ⵉⵕⴻⵚⵚⴻⵎ ⵓⵙⵡⵉⵔ ⵏ ⵜⵏⴻⵖⵍⴰⴼⵜ ⵏ ⵜⵎⵓⴳⵔⵉ ⴷⴻⴳ ⵓⴽⴰⵜⴰⵔ ⵏ ⵓⵙⵏⴰⵙ ⵏ ⵎⵎⴻⵙⴱⴰⵖⵓⵔ ⵏ ⵓⵎⵓⵔ ⵉ ⵢⵉⵙⴻⴳⴳⴰⵙⴻⵏ ⵉ ⴷ-ⵉⵟⴻⴷⴷⵓⵏ ⴽⵔⴰⴷ ⵏ ⵢⴰⵀⵉⵍⴻⵏ ⴰⵔ ⵓⵙⴼⵓⵜⴽⵉ ⵏ 2029, ⵉ ⵉⵟⵟⵓⴽⴻⵍⴼⴻⵏ ⵍⴰⴷⵖⴰ ⵖⴻⴼ ⵓⵙⵏⴻⵔⵏⵉ ⵏ ⵜⵉⵙⴻⴼⵜⵉⵜ ⴷ ⵓⵙⵏⴻⵔⵏⵉ ⴰⵎⵓⴳⵔⴰⵏ, ⴷ ⵓⴷⴻⵍⵍⴻⵍ ⵏ ⵓⵙⴼⵓⴽⵜⵉ ⴷ ⵓⵙⵙⴻⴳⴳⴻⵎ ⵏ ⵜⴳⵏⴰⵜⵉⵏ ⵏ ⵓⵔⵎⴰⴷ, ⵙ ⵜⵎⴻⵔⵏⴰ ⵏ ⵓⵙⵙⴻⵀⴻⴳ ⵏ ⵉⵙⴰⴳⴰⵜⴻⵏ ⵉⵎⴷⴰⵏⴻⵏ ⴷ ⵢⵉⵎⴻⵙⵙⵓⵔⵉⵢⴻⵏ ⵉ ⵉⵙⵙⴻⴼⴽⴰⵡⴻⵏ ⵉ ⵢⵉⵙⵙⵓⵜⴰⵔⴻⵏ ⵏ ⵢⴻⵎⴳⴰⵔⵔⴰⴷⴻⵏ ⵏ ⵢⵉⵙⵡⵉⵔⵓⵏ ⵏ ⵜⵏⴻⵖⵍⴰⴼⵜ, ⵙ ⵓⵏⵢⴰ ⵏ ⴰⵢⴻⵏ ⵉ ⴷ-ⵉⴱⴻⴳⴳⴻⵏ ⴰⵙⵙ-ⴰ ⵏ ⵍⴻⵜⵏⴻⵢⵏ ⴷⴻⴳ ⵍⴻⵣⵣⴰⵢⴻⵔ, ⴰⵏⴻⵖⵍⴰⴼ ⵏ ⵓⵎⵓⵔ ⴼⴰⵔⵉⴷ ⴽⵓⵓⵔⵜⴻⵍ.
ⴷⴻⴳ ⵓⵙⵙⴻⵏⴽⴻⴷ-ⵉⵏⴻⵙ ⵏ ⵓⵙⴻⵏⴼⴰⵔ ⵣⴷⴰⵜ ⵏ ⵜⴻⵙⵎⵉⵍⵜ ⵏ ⵜⴷⴰⵎⵙⴰ ⴷ ⵜⵎⴻⵙⴱⴰⵖⵓⵔ ⴷⴻⴳ ⵓⴳⵔⴰⵡ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵖⴻⴼ ⵉⵣⵡⴰⵍ ⵉⵎⴻⵇⵇⵔⴰⵏⴻⵏ ⴷ ⵢⵉⴼⵔⵉⵡⴻⵏ ⵉⵎⴻⵙⵙⵓⵔⴻⵏ ⵏ ⵎⵎⴻⵙⴱⴰⵖⵓⵔ ⵏ ⵓⵎⵓⵔ ⵉ ⵓⵙⴻⴳⴳⴰⵙ ⵏ 2027, ⴷⴻⴳ ⵜⵖⵉⵎⵉⵜ ⵉ ⵉⵙⴻⵍⵡⴰⵢ ⴰⴱⴷⴻⵍⵀⴰⴼⵉⴷ ⴱⴻⵔⵔⵉⵎⴰ, ⴰⵙⴻⵍⵡⴰⵢ ⵏ ⵜⴻⵙⵎⵉⵍⵜ, ⵙ ⵜⵉⵏⵏⴰⴳⵍⴰ ⵏ ⵜⵏⴻⵖⵍⴰⴼⵜ ⵏ ⵡⴰⵙⵙⴰⵖⴻⵏ ⴰⴽⴽⴻⴷ ⵓⵎⵙⴻⵇⵇⴰⵎⵓ, ⵏⴻⴷⵊⵉⴱⴰ ⴷⵊⵉⵍⴰⵍⵉ, ⵉⵙⴻⴳⵣⴰ-ⴷ ⵓⵏⴻⵖⵍⴰⴼ ⵏ ⵜⵎⵓⴳⵔⵉ ⴱⴻⵍⵍⵉ ⴰⵀⵉⵍ ⵏ ⵜⵉⵙⴻⴼⵜⵉⵜ ⴷ ⵓⵙⵏⴻⵔⵏⵉ ⴰⵎⵓⴳⵔⴰⵏ ⵢⴻⵜⵜⵇⴰⵙⵉⴷ ⴰⵔ ⵓⵙⵙⴻⴵⵀⴻⴷ ⵏ ⵜⵉⵣⵎⴻⵔⵜ ⴷ ⵓⵎⵙⴰⵙⴰ ⴷ ⵓⵙⵏⵓⵍⴼⵓ ⴷⴻⴳ ⵓⵏⴰⴳⵔⴰⵡ ⵏ ⵓⴼⴰⵔⴻⵙ, ⵙ ⵜⵎⴻⵔⵏⴰ ⵏ ⵓⵙⵙⴻⴼⵙⴻⵙ ⵏ ⵓⵡⵡⴰⴹ ⵏ ⵢⵉⵎⵙⴻⴽⵜⴰⵢⴻⵏ ⴰⵔ ⵓⵙⵏⵓⵍⴼⵓ ⴷ ⵜⵎⴰⵔⴰⵢⵉⵏ ⴷ ⵓⵙⵙⵉⴽⵉ ⵏ ⵜⵣⴻⵎⵎⴰⵔ ⵏ ⵓⵙⵏⵓⵍⴼⵓ ⴰⵎⵓⴳⵔⴰⵏ, ⵙ ⵓⵙⵀⴻⴳⴳⵉ ⴷ ⵓⴹⴼⴰⵔ ⵏ ⵓⵙⵏⴰⵙ ⵏ ⵓⵙⴰⴹⵓⴼ ⴷ ⵓⵙⵙⴻⴳⴳⴻⵎ ⵉⵇⵇⵏⴻⵏ ⴰⵔ ⵓⵙⵙⴻⴽⵜⴰⵎ ⴷ ⵓⵙⵙⴻⴽⵜⵉ ⴰⵙⴰⴹⵓⴼ ⴷ ⵜⴻⵔⴱⴰⵖⵜ ⵜⴰⵎⵓⴳⵔⴰⵏⵜ ⴷ ⵜⵖⴻⵍⵍⵉⵙⵜ ⵜⴰⵎⵓⴳⵔⴰⵏⵜ.
ⴷⴻⴳ ⴰⵢⴻⵏ ⵢⴻⵔⵣⴰⵏ ⴰⵀⵉⵍ ⵡⵉⵙ ⵙⵉⵏ ⵉ ⵉⵃⴻⵕⵕⴻⵏ ⵉ ⵓⴷⴻⵍⵍⴻⵍ ⵏ ⵓⵙⴼⵓⴽⵜⵉ, ⵉⵙⴱⴻⴳⴳⴻⵏ-ⴷ ⵎⴰⵙⵙ ⴽⵓⵓⵔⵜⴻⵍ ⴱⴻⵍⵍⵉ "ⴷ ⵏⴻⵟⵟⴰ ⵉ ⴷ ⴰⵎⴻⵙⵙⵓⵔ ⵓⴳⴰⵔ ⴷⴻⴳ ⵎⵎⴻⵙⴱⴰⵖⵓⵔ ⵏ ⵓⵎⵓⵔ", ⵙ ⵓⴱⴻⴳⴳⴻⵏ ⴱⴻⵍⵍⵉ ⵢⴻⵜⵜⵇⴰⵙⵉⴷ ⴰⵔ ⵓⵙⵙⴰⴽⵉ ⴷ ⵓⵙⵙⴻⵎⵍⵉ ⵏ ⵓⵙⵙⴻⴹⵔⵓ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⴼⵓⴽⵜⵉ ⵉ ⵢⴻⵙⵄⴰⵏ ⴰⵣⴰⵍ ⵓⵙⵍⵉⴳ ⵉ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵏⴻⵖ ⵉ ⴷ-ⵉⵟⵟⵓⵃⴻⵕⵕⴻⵏ ⵉ ⵓⵙⵉⵡⴻⴹ, ⵎⵉ ⵉⵟⵟⵓⵕⴻⵚⵚⴻⵏ ⵖⴻⴼ "ⵓⵙⵙⴻⴳⴳⴻⵎ ⵏ ⵜⴳⵏⴰⵜⵉⵏ ⵏ ⵓⵙⴼⵓⴽⵜⵉ, ⴷ ⵜⵎⴻⵔⵏⴰ ⵏ ⵓⵙⵙⴻⵏⴽⴻⴷ ⴰⴽⴰⵍⴰⵏ, ⴷ ⵓⵙⵙⵉⴽⵉ ⵏ ⵓⵙⴱⴻⴷⴷ ⵏ ⵜⵙⵓⴷⵡⵉⵏ ⵜⵉⵎⵣⵢⴰⵏⵉⵏ ⴷ ⵜⵍⴻⵎⵎⴰⵙⵉⵏ ⵙ ⵓⵙⵏⴻⵔⵏⵉ ⵏ ⵓⵙⵎⴼⴻⵣ ⴷ ⵓⵙⴷⵓⴽⴻⵍ ⴰⵎⵓⴳⵔⴰⵏ ⴰⴷⴻⴳⴰⵏ".
ⵉⵎⴻⵔⵏⴰ-ⴷ ⵓⵏⴻⵖⵍⴰⴼ ⴷⴻⴳ ⵓⵙⵙⴻⵏⴽⴻⴷ-ⵉⵏⴻⵙ ⵉ ⴷ-ⵢⴻⵜⵜⴰⵙⴻⵏ ⴷⴻⴳ ⵓⴽⴰⵜⴰⵔ ⵏ ⵓⴼⴻⵇⵇⵓⴻⴷ ⴷ ⵓⵙⴷⵉⵡⴻⵍ ⵏ ⵓⵙⴻⵏⴼⴰⵔ ⵏ ⵓⵙⴰⴹⵓⴼ ⵏ ⵜⵙⴻⵔⵜⵉⵜ ⵏ ⵜⴰⴷⵔⵉⵎⵜ ⵏ ⵓⵙⴻⴳⴳⴰⵙ 2027 ⴷⴻⴳ ⵓⵙⵡⵉⵔ ⵏ ⵓⴳⵔⴰⵡ, ⴱⴻⵍⵍⵉ ⴰⵀⵉⵍ ⵡⵉⵙ ⴽⵔⴰⴷ ⵏ ⵓⵎⵓⵔ ⴰⵔ ⵓⵙⴼⵓⵜⴽⵉ ⵏ 2029 ⵉⵃⴻⵕⵕ ⵜⴰⵙⴻⵀⵍⴰ ⵜⴰⵎⴰⵜⵓⵜ ⵏ ⵜⵏⴻⵖⵍⴰⴼⵜ, ⵙ ⵓⴱⴻⴳⴳⴻⵏ ⴱⴻⵍⵍⵉ ⵉⵖⵓⵎ ⴰⵙⵙⴻⴹⵔⵓ ⵏ ⵢⵉⵙⵡⵉⵔⵓⵏ ⵓⴷⵉⵣⵎⴻⵏ ⵓⵛⴳⴰⵔⵉ, ⴰⵎ ⵢⵉⵙⴰⴳⴰⵜⴻⵏ ⴰⴽⴰⵍⴰⵏⴻⵏ, ⵉⵙⴻⵏⴼⴰⵔⴻⵏ ⵉⵎⴻⵣⴷⴰⵢⴻⵏ, ⵙ ⵜⵎⴻⵔⵏⴰ ⵏ "ⵓⵙⵙⴻⵀⴻⴳ ⵏ ⵢⵉⵙⴰⴼⴰⵔⴻⵏ ⵉⵜⵉⴽⵏⵓⵍⵓⵊⵉⵢⴻⵏ ⵉ ⵉⵙⵙⴻⴼⴽⴰⵡⴻⵏ, ⴷ ⵓⵙⵙⴻⵀⴻⴳ ⵏ ⵉⵙⴰⴳⴰⵜⴻⵏ ⵉⵎⴷⴰⵏⴻⵏ ⴷ ⵢⵉⵎⴻⵙⵙⵓⵔⵉⵢⴻⵏ ⵉ ⵉⵙⵙⴻⴼⴽⴰⵡⴻⵏ ⵉ ⵢⵉⵙⵙⵓⵜⴰⵔⴻⵏ ⵏ ⵢⵉⵙⵡⵉⵔⵓⵏ ⵉⵎⵉⵍⴰⵡⴰⵏⴻⵏ ⴷ ⵢⵉⵎⴼⴰⵔⴰⵇⴻⵏ".
ⴰⵔⵏⵓ ⵖⴻⵔ
