ⵜⴻⴱⴷⴻⵔ-ⴷ ⵜⴰⵏⴻⵖⵍⴰⴼⵜ ⵏ ⵜⴹⴰⵎⴻⵏ ⵜⴰⵏⴰⵎⵓⵔⵜ, ⵜⴰⵡⴰⵛⵓⵍⵜ ⴷ ⵜⴻⵍⵍⵉⵢⵉⵏ ⵏ ⵜⵎⴻⵟⵟⵓⵜ, ⵎⴰⵙⵙⴰ ⵚⵓⵔⵢⴰ ⵎⵓⵍⵓⴶⵉ, ⴰⵙⵙ-ⴰ ⵏ ⵜⵜⴻⵍⴰⵜⴰ ⴷⵉ ⵍⴻⵣⵣⴰⵢⴻⵔ, ⴱⴻⵍⵍⵉ ⴰⵃⵔⵉⵛ-ⵉⵙ ⵢⴻⴱⵖⴰ ⴰⴷ ⵉⴽⵎⴻⵍ ⵓⵅⴻⴷⴷⵉⵎ ⵉⵡⴰⴽⴽⴻⵏ ⴰⴷ ⵢⴻⵙⵙⴻⴶⵀⴻⴷ ⵍⵎⴻⴽⵙⵓⴱⴰⵜ ⵜⵉⵎⴻⵜⵜⵉⵢⵉⵏ ⵉ ⴷ-ⵢⴻⵍⵍⴰⵏ, ⵉⵡⴰⴽⴽⴻⵏ ⴰⴷ ⴷ-ⵢⴰⵔⵔ ⵖⴻⴼ ⵡⴰⵢⴻⵏ ⵓⵔⴶⵓⵏ ⵢⵉⴳⴻⴷⴷⵉⴷⴻⵏ ⵉ ⵢⴻⵜⵜⵓⵙⴻⴽⴼⵍⴻⵏ.
ⴷⴳ ⵢⵉⵡⴻⵏ ⵏ ⵡⵓⵙⴽⴰⵏ ⵉ ⵜⴻⴼⴽⴰ ⴷⴰⵜ ⵜⵙⴻⵇⴰⵎⵓⵜ ⵏ ⵜⴻⴷⵎⴰⵔⵜ ⴷ ⵜⵎⴻⵜⵜⵉ ⴷ ⵓⵅⴻⴷⴷⵉⵎ ⴷⴳ ⵓⵙⵇⴰⵎⵓ ⴰⴳⴷⵓⴷⴰ ⴰⵖⴻⵍⵏⴰⵡ (APN), ⵖⴻⴼ ⵡⴰⵢⴻⵏ ⵉ ⵢⴻⵅⴷⴻⵎ ⵓⵃⵔⵉⵛ-ⵉⵙ ⴷⴳ ⵓⵙⴻⴳⴳⴰⵙ 2025 ⴷ ⵡⴰⵢⴻⵏ ⵢⴻⵜⵜⴻⵅⵎⵉⵎ ⴰⴷ ⵜ-ⵢⴻⵅⴷⴻⵎ ⴰⵙⴻⴳⴳⴰⵙ-ⴰ, ⵜⴻⴼⵔⴻⵣ-ⴷ ⵜⴰⵏⴻⵖⵍⴰⴼⵜ ⴱⴻⵍⵍⵉ ⴰⵃⵔⵉⵛ-ⴰⴳⵉ ⵢⴻⵜⵜⴻⵅⵎⵉⵎ ⴰⴷ ⵢⴻⵙⵏⴻⴼⵍ ⵜⵉⵖⴰⵔⴰⵜⵉⵏ ⵉⴼⵔⴻⵣⵏ ⵉⵡⴰⴽⴽⴻⵏ ⴰⴷ ⵢⴰⵡⴻⴷ ⵓⵄⴰⵡⴻⵏ ⴰⵔ ⵡⵉⴷ ⵉ ⵜ-ⵢⴻⵃⵡⴰⵊⴻⵏ ⵙ ⵜⵉⴷⴻⵜ, ⵙ ⵓⵙⴻⵏⴼⴻⵍ ⵏ ⵍⵇⴰⵏⵓⵏ ⵉⵡⴰⴽⴽⴻⵏ ⴰⴷ ⵢⵉⵍⵉ ⵡⵓⴷⴻⵔ ⵢⴻⴼⵔⴻⵣⵏ ⵉ ⵡⵉⴷ ⵙⵄⴰⵏ ⵜⵉⵄⵓⵇⵉⵏ ⴷ ⵓⵙⵏⴻⴼⵍ ⵏ ⵜⵎⴻⵟⵟⵓⵜ ⴷⴳ ⵜⴷⴰⵎⵙⴰ ⴷ ⵜⵎⴻⵜⵜⵉ.
ⵜⴻⵔⵏⴰ-ⴷ ⵜⴻⵏⵏⴰ-ⴷ ⴱⴻⵍⵍⵉ ⵙⴻⵔⵙⴻⵏ ⵢⵉⵡⴻⵜ ⵏ "ⵜⴽⴰⵕⴹⴰ ⵏ ⵓⴱⵔⵉⴷ" ⵢⴻⴼⵔⴻⵣⵏ ⵢⴻⴱⵏⴰⵏ ⵖⴻⴼ ⵓⴹⴼⴰⵔ ⴷ ⵓⵙⴻⵇⵡⴻⵎ, ⴰⴽⴽⴻⵏ ⴰⴷ ⴹⴻⵎⵏⴻⵏ ⴰⵃⴻⴷⴷⴻⴷ ⵏ ⵡⵉⴷ ⵉⵃⴻⵡⵊⴻⵏ ⵜⴰⵍⵍⴰⵍⵜ, ⴰⵢⴰ ⵢⴻⵍⵍⴰ-ⴷ ⵉⵡⴰⴽⴽⴻⵏ ⴰⴷ ⵢⴻⵜⵜⵓⵙⴻⵎⵔⴻⵙ ⵓⴱⴻⵔⵏⴰⵎⴻⴶ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵄⴻⴱⴷⴻⵍⵎⴻⴶⵉⴷ ⵜⴻⴱⴱⵓⵏ.
ⵖⴻⴼ ⵡⵉⴷ ⵙⵄⴰⵏ ⵜⵉⵄⵓⵇⵉⵏ, ⵜⴻⵏⵏⴰ-ⴷ ⴱⴻⵍⵍⵉ ⵀⴻⵢⵢⴰⵏ-ⴷ 12 ⵏ ⵢⵉⴹⵔⵉⵙⴻⵏ ⵉⵣⴻⵔⴼⴰⵏⴻⵏ ⵉ ⵢⴻⵟⵟⴰⴼⴰⵔⵏ ⵍⵇⴰⵏⵓⵏ 25-01, ⵢⴻⵜⵜⵓⵇⴻⴱⴱⴻⵍ ⵢⴰⴽⴰ ⵡⴰⵡⴰⵍ ⵖⴻⴼ ⵜⵣⴰ (9) ⴷⴳ-ⵙⴻⵏ, ⵢⴻⵔⵏⴰ ⵜⵍⴰⵜⴰ ⵉⵇⵇⵉⵎⴻⵏ ⴰⵔⴰ ⵜⵜⵓⵣⴻⵔⵡⴻⵏ ⴷⴳ ⵜⴽⴰⵜⵉⴱⵜ ⴰⵎⴰⵜⵓ ⵏ ⵜⵏⴻⵖⵍⴰⴼⵜ.
ⵜⴻⴱⴷⴻⵔ-ⴷ ⴷⴰⵖⴻⵏ "ⵍⵎⴻⵏⵃⴰ ⵜⴰⴶⴻⵣⴰⴼⵉⵜ" ⴷ ⵓⵙⴻⴱⴷⴻⴷ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵡⵉⴷ ⵙⵄⴰⵏ ⵜⵉⵄⵓⵇⵉⵏ, ⴰⴽⴽ ⴷ ⵓⵙⴻⵍⵎⴻⴷ ⵏ ⵡⴰⵔⵔⴰⵛ ⵉⵃⴻⵡⵊⴻⵏ ⵜⴰⵍⵍⴰⵍⵜ ⵜⴰⵎⴰⵥⴰⵢⵜ. ⵖⴻⴼ ⵡⵉⴷ ⵙⵄⴰⵏ "ⴰⵟⵓⵜⵉⵣⵎ", ⵜⴻⴱⴷⴻⵔ-ⴷ ⴰⵙⴻⴱⴷⴻⴷ ⵏ "ⵓⵍⵎⵎⴰⵙ ⴰⵖⴻⵍⵏⴰⵡ ⵏ ⵡⴰⵟⵓⵜⵉⵣⵎ".
ⴷⴳ ⵜⴰⴳⴳⴰⵔⴰ, ⵜⴻⴱⴷⴻⵔ-ⴷ ⵍⴶⴻⵀⴷ ⵏ ⵓⵃⵔⵉⵛ-ⵉⵙ ⵉⵡⴰⴽⴽⴻⵏ ⴰⴷ ⵃⴰⵔⵣⴻⵏ ⵢⴻⵔⵏⴰ ⴰⴷ ⵄⴰⵡⵏⴻⵏ ⵢⵉⵎⵖⴰⵔⴻⵏ ⴷ ⵜⵎⵖⴰريⵏ ⵉⵡⴰⴽⴽⴻⵏ ⴰⴷ ⵙⵄⵓⵏ ⵜⵍⴻⵍⵍⵉ ⴷ ⵍⵀⴻⵏⵏⴰ ⴷⴳ ⵢⵉⵎⵓⴽⴰⵏ ⵏ ⵓⵙⵜⴻⵄⴼⵓ, ⵢⴻⵔⵏⴰ ⴰⴷ ⵄⴰⵡⴰⵏⴻⵏ ⵉⵡⴰⴽⴽⴻⵏ ⴰⴷ ⴷ-ⵓⵖⴰⵍⴻⵏ ⴰⵔ ⵜⵡⴰⵛⵓⵍⵉⵏ-ⵏⵙⴻⵏ.
ⴰⵔⵏⵓ ⵖⴻⵔ
