ⵉⵙⵙⴻⴽⵏⴻⴷ-ⴷ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⴰⴷⴰⵎⵙⴰⵏ, ⴰⵎⴻⵜⵜⴰⵢⴰⵏ ⴷ ⵜⴰⵡⵏⵏⴰⴹⵜ (ⵛⵏⴻⵙⴻ), ⵎⴰⵙⵙ ⵎⵓⵀⴰⵎⴻⴷ ⴱⵓⵓⵞⴰⵔⵉ, ⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⵍⴻⵣⵣⴰⵢⴻⵔ ⵜⴼⴻⵔⵔⴻⵏ ⴰⴷ ⵜⴽⴻⵎⵎⴻⵍ ⴷⴻⴳ ⵜⵓⵛⵛⵉⵜ-ⵉⵙ ⵢⴻⵄⵏⴰⵏ ⴰⵀⵉⵍ ⵏ 2030, ⵓ ⴰⴷ ⵜ-ⵜⴻⵙⵙⴻⵇⵍⴰⵢⴻⵏ ⵓⴳⴰⵔ, ⵓⵍⴰ ⵎⴰ ⵢⵉⵙⴻⴳⴳⴰⵙⴻⵏ ⴳⴰⵔ 2019 ⴷ 2026 ⵓⵔ ⵍⵍⵉⵏ ⴰⵔⴰ ⴷ ⵡⵉⴷ ⵏ ⵏⵏⵓⵎ .
ⵢⴻⵏⵏⴰ-ⴷ ⴱⵓⵓⵞⴰⵔⵉ ⴷⴻⴳ ⵓⵍⴷⴰⵢ ⵏ ⵢⵉⵎⴰⵀⵉⵍⴻⵏ ⵏ ⵍⵡⴻⵕⵛⴰ ⵏ ⵓⵎⴰⵀⵉⵍ ⵏ ⵓⵎⵛⴻⵡⵡⴻⵔ ⵖⴻⴼ ⵓⵙⴰⵍⵉ ⵏ ⵓⵙⵉⵡⴹ ⴰⵖⴻⵍⵏⴰⵡ ⵏ ⵍⴻⴱⵖⵉ (Voluntary National Review) ⵡⵉⵙ ⵙⵉⵏ ⵢⴻⵄⵏⴰⵏ ⵢⵉⵙⵡⵉⵢⴻⵏ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ : "ⵉⵙⴻⴳⴳⴰⵙⴻⵏ ⵉ ⵉⵡⴻⵣⵍⴰ ⴳⴰⵔ 2019 ⴷ 2026 ⵓⵔ ⵍⵍⵉⵏ ⴰⵔⴰ ⴷ ⵉⵙⴻⴳⴳⴰⵙⴻⵏ ⵉⵕⴻⵙⵙⴰⵏⴻⵏ, ⵉⵎⵉ ⵓⵎⴰⴹⴰⵍ ⵉⵥⵔⴰ ⴷⴻⴳ-ⵙⴻⵏ ⴰⵟⵟⴰⵏ ⵏ ⴽⵓⵕⵓⵏⴰ ⴷ ⵢⵉⴱⴻⴷⴷⵉⵍⴻⵏ ⵉⵊⵉⵓⵒⵓⵍⵉⵜⵉⴽⵉⵢⴻⵏ ⵍⵇⴰⵢⴻⵏ ⴷ ⵓⵙⴻⴷⴳⴻⵔ ⵉ ⵉⵜⴻⴷⴷⵓⵏ ⴷⴻⴳ ⵓⴱⵔⵉⴷ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ ⴷⴻⴳ ⵓⵎⴰⴹⴰⵍ ⵎⴻⵕⵕⴰ. ⵍⴰⵎⴻⵄⵏⴰ, ⵣⴷⴰⵜ ⵏ ⵢⵉⴽⴰⵢⴰⴷⴻⵏ-ⴰⴳⵉ, ⵍⴻⵣⵣⴰⵢⴻⵔ ⵜⴼⴻⵔⵔⴻⵏ ⴰⴷ ⵜⴽⴻⵎⵎⴻⵍ ⴷⴻⴳ ⵜⵓⵛⵛⵉⵜ-ⵉⵙ ⵢⴻⵄⵏⴰⵏ ⴰⵀⵉⵍ ⵏ 2030."
ⵍⵡⴻⵕⵛⴰ-ⴰⴳⵉ ⵏ ⵓⵎⵛⴻⵡⵡⴻⵔ ⵜⴻⵡⵡⵉ-ⴷ ⵖⴻⴼ ⵓⵙⴻⵍⴽⴻⵎ ⵏ ⵢⵉⵙⵡⵉⵢⴻⵏ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ ⴷⴻⴳ ⵓⴱⵔⵉⴷ ⵏ ⵓⵙⴰⵍⵉ ⵏ ⵓⵙⵉⵡⴹ ⴰⵖⴻⵍⵏⴰⵡ ⵏ ⵍⴻⴱⵖⵉ ⵡⵉⵙ ⵙⵉⵏ ⵏ ⵍⴻⵣⵣⴰⵢⴻⵔ ⵙ ⵢⵉⵙⴻⵎ: "ⵍⴻⵣⵣⴰⵢⴻⵔ ⵖⴻⵔ ⵢⵉⵎⴰⵍ ⵉⵕⴻⵙⵙⴰⵏ ⵖⴻⴼ ⵜⴰⵏⴰⵜⵉⵜ , ⴰⵙⵉⴷⵔⴻⵡ ⵏ ⵜⵎⴻⵜⵜⵉ ⴷ ⵓⵙⵏⵓⵍⴼⵓ." ⴰⵣⴰⵎⵓⵍ-ⴰⴳⵉ ⵢⴻⵎⵎⴰⵍ-ⴷ ⴰⴼⵔⴰⵏ ⴰⵙⵔⴰⵜⵉⴷⵊⵉ ⵉ ⵜⴹⴻⴼⵔⴻⵜ ⵍⴻⵣⵣⴰⵢⴻⵔ ⵉ ⵍⵉⵙⴻⵔ ⵏ ⵜⵎⵓⵔⵜ ⴷ ⵓⵃⵏⵉⵏ ⵏ ⵓⵖⵔⵉⵎ.
ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔ ⵏ ⵓⵙⴰⵍⵉ ⵏ ⵓⵙⵉⵡⴹ ⴰⵖⴻⵍⵏⴰⵡ ⵏ ⵍⴻⴱⵖⵉ ⵡⵉⵙ ⵙⵉⵏ ⵏ ⵍⴻⵣⵣⴰⵢⴻⵔ, ⴰⵔⴰ ⴷ-ⵢⴻⵜⵜⵡⴰⵙⴻⵏⴽⴷⴻⵏ ⴷⴻⴳ ⵡⴰⴳⴳⵓⵔ ⵏ ⵢⵓⵍⵢⵓ 2026 ⵣⴷⴰⵜ ⵏ ⵓⵙⴰⵢⴻⵙ ⴰⵙⴻⵔⵜⵉ ⵏ ⵓⵙⵡⵉⵔ ⵉⵄⵍⴰⵢⴻⵏ ⴷⴻⴳ ⵏⵢⵓⵡ ⵢⵓⵔⴽ.
ⵉⵡⴰⴽⴽⴻⵏ ⴰⴷ ⵏⵣⴻⵔ, ⴰⵙⵉⵡⴹ ⴰⵖⴻⵍⵏⴰⵡ ⵏ ⵍⴻⴱⵖⵉ ⴰⵎⴻⵏⵣⵡⴰⵔⵓ ⵢⴻⵍⵍⴰ-ⴷ ⴷⴻⴳ ⵓⵙⴻⴳⴳⴰⵙ ⵏ 2019. ⵙⴻⴳ ⵡⴰⵙⵎⵉ ⵉ ⴷ-ⵜⵜⵓⵙⵜⴻⵏⵢⴰⵏ ⵢⵉⵙⵡⵉⵢⴻⵏ ⵏ 2030 ⴷⴻⴳ ⵓⵙⴻⴳⴳⴰⵙ ⵏ 2015, ⵍⴻⵣⵣⴰⵢⴻ ⵜⴻⵜⵜⴻⴽⴽⵉ ⵙ ⵍⴶⴻⵀⴷ ⵉⵡⴰⴽⴽⴻⵏ ⴰⴷ ⵜⴻⵏ-ⵜ-ⵉⵙⵉⴷⵔⴻⵡ ⴷⴻⴳ ⵜⵙⴻⵔⵜⵉⵢⵉⵏ-ⵉⵙ ⵜⴰⵖⴻⵍⵏⴰⵡⵉⵏ. ⴰⵢⴰⴳⵉ ⵢⴻⵜⵜⵓⵙⴻⴶⵀⴻⴷ ⵙ ⵓⵙⴻⴷⴷⴻⵔ ⵏ ⵍⵍⵙⴰⵙⴻⵏ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ ⴷⴻⴳ ⵜⵎⴻⵏⴹⴰⵡⵜ ⵏ 2020.
ⴱⵓⵓⵞⴰⵔي ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⴰⵙⴰⵍⵉ ⵏ ⵓⵙⵉⵡⴹ-ⴰⴳⵉ ⵓⵔ ⵍⵍⵉ ⴰⵔⴰ ⴽⴰⵏ ⴷ ⵓⵎⴰⵀⵉⵍ ⴰⵜⵉⴽⵏⵉⴽ, ⵍⴰⵎⴻⵄⵏⴰ ⴷ ⴰⴱⵔⵉⴷ ⵏ ⵜⴷⵓⴽⵍⵉ ⵏ ⵜⵉⴷⴻⵜ ⵉ ⴷⴻⴳ ⴷ-ⵜⵜⵓⵏⴻⵎⵍⴻⵏⵜ ⵜⵎⵓⵖⵍⵉⵡⵉⵏ ⵏ ⵢⴰⴽⴽ ⵢⵉⵢⴻⵙⴽⵉⵔⴻⵏ ⵏ ⵜⵎⴻⵜⵜⵉ, ⵍⴰⴷⵖⴰ ⵜⴰⵎⵎⴻⵜⵜⵉ ⵜⴰⵖⵔⵉⵎⵜ ⴷ ⵓⵏⵏⴰⵔ ⴰⵎⴰⵙⵙⴰⵏ. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵜⴰⵎⴰⵡⵜ ⵖⴻⴼ ⵡⴰⵢⴻⵏ ⵉ ⵉⵃⴻⵚⵔⴻⵏ ⴰⵖⵔⵉⵎ ⴷ ⵢⵉⵙⴰⵔⴰⵎⴻⵏ-ⵉⵙ ⵏ ⵜⵉⴷⴻⵜ.
ⵉⵙⵙⴻⴳⵔⴰ-ⴷ ⵜⵎⴻⵙⵍⴰⵢⵜ-ⵉⵙ ⵙ ⵓⵙⴻⴽⵏⴻⴷ ⴱⴻⵍⵍⵉ ⴰⵙⵏⴻⴼⵍⵉ ⵉⵕⴻⵙⵙⴰⵏ ⴷ ⵜⴰⵎⴰⵙⵉⵜ ⵏ ⵜⴻⴳⵔⵓⵎⵎⴰ ⵉ ⵓⵔ ⵏⴻⵇⴱⵉⵍ ⴰⵔⴰ ⴱⴻⵟⵟⵓ. ⵏⴻⵙⵙⴰⵔⴰⵎ ⴰⴷ ⴷ-ⵉⵍⵍⵉⵏⵜ ⵜⵎⵓⵖⵍⵉⵡⵉⵏ ⵏⴼⴰⵄⴻⵏ ⵉⵡⴰⴽⴽⴻⵏ ⴰⵙⵉⵡⴹ-ⴰⴳⵉ ⵏ 2026 ⴰⴷ ⵢⴰⵡⴻⴹ ⴰⵙⵡⵉⵔ ⵉⵄⵍⴰⵢⴻⵏ ⵏ ⵢⵉⵙⴰⵔⴰⵎⴻⵏ.
ⴰⵔⵏⵓ ⵖⴻⵔ
