ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵓⵙⴻⵍⵎⴻⴷ ⵓⵏⵉⴳ ⴷ ⵓⵏⴰⴷⵉ ⴰⵎⴰⵙⵙⴰⵏ, ⵎⴰⵙⵙ ⴽⴰⵎⴻⵍ ⴱⴰⴷⴷⴰⵔⵉ, ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵓⵅⵅⴰⵎ ⵏ ⵡⴰⴷⴷⴰⵍ ⵏ ⵜⴻⵙⴷⴰⵡⵉⵜ "ⵎⵓⵀⴰⵎⴻⴷ ⵅⵉⴹⴻⵔ" ⴷⴻⴳ ⴱⵉⵙⴽⵔⴰ, ⴰⵍⴷⴰⵢ ⵏ ⵜⵙⴻⵎⵎⵓⵏⵜ ⵜⵉⵙ ⵎⵔⴰⵡ ⴷ ⵜⵥⴰⵜ (19) ⵏ ⵡⵓⵔⴰⵔⴰⴻⵏ ⵉⵖⴻⵍⵏⴰⵡⴻⵏ ⵏ ⵜⴻⵙⴷⴰⵡⵉⵜ ⵙ ⵓⵜⴻⴽⴽⵉ ⵏ 1.800 ⵏ ⵢⵉⵎⵣⵉⵣⵡⴻⵔ.
ⵉⵙⵙⴻⴼⵀⴻⵎ-ⴷ ⵓⵏⴻⵖⵍⴰⴼ ⴷⴻⴳ ⵜⵎⴻⵙⵍⴰⵢⵜ-ⵉⵙ ⴱⴻⵍⵍⵉ "ⵜⴰⵙⴷⴰⵡⵉⵜ ⵜⴰⵣⵣⴰⵢⵔⵉⵜ ⵜⵓⵖⴰⵍ ⴷ ⴰⴽⵓⴼⵉ ⵏ ⵏⴼⵉⵜ ⵜⴰⵖⴻⵍⵏⴰⵡⵜ", ⵉⵙⵙⴻⴽⵏⴻⴷ ⴱⴻⵍⵍⵉ ⴰⵙⵙⴻⴱⵕⴻⴽ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵢⵉⵏⴻⵍⵎⴰⴷⴻⵏ ⴷ ⵢⵉⵍⴻⵎⵣⵢⴻⵏ ⵉ ⴷ-ⵢⴻⵡⵡⵉⵏ ⵔⵔⴻⴱⴻⵃ ⴷⴻⴳ ⵡⴰⴷⴷⴰⵍⴻⵏ ⵏ ⵜⴻⴼⵔⵉⵇⵜ ⴷ ⵓⵎⴰⴹⴰⵍ, ⴷ ⴰⵣⴰⵎⵓⵍ ⵏ ⵡⴰⵣⴰⵍ ⵉ ⵜⴻⵜⵜⴰⴽ ⵜⵎⵓⵔⵜ ⵉ ⵡⴰⴷⴷⴰⵍ ⵏ ⵜⴻⵙⴷⴰⵡⵉⵜ.
ⵢⴻⵔⵏⴰ-ⴷ ⵢⴻⵏⵏⴰ ⴱⴻⵍⵍⵉ "ⵙⴻⴳ ⵡⴰⴳⴳⵓⵔ ⵏ ⵛⵜⴻⵎⴱⴻⵔ ⵉ ⴷ-ⵉⵜⵜⴻⴷⴷⵓⵏ, ⴰⴷ ⴷ-ⵢⵉⵍⵉ ⵓⵎⴰⵀⵉⵍ ⵉⵡⴰⴽⴽⴻⵏ ⴰⴷ ⴷ-ⵜⴻⵇⵇⵉⵎ ⵜⴰⵔⵔⴰⵢⵜ ⵏ ⵡⵓⵔⴰⵔⴰⴻⵏ ⵏ ⵜⴻⵙⴷⴰⵡⵉⵜ (ⵜⴰⵏⴰⵜⵉⵜ) ⴷⴻⴳ ⵢⵉⵙⵡⵉⵔⴻⵏ ⵏ ⵜⵡⵉⵍⴰⵢⵜ, ⵜⵎⴻⵏⵏⴰⵟ ⴷ ⵓⵡⴰⵏⴰⴽ ⵙ ⵓⵜⴻⴽⴽⵉ ⵏ ⵜⵏⴻⵖⵍⴰⴼⵜ ⵏ ⵡⴰⴷⴷⴰⵍ".
ⴰⵏⴻⵖⵍⴰⴼ ⵢⴻⵍⵍⴰ-ⴷ ⵙ ⵜⴰⵎⴰ ⵏ ⵍⵡⴰⵍⵉ ⵏ ⴱⵉⵙⴽⵔⴰ, ⵎⴰⵙⵙ ⵍⴰⴽⵀⴷⴰⵔ ⵙⴻⴷⴷⴰⵙ, ⴷⴻⴳ ⵜⵉⵎⵍⵉⵍⵉⵜ ⵏ ⵜⴰⵣⵡⴰⵔⴰ ⵏ ⵜⴰⴽⵓⵔⵜ ⵏ ⵓⴼⵓⵙ (volleyball). ⵙⴻⵍⴷ ⴰⵏⵏⴻⵛⵜ-ⴰ, ⵢⴻⵔⵣⴰ ⵖⴻⵔ ⵓⵎⵓⵍⵍⵉ ⵏ ⵡⴰⴷⴷⴰⵍⴻⵏ ⵏ ⵜⴻⵙⴷⴰⵡⵉⵜ, ⴰⵏⵉⴷⴰ ⵢⴻⴼⴽⴰ ⵍⵉⵛⴰⵕⴰ ⵏ ⵜⴰⵣⵡⴰⵔⴰ ⵏ ⵜⵉⵎⴻⵏⵢⴰⵏⵉⵏ ⵏ ⵓⴽⴽⴰⵔⴰⵜⵉ.
ⵜⵜⴻⴽⴽⵉⵏ ⴷⴻⴳ ⵜⴻⴳⴳⴰⵡⴻⵜ-ⴰⴳⵉ ⵏ ⵡⴰⴷⴷⴰⵍ, ⵉ ⵢⴻⵙⵙⴻⵍⵡⴰⵢⴻⵏ 120 ⵏ ⵢⵉⵙⵉⵍⴻⵖⴻⵏ 1.800 ⵏ ⵢⵉⵎⵣⵉⵣⵡⴻⵔ ⵉ ⴷ-ⵢⴻⵎⵎⵍⴻⵏ ⵜⴰⵙⴷⴰⵡⵉⵢⵉⵏ ⵏ 39 ⵏ ⵜⵡⵉⵍⴰⵢⵉⵏ. ⴰⵙⴻⵍⵡⴰⵢ ⵏ ⵜⴷⵓⴽⵍⴰ ⵜⴰⵣⵣⴰⵢⵔⵉⵜ ⵏ ⵡⴰⴷⴷⴰⵍ ⵏ ⵜⴻⵙⴷⴰⵡⵉⵜ, ⵎⴰⵙⵙ ⵃⴰⴷⵊ ⴰⵃⵎⴻⴷ ⵎⵓⵀⴰⵎⴻⴷ, ⵢⴻⵏⵏⴰ-ⴷ ⴱⴻⵍⵍⵉ ⵜⵉⴳⴳⴰⵡⴻⵜ-ⴰⴳⵉ ⴰⴷ ⵜⴷⵓⵎ ⴰⵔⵎⵉ ⴷ ⵡⵉⵙ ⵅⴻⵎⵙⴰ (05) ⵏ ⵎⴰⵢⵓ ⵉ ⴷ-ⵉⵜⵜⴻⴷⴷⵓⵏ.
ⴰⵎⵣⵉⵣⵡⴻⵔ-ⴰⴳⵉ ⴷⴻⴳ-ⵙ 16 ⵏ ⵡⴰⵏⴰⵡⴻⵏ ⵏ ⵡⴰⴷⴷⴰⵍ (6 ⵏ ⵜⴻⴳⵔⵓⵎⵎⴰ ⴰⵎ ⵜⴰⴽⵓⵔⵜ ⵏ ⵓⴼⵓⵙ, ⵜⴰⴽⵓⵔⵜ ⵏ ⵓⴹⴰⵔ, ⴷ 10 ⵏ ⵢⵉⵡⴻⵏ ⴰⵎ ⴽⴽⴰⵔⴰⵜⵉ-ⴷⵓ, ⵜⵓⵣⵣⵍⴰ, ⵊⵓⴷⵓ ⴷ ⵜⵜⵉⵏ ⵏ ⵜⵜⴻⴱⵍⴰ).
ⵎⴰⵙⵙ ⴱⴰⴷⴷⴰⵔⵉ ⵢⴻⵅⴷⴻⵎ ⵜⵉⵔⵣⵉ ⵏ ⵓⵎⴰⵀⵉⵍ ⵏ ⵢⵉⵡⴻⵏ ⵏ ⵡⴰⵙⵙ ⴷⴻⴳ ⴱⵉⵙⴽⵔⴰ, ⴰⵏⵉⴷⴰ ⵉ ⴷ-ⵢⴻⵍⴷⴰ ⴽⵔⴰ ⵏ ⵜⵓⴷⴷⵙⵉⵡⵉⵏ ⵏ ⵓⵙⴻⵍⵎⴻⴷ ⵓⵏⵉⴳ, ⴳⴰⵔ-ⴰⵙⴻⵏⵜ ⵜⴰⵏⴻⵣⴷⵓⵖⵜ ⵏ ⵜⴻⵙⴷⴰⵡⵉⵜ, ⵉⵎⴻⵜⵛⵉ ⴰⵎⴰⵜⵓ (ⵔⴻⵙⵜⴰⵓⵔⴰⵏⵜ) ⴷ ⵓⵙⴼⴰⵢⵍⵓ ⵢⵉⵡⴻⵏ ⵏ ⵓⴼⵓⵙ ⵏ ⵜⴰⵍⵍⴻⵍⵜ ⵉ ⵢⵉⵎⴰⵡⵍⴰⵏ ⵏ ⵢⵉⵙⴻⵏⴼⴰⵔⴻⵏ ⴷⴻⴳ ⵓⴼⵔⵓⵔ ⵏ ⵜⴻⵙⴷⴰⵡⵉⵜ ⵏ ⵛⴻⵜⵎⴰ.
ⴰⵔⵏⵓ ⵖⴻⵔ
