ⵢⴻⵙⵙⵓⵜⴻⵔ ⵓⵙⴻⵅⵔⵉⴱ (ⵍⴱⵉⵔⵓ) ⵏ ⵜⵉⵎⵓⵔⴰ ⵢⴻⴷⴷⴽⵍⴻⵏ ⵉ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷⴻⴳ ⵜⵎⵓⵔⴰ ⵏ ⵍⴼⵉⵍⵉⵙⵟⵉⵏ ⵉ ⴷ-ⵢⴻⵜⵜⵡⴰⵟⵟⴼⴻⵏ, ⵉ ⵍⴽⴰⵢⴰⵏ ⴰⵚⴻⵒⵢⵓⵏⵉ ⴰⴷ ⵢⴻⵃⴱⴻⵙ ⵉⵎⵉⵔⴻⵏ ⴰⴽⴽ ⵜⵉⴳⴰⵡⵜⵉⵏ ⵉ ⴷ-ⵉⴳⴻⵍⵍⵓⵏ ⵙ ⵓⴱⴻⵟⵟⵓ ⵏ ⵍⵇⴰⵄⴰ ⴷ ⵡⴻⴳⴷⵓⴷ ⵏ ⵍⴼⵉⵍⵉⵙⵟⵉⵏ, ⴳⴰⵔ-ⴰⵙⴻⵏⵜ ⴰⵙⵏⴻⵊⵍⴰ ⵙ ⴷⴷⵔⴻⵄ ⴷ ⵓⵙⵏⴻⵔⵏⵉ ⵏ ⵜⵏⴻⵣⴷⵓⵖⵉⵏ ⴷⴻⴳ ⵍⵇⵓⴷⵙ ⵏ ⵓⵙⴰⵎⵎⴰⵔ ⴷ ⵜⵎⴻⵏⴰⴹⵉⵏ ⵉ ⵙ-ⴷ-ⵢⴻⵣⵣⵉⵏ.
ⵢⴻⵏⵏⴰ-ⴷ ⵓⵙⴻⵅⵔⵉⴱ-ⴰⴳⵉ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⵍⴱⵉⵢⴰⵏ), ⴱⴻⵍⵍⵉ ⵜⴰⵣⵣⵍⴰ ⵏ ⵓⵙⵏⴻⵊⵍⴰ ⵏ ⵍⴼⵉⵍⵉⵙⵟⵉⵏⵉⵢⴻⵏ ⵙ ⴷⴷⵔⴻⵄ ⴷⴻⴳ ⵍⵇⵓⴷⵙ ⵏ ⵓⵙⴰⵎⵎⴰⵔ ⵜⵣⴰⴷ, ⴰⴽⴽⴻⴷ ⵓⵙⵃⵓⵛⵛⵓ ⵏ ⵜⵏⴻⵣⴷⵓⵖⵉⵏ ⴷⴻⴳ "ⵙⵉⵍⵡⴰⵏ" ⴷⴻⴳ ⵡⴻⵏⵥⵓⵍ ⵏ ⵜⴻⵎⴷⵉⵏⵜ ⵜⴰⵇⴱⵓⵔⵜ. ⵢⴻⵔⵏⴰ ⵍⴽⴰⵢⴰⵏ ⴰⵚⴻⵒⵢⵓⵏⵉ ⵉⴽⴻⵎⵎⴻⵍ ⴰⵙⵏⴻⵔⵏⵉ ⵏ ⵜⵏⴻⵣⴷⵓⵖⵉⵏ ⵓⵔ ⵏⴻⵍⵍⵉ ⴷⴻⴳ ⵍⵇⴰⵏⵓⵏ ⴷⴻⴳ ⵜⴻⵎⵏⴰⴹⵜ "E1", ⵉ ⴷ-ⵢⴻⵣⴳⴰⵏ ⴷⴻⴳ ⵡⵓⵍ ⵏ ⵜⵍⴰⵜⴰ ⵜⴻⵎⴷⵉⵏⵉⵏ ⵎⴻⵇⵇⵔⴻⵏ: ⵍⵇⵓⴷⵙ ⵏ ⵓⵙⴰⵎⵎⴰⵔ, ⵔⴰⵎⴰⵍⵍⴰ, ⴷ ⴱⵉⵜ ⵍⴻⵃⵎ.
ⵢⴻⴱⴷⴻⵔ-ⴷ ⴷⴰⵖⴻⵏ ⴰⵢⴻⵏ ⵉ ⴷ-ⵜⴻⵏⵏⴰ ⵜⴰⵙⴰⵇⵇⴰⵎⵜ ⵜⴰⴳⵔⴰⵖⵍⴰⵏⵜ ⵏ ⵜⴻⵖⴷⴻⵎⵜ (ICJ) ⴷⴻⴳ ⵢⵓⵍⵢⵓ 2024, ⴱⴻⵍⵍⵉ ⵜⵉⵙⴻⵔⵜⵉⵢⵉⵏ ⵏ ⵓⵚⴻⵒⵢⵓⵏⵉ ⴷⴻⴳ ⵜⵎⵓⵔⴰ ⵏ ⵍⴼⵉⵍⵉⵙⵟⵉⵏ, ⴳⴰⵔ-ⴰⵙⴻⵏⵜ ⴰⵙⵃⵓⵛⵛⵓ ⵏ ⵢⵉⵅⴰⵎⵎⴻⵏ, ⴷ ⴰⵢⴻⵏ ⵉ ⴷ-ⵉⴳⴻⵍⵍⵓⵏ ⵎⴳⴰⵍ ⵍⴻⵇⵡⴰⵏⴻⵏ ⵏ ⵍⵊⵉⵏⵉⴼ ⵡⵉⵙ ⵔⴻⴱⵄⴰ ⵉ ⵉⵃⴻⵔⵔⵉⵎⴻⵏ ⴰⵙⵏⴻⵊⵍⴰ ⵙ ⴷⴷⵔⴻⵄ.
ⵢⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⴰⵙⴰⵇⵇⴰⵎⵜ-ⴰⴳⵉ ⵜⴻⵡⵡⵉ-ⴷ ⴰⴷ ⵢⴻⴼⴽ ⵜⴰⴳⴰⵔⴰ ⵉ ⵡⴻⵍⵖⵓ ⵏ ⵍⴽⴰⵢⴰⵏ ⴰⵚⴻⵒⵢⵓⵏⵉ ⴷⴻⴳ ⵜⵎⵓⵔⴰ ⵏ ⵍⴼⵉⵍⵉⵙⵟⵉⵏ, ⴰⴷ ⵢⴻⵃⴱⴻⵙ ⴰⴽⴽ ⵍⴻⵅⴷⴰⵢⴻⵎ ⵏ ⵜⵏⴻⵣⴷⵓⵖⵉⵏ ⵜⵉⵎⴰⵢⵏⵓⵜⵉⵏ, ⵢⴻⵔⵏⴰ ⴰⴷ ⴼⴼⵖⴻⵏ ⴰⴽⴽ ⵡⵉⴷ ⵉ ⴷ-ⵢⴻⵣⴳⴰⵏ ⴷⵉⵙⴻⵏⵜ.
ⵢⴻⵔⵏⴰ-ⴷ ⵓⵙⴻⵅⵔⵉⴱ-ⴰⴳⵉ: "ⵏⴻⵜⵜⵡⴰⵍⵉ ⴷⴻⴳ ⵜⵎⵓⵔⴰ ⵏ ⵍⴹⴻⴼⴼⴰ ⵉ ⴷ-ⵢⴻⵜⵜⵡⴰⵟⵟⴼⴻⵏ ⵢⵉⵡⴻⵜ ⵏ ⵜⴰⵣⵣⵍⴰ ⵏ ⵓⵙⵏⴻⵊⵍⴰ ⵓⵔ ⵏⴻⵍⵍⵉ ⵢⴰⴽⴰⵏ, ⴷ ⵓⵃⴻⵡⵡⴻⵙ ⵏ ⵍⵇⴰⵄⴰ, ⴷ ⵜⵉⴳⴳⴰⴷⵉⵏ ⵏ ⵡⵉⴷ ⵉ ⴷ-ⵢⴻⵣⴳⴰⵏ (ⵉⵎⴻⵙⵜⵉⵟⴰⵏⴻⵏ), ⴷ ⵓⵙⵏⴻⵔⵏⵉ ⵏ ⵜⵏⴻⵣⴷⵓⵖⵉⵏ. ⴰⵢⴰⴳⵉ ⵢⴻⵙⵙⴻⵔⴽⴻⴷ ⴰⵃⴻⵡⵡⴻⵙ ⵏ ⵜⵎⵓⵔⵜ ⵢⴻⵔⵏⴰ ⵉⵃⴻⵇⵇⴻⵔ ⵍⵃⴻⵇⵇ ⵏ ⵍⴼⵉⵍⵉⵙⵟⵉⵏⵉⵢⴻⵏ ⴷⴻⴳ ⵡⴻⵅⵜⵉⵔⵉ ⵏ ⵍⵎⵓⵚⵉⵔ-ⵏⵙⴻⵏ." ⵢⴻⵙⵙⴻⴷⴷⴻⵔ-ⴷ ⴰⵣⴰⵍ ⵏ ⵜⵓⵖⴷⴰ ⵏ ⵓⴳⴷⵓⴷ ⴰⴳⵔⴰⵖⵍⴰⵏ ⵉ ⵡⴰⴽⴽⴻⵏ ⴰⴷ ⵉⵃⴻⵜⵜⵉⵎ ⵜⴰⴳⴰⵔⴰ ⵏ ⵜⴳⴰⵡⵜⵉⵏ-ⴰⴳⵉ ⵎⴳⴰⵍ ⵍⵇⴰⵏⵓⵏ ⴰⴳⵔⴰⵖⵍⴰⵏ.
ⴰⵔⵏⵓ ⵖⴻⵔ
