⵙⵓⵍⴻⵎ ⴷⴻⴳ ⵓⵙⴰⵔⴰⴳ ⴰⵖⴻⵍⵏⴰⵡ ⵖⴻⴼ ⵓⵙⴻⵜⵔⴻⵔ ⵏ ⵓⴳⵣⵓⵎ ⵏ ⵜⴽⴻⵔⵔⴰⵣⵜ ⵢⵉⵙⵡⵉ ⵏ ⵓⵙⴻⴽⵢⴻⴷ ⵏ ⵡⴰⵎⵎⴰⴽⴻⵏ ⵏ ⵓⵙⵏⴻⴳⵎⵓ ⵏ ⵓⵏⴰⴳⵔⴰⵡ ⴰⴳⵣⵓⵎⴰⵏ ⵉ ⵓⵙⴻⴹⵔⵓ ⵏ ⵢⵉⵡⴻⵜ ⵏ ⵜⵖⴻⵍⵍⵉⵙⵜ ⵜⴰⵏⵓⵞⵞⵉⵜ ⵜⵓⵏⵣⵉⴳⵜ ⴰⴷ ⵢⵍⵍⵉ ⴱⴻⴷⴷⵓ  ⵏ ⵓⵙⴻⴷⴷⵓ ⵏ ⵜⴰⵡⵉⵍⴰⵜ ⵉⵜⵉⴽⵏⵓⵍⵓⵊⵉⵢⴻⵏ ⴷ ⵓⵙⵏⵓⵍⴼⵓ 

ⴷ ⴰⵙⴰⵔⴰⴳ ⴰⵔⴰ ⵢⵉⵍⵍⵉⵏ ⵙⴻⴳ  27 ⴰⵔ 28 ⵜⵓⴱⴻⵔ ⴷⴻⴳ ⴹⵣⴰⵢⴻⵔ ⵜⴰⵎⴰⵏⴻⵖⵜ

ⴰⵙⴰⵔⴰⴳ-ⴰ, ⵢⴻⵍⵍⴰ-ⴷ ⴷⴻⴳ ⵓⵙⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵢⵉⵙⴰⵔⴰⴳⴻⵏ ⵄⴱⴷⴻⵍⴰⵜⵉⴼ-ⵕⴰⵀⴰⵍ, ⴰⴷ ⵢⴻⵙⵙⴻⴳⵔⴻⵡ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵢⵉⵎⴰⵣⵣⴰⵢⴻⵏ ⵉⵖⴻⵍⵏⴰⵡⴻⵏ ⴰⴽⴽⴻⴷ ⵢⵉⴳⵔⴰⵖⵍⴰⵏⴻⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵜⴻⵖⵓⵍⵜ ⵏ ⵜⴽⴻⵔⵔⴰⵣⵜ, ⴰⴷ ⵎⵎⴻⵙⵍⴰⵢⴻⵏ ⵖⴻⴼ ⵢⵉⵡⴻⵏ ⵏ ⵓⵎⴰⵣⵔⴰⵔ ⵏ ⵜⵓⵜⵜⵔⵉⵡⵉⵏ « ⵜⵉⵙⴻⵜⵔⴰⵜⵉⵊⴰⵏⵉⵏ ⵜⵉⵅⴰⵜⴰⵔⵉⵏ », ⵙ ⵓⵙⵎⴰⵀⴻⵍ ⵏ ⵜⴻⵙⵏⴰⵜⵡⵉⵍⵉⵏ ⵜⵉⵎⴰⵢⵏⵓⵜⵉⵏ.

ⵄⵢⴰ ⴰⴽⴽ, ⵉ ⵡⴰⴽⴽⴻⵏ ⴰⴷ ⵏⴻⵙⵏⴻⵔⵏⵉ ⴰⴼⴰⵔⴻⵙ ⴰⴽⴽⴻⴷ ⵓⵙⴻⴽⵛⴻⵎ ⵏ ⵜⴻⴷⵔⵉⵎⵜ, ⴰⵙⵎⴰⵀⴻⵍ ⵢⴻⵍⵀⴰⵏ ⵏ ⵢⵉⵖⴱⵓⵍⴰ ⵏ ⵡⴰⵎⴰⵏ, ⴰⵙⴻⵜⵔⴻⵔ ⵏ ⵢⵉⵙⴳⵓⵍⴰⴼ ⴰⴽⴽⴻⴷ ⵜⴷⵓⵎⵚⵓⴽⵉⵏ ⵜⵉⴽⴻⵔⵔⴰⵣⴰⵏⵉⵏ, ⴰⵙⵏⴻⴳⴷⵓ ⵏ ⵜⵙⴻⵎⵙⴻⴷⴷⴰ ⴰⴽⴽⴻⴷ ⵓⵙⵉⵥⵔⴻⴼ ⴰⴽⴻⵔⵔⴰⵣⴰⵏ ⵔⵏⵓ-ⴷ ⴰⵙⴻⵎⴹⴻⵏ ⵓⵎⵎⵉⴷ ⵏ ⵓⴳⵣⵓⵎ ⵏ ⵜⴽⴻⵔⵔⴰⵣⵜ.

ⴰⴷ ⵎⵎⴻⵙⵍⴰⵢⴻⵏ ⴷⴰⵖⴻⵏ ⴷⴻⴳ ⵓⵙⴰⵔⴰⴳ-ⴰ ⵖⴻⴼ ⵡⴰⵍⵍⵓⵙ ⵏ ⵓⵙⴻⵎⵚⴻⴽ ⴰⴽⴽⴻⴷ ⵓⵙⵓⴷⴷⴻⵙ ⵏ ⵓⵖⵍⵉⴼ ⴰⴽⴽⴻⴷ ⵢⵉⵖⵙⵓⵔⴻⵏ ⵢⴻⵍⵍⴰⵏ ⵙⴷⴷⴰⵡ ⵏ ⵍⴻⵄⵏⴰⵢⴰ-ⵙ, ⴰⵙⵎⴰⵀⴻⵍ ⵏ ⵜⴻⵙⵏⴰⵜⵡⵉⵍⵉⵏ ⵜⵉⵎⴰⵢⵏⵓⵜⵉⵏ ⴷⴻⴳ ⵓⵙⴻⴼⵔⴻⴽ ⵏ ⵡⴰⴽⴰⵍ ⵏ ⵜⴽⴻⵔⵔⴰⵣⵜ ⴰⴽⴽⴻⴷ ⵓⵙⵎⴰⵀⴻⵍ ⴷⴰⵖⴻⵏ ⵏ ⵜⴻⵙⵏⴰⵜⵡⵉⵍⵜ ⵜⴰⵙⵏⵓⴷⵔⴰⵏⵜ ⵉ ⵓⵙⵏⴻⴳⵎⵓ ⵏ ⵜⴻⵍⵎⴰⵙ ⵉ ⴷ-ⵢⴻⵎⵎⴻⵣⴳⴻⵏ ⴰⴽⴽⴻⴷ ⵓⴱⴻⴷⴷⴻⵍ ⵏ ⵓⵏⴻⵣⵡⵓ, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵍⵖⵓ