ⴱⴰⵜⵏⴰ: ⵉⵎⴻⵣⴷⵖⴻⵏ ⵜⵜⴰⵣⵍⴻⵏ ⵖⴻⵔ ⵡⴰⵎⵎⴰⵙ ⵏ ⵜⵡⵉⵍⴰⵢⵜ ⵉ ⵜⵉⵎⵎⵓⵖⵍⵉ ⵜⴰⵏⴻⴳⴰⵔⵓⵜ ⵖⴻⴼ ⵍⵊⴻⵜⵟⴰ ⵏ ⵓⵙⴻⵍⵡⴰⵢ ⴰⵇⴷⵉⵎ ⴰⵎⵊⴰⵀⵉⴷ ⵍⵢⴰⵎⵉⵏ ⵣⴻⵔⵡⴰⵍ

ⵢⴻⵍⵍⴰ-ⴷ ⵜⵉⵣⵉⵔⵉ ⵏ ⵡⴰⵙⵙⴰ ⵏ ⵍⴻⵜⵏⴰⵢⴻⵏ ⵓⴼⵍⵓⵇ ⴰⵎⴻⵇⵔⴰⵏ ⵏ ⵢⵉⵎⴻⵣⴷⵖⴻⵏ ⵉ ⴷ-ⵢⵓⵙⴰⵏ ⵙⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⵖⴻⵔ ⵡⴰⵎⵎⴰⵙ ⵏ ⵜⵡⵉⵍⴰⵢⵜ ⵏ ⴱⴰⵜⵏⴰ, ⵉⵡⴰⴽⴽⴻⵏ ⴰⴷ ⴳⴻⵏ ⵜⵉⵎⵎⵓⵖⵍⵉ ⵜⴰⵏⴻⴳﮕⴰⵔⵓⵜ ⵖⴻⴼ ⵍⵊⴻⵜⵟⴰ ⵏ ⵓⵙⴻⵍⵡⴰⵢ ⴰⵇⴷⵉⵎ ⵏ ⵜⴻⵇⴷⵓⴷⴰ, ⴰⵎⵊⴰⵀⵉⴷ ⵍⵢⴰⵎⵉⵏ ⵣⴻⵔⵡⴰⵍ, ⵉ ⵢⴻⴼⴼⵖⴻⵏ ⴷⴷⵓⵏⵉⵜ ⵉⴹⴻⵍⵍⵉ ⵏ ⵙⵙⴻⴱⵜ.

ⵉⵎⴻⵣⴷⵖⴻⵏ ⵉ ⴷ-ⵢⵓⵙⴰⵏ ⵙⴻⴳ ⵜⵡⵉⵍⴰⵢⵉⵏ ⵏ ⵓⵎ ⵍⴱⵓⵡⴰⵇⵉ, ⵍⵊⴻⵍⴼⴰ, ⵖⵉⵍⵉⵣⴰⵏ, ⵎⵄⴰⵙⴽⴻⵔ ⴷ ⵜⵉⵢⴰⴹ, ⵙⵙⴻⴽⵏⴻⵏ-ⴷ ⵍⴻⵃⵣⴻⵏ-ⵏⵙⴻⵏ ⵍⵇⴰⵢⴻⵏ ⵖⴻⴼ ⵜⵎⴻⵜⵜⴰⵏⵜ ⵏ ⵓⵎⵊⴰⵀⵉⴷ-ⴰⴳⵉ ⵉ ⵏⵏⴰⴹⵍⴻⵏ ⵉ ⵓⵙⵍⴻⵍⵍⵉ ⵏ ⵍⴻⵣⵣⴰⵢⴻⵔ ⵙⴻⴳ ⵓⵣⴰⴳⵍⵓ ⵏ ⵓⵏⴻⴽⵛⵓⵎ ⴷ ⵓⵙⵉⴷⴷⴻⵔ ⵏ ⵜⵎⴰⵏⴻⴳⵜ ⴰⵖⴻⵍⵏⴰⵡⵜ. ⵢⴻⵍⵍⴰ ⴷ ⴰⵎⵊⴰⵀⵉⴷ ⵉⴼⴰⵣⴻⵏ ⵉ ⵢⴻⴼⴽⴰⵏ ⵜⵓⴷⴻⵔⵜ-ⵉⵙ ⴷⴻⴳ ⵓⵇⴻⴷⴷⵉⵛ ⵏ ⵜⵎⵓⵔⵜ.

ⵙ ⵜⴰⵎⴰ-ⵏⵏⵉⴹⴻⵏ, ⵍⵡⴰⵍⵉ ⵏ ⵜⵡⵉⵍⴰⵢⵜ ⵏ ⴱⴰⵜⵏⴰ ⴰⴽⴽⴻⴷ ⵢⵉⵎⴰⵙⴰⵢⴻⵏ ⴷ ⵢⵉⵎⴻⴼⵔⴻⵏ ⵏ ⵜⵎⴰⵏⴰⴹⵉⵏ, ⵢⴻⵔⵏⴰ ⴷ ⵢⵉⵎⵊⴰⵀⴷⴻⵏ, ⴳⴰⵏ ⵜⵉⵎⵎⵓⵖⵍⵉ ⵜⴰⵏⴻⴳﮕⴰⵔⵓⵜ ⵖⴻⴼ ⵍⵊⴻⵜⵟⴰ ⵏ ⵓⵙⴻⵍⵡⴰⵢ ⵍⵎⴻⵔⵃⵓⵎ. ⴳⴰⵔ-ⴰⵙⴻⵏ, ⵜⴰⵎⵊⴰⵀⵉⴷⵜ ⵙⴰⵙⵢⴰ ⵃⵍⵉⵙ, ⵢⵉⵡⴻⵜ ⵙⴻⴳ ⵜⵉⴷ ⵢⴻⵙⵙⴻⴷⴷⴰⵏ ⵜⴰⴼⴻⵔⴽⴰ ⵜⵓⴼⵔⵉⵔⵜ ⴷⴻⴳ ⵜⴳⵔⴰⵡⵍⴰ, ⵜⴻⵙⵙⴻⴽⵏ-ⴷ ⵍⴻⵃⵣⴻⵏ-ⵉⵙ ⵖⴻⴼ ⵓⵙⴻⵍⵡⴰⵢ ⵉ ⵢⴻⴼⴽⴰⵏ ⵡⴰⴽⴽ ⵜⵓⴷⴻⵔⵜ-ⵉⵙ ⵉ ⵓⵖⵔⴻⴼ ⴷ ⵜⵎⵓⵔⵜ ⵙ ⵜⵓⵏⵏⵉⵢⴰ.

ⵍⵊⴻⵜⵟⴰ ⵏ ⵍⵎⴻⵔⵃⵓⵎ ⵜⴻⵜⵜⵡⴰⵡⵡⵉ-ⴷ ⵜⵉⵣⵉⵔⵉ ⵏ ⵡⴰⵙⵙⴰ ⵙⴻⴳ ⵓⵅⵅⴰⵎ-ⵉⵙ ⵖⴻⵔ ⵡⴰⵎⵎⴰⵙ ⵏ ⵜⵡⵉⵍⴰⵢⵜ ⵉⵡⴰⴽⴽⴻⵏ ⴰⴷ ⵙ-ⴳⴻⵏ ⵜⵉⵎⵎⵓⵖⵍⵉ ⵜⴰⵏⴻⴳﮕⴰⵔⵓⵜ, ⵓⵇⴱⴻⵍ ⴰⴷ ⵢⴻⵜⵜⵡⴰⵎⴹⴻⵍ ⵙⴻⴳ ⴷⴻⴼⴼⵉⵔ ⵜⵥⴰⵍⵍⵉⵜ ⵏ ⵜⵣⴻⵀⵔⵉⵜ ⴷⵉ ⵜⴻⵎⵇⴻⴱⵕⴻⵜ ⵏ ⴱⵓⵣⵓⵔⴰⵏ ⴷⵉ ⴱⴰⵜⵏⴰ.

ⵍⵎⴻⵔⵃⵓⵎ ⵉⵍⵓⵍ ⴰⵙⵙ ⵏ 3 ⵢⵓⵍⵢⵓ 1941 ⴷⵉ ⴱⴰⵜⵏⴰ, ⵢⴻⴽⵛⴻⵎ ⵣⵉⴽ ⵖⴻⵔ ⵢⵉⵖⴰⵍⵍⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ (ALN) ⴷⴻⴳ 1957. ⵢⴻⴷⵔⴰ ⴷⵉ ⵜⴳⵔⴰⵡⵍⴰ ⵏ ⵓⵎⴻⵏⵣⵓ ⵏ ⵡⴰⵎⴱⴻⵔ ⵓⵇⴱⴻⵍ ⴰⴷ ⵢⴻⴽⵎⴻⵍ ⴰⴱⵔⵉⴷ-ⵉⵙ ⵙⴻⴳ ⴷⴻⴼⴼⵉⵔ ⵓⵣⴰⵔⵓⴳ ⴷⴻⴳ ⵢⵉⵖⴰⵍⵍⴻⵏ ⵏ ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⵖⴻⵔⴼⴰⵏ.

ⵢⴻⵟⵟⴻⴼ ⴰⵟⴰⵙ ⵏ ⵜⵎⴰⵙⵉⵜⵉⵏ ⵜⵉⵄⴻⵙⴽⵔⵉⵢⵉⵏ ⵢⴻⵄⵍⴰⵢⴻⵏ, ⵢⴻⵍⵍⴰ ⴷ ⴰⵏⴻⴷⴷⴱⴰⵍ ⵏ ⵜⵉⵏⵎⴻⵍ ⵜⴰⵄⴻⵙⴽⵔⵉⵜ ⵏ ⴱⴰⵜⵏⴰ (1974-1975) ⴷ ⵜⴰⴽⴰⴷⵉⵎⵉⵜ ⵏ ⵛⴻⵔⵛⴻⵍ (1981-1982). ⵢⴻⵍⵍⴰ ⴷ ⴰⵏⴻⴷⴷⴱⴰⵍ ⵏ ⵢⵉⵖⴰⵍⵍⴻⵏ ⵏ ⵡⴰⴽⴰⵍ ⴷⴻⴳ 1989.

ⵍⵎⴻⵔⵃⵓⵎ ⵢⴻⵍⵍⴰ ⴷ ⴰⵙⴻⵍⵡⴰⵢ ⵏ ⴷⴷⵓⵍⴰ ⴷⴻⴳ 1994 ⵓⵇⴱⴻⵍ ⴰⴷ ⵢⴻⵜⵜⵡⴰⴼⵔⴻⵏ ⴷ ⴰⵙⴻⵍⵡⴰⵢ ⵏ ⵜⴻⵇⴷⵓⴷⴰ ⴷⴻⴳ 1995. ⴷⴻⴳ ⵓⵎⴻⵛⵡⴰⵔ-ⵉⵙ ⴰⵙⴻⵔⵜⴰⵏ, ⵢⴻⴼⵔⴻⵏ ⴰⴷ ⵢⴻⴳ ⵡⴻⴼⵔⴰⵏ ⵏ ⵜⵙⴻⵍⵡⵉⵜ ⵓⵇⴱⴻⵍ ⵍⵡⴻⵇⵜ ⴷⴻⴳ 1999 ⵉⵡⴰⴽⴽⴻⵏ ⴰⴷ ⵢⴻⴼⴽ ⵜⴰⴳⴳⴰⵔⴰ ⵉ ⵜⵎⴰⵙⵉⵜ-ⵉⵙ.

ⵙⴻⴳ ⴷⴻⴼⴼⵉⵔ ⵎⵉ ⵢⴻⵊⵊⴰ ⴰⴷⴰⴱⵓ, ⵢⵓⵖⴰⵍ ⵖⴻⵔ ⵜⵓⴷⴻⵔⵜ ⵜⴰⴼⴻⵔⴼⴰⵙⵜ ⴷⵉ ⵜⵎⵓⵔⵜ ⵏ ⵜⵍⴰⵍⵉⵜ-ⵉⵙ ⴱⴰⵜⵏⴰ, ⵢⴻⴳⴳⵓⴳⴻⵏ ⵖⴻⴼ ⵜⵎⵓⵖⵍⵉⵡⵉⵏ, ⵡⴰⴳⵉ ⵢⴻⵙⵙⴻⴽⵏⴰⵢ-ⴷ ⴰⵏⵓⵣ-ⵉⵙ ⴷ ⵜⵎⵓⵖⵍⵉ-ⵉⵙ ⵜⵓⴼⵔⵉⵔⵜ ⵖⴻⵔ ⵜⵎⴰⵙⵉⵜ.