ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵓⵎⴹⴰⵎⴰⵏ ⴰⵖⴻⵍⵏⴰⵡ, ⵜⴰⵡⴰⵛⵓⵍⵜ ⴷ ⵜⴻⵎⵙⴰⵍ ⵏ ⵜⵎⴻⵟⵟⵓⵜ, ⵎⴰⵙⵙⴰ ⵙⵓⵔⴰⵢⴰ ⵎⵓⵓⵍⵓⵓⴷⵊⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉⵎⴰⵀⵉⵍⴻⵏ ⵉⵡⴰⴽⴽⴻⵏ ⴰⴷ ⴷ-ⵙⵎⴻⴽⵜⵉⵏ ⴰⵙⵙ ⴰⵖⴻⵍⵏⴰⵡ ⵏ ⵡⴻⵎⵖⴰⵔ ⵙ ⵓⵣⴻⵏⵣⵉⵖ "ⵜⴰⵎⵓⵖⵍⵉ-ⵏⵡⴻⵏ ⵜⴻⵙⵙⴻⴼⵔⴰⵡ ⴰⴱⵔⵉⴷ-ⵏⵏⴻⵖ".
ⴷⵔⴰⵏ-ⴷ ⵢⵉⵎⴰⵀⵉⵍⴻⵏ-ⴰⴳⵉ ⵙ ⵜⵉⵍⵉⵜ ⵏ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴷⴷⵉⵏ ⴷ ⵍⵡⴻⵇⴼ, ⵎⴰⵙⵙ ⵢⵓⵓⵛⴻⴼ ⴱⴻⵍⵎⴻⵀⴷⵉ, ⴷ ⵓⵎⴰⵏⴰⵢ ⴰⵎⴰⵜⵓ ⵏ ⵜⵏⴻⵖⵍⴰⴼⵜ ⵏ ⵜⴰⵣⵣⵉⵜ, ⵎⴰⵙⵙ ⵎⵓⵀⴰⵎⴻⴷ ⵜⴰⵍⵀⵉ, ⴷ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⴰⴷⴰⵎⵙⴰⵏ, ⴰⵎⴻⵜⵜⵉⵢⴰⵏ ⴷ ⵜⴰⵡⵏⵏⴰⴹⵜ, ⵎⴰⵙⵙ ⵎⵓⵀⴰⵎⴻⴷ ⴱⵓⵓⵅⴰⵔⵉ.
ⴷⴻⴳ ⵜⵎⴻⵙⵍⴰⵢⵜ-ⵉⵙ, ⵎⴰⵙⵙⴰ ⵎⵓⵓⵍⵓⵓⴷⵊⵉ ⵜⴻⵙⵙⴻⴽⵏⴻⴷ ⴰⵣⴰⵍ ⵉ ⵜⴻⵜⵜⴰⴽ ⵜⵎⵓⵔⵜ, ⵙ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵜⴻⴳⵔⵓⵎⵎⴰ ⵏ ⵢⵉⵎⵖⴰⵔⴻⵏ ⴷⴻⴳ ⵓⵣⴻⵏⵣⵉⵖ ⵏ ⵜⵙⴻⵔⵜⵉⵜ ⵏ ⵜⵎⴻⵜⵜⵉ. ⴰⵢⴰⴳⵉ ⵙ ⵓⴼⴻⵔⴷⵉⵙ ⵏ ⵜⴰⵔⵔⴰⵢⵉⵏ ⵢⴻⵄⵏⴰⵏ ⴰⵃⵔⴰⵣ, ⴰⵙⴼⵓⵍⴻⵍ ⴷ ⵓⵙⵏⴻⵔⵏⵉ ⵏ ⵜⵖⴰⵔⴰ ⵏ ⵢⵉⵎⴻⵥⵍⴰ ⴷⴻⴳ ⵡⴰⵎⵎⴰⵙⴻⵏ ⵏ ⵓⵎⵎⴰⴳⴻⵔ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵜⵉⴳⴳⴰⵜⵉⵏ ⵉ ⵢⵉⵎⵖⴰⵔⴻⵏ, ⵜⵏⴻⵖⵍⴰⴼⵜ ⵜⴻⵙⵙⴻⴽⵜⵉ-ⴷ ⴱⴻⵍⵍⵉ ⵓⴳⴰⵔ ⵏ 500 ⵏ ⵡⴰⴳⵉⵎⴰⵏ ⵏ ⵢⵉⵎⴷⴰⵏⴻⵏ ⵢⴻⵙⵄⴰⵏ 60 ⵏ ⵢⵉⵙⴻⴳⴳⴰⵙⴻⵏ ⴷ ⵓⵏⵉⴳ, ⵓⵡⵢⴻⵏ ⵜⴰⵍⵍⴻⵍⵜ ⵏ ⵜⴻⴷⵔⵉⵎⵜ ⵏ ⵓⵎⴹⴰⵎⴰⵏ ⴷⴻⴳ ⵓⵙⴻⴳⴳⴰⵙ ⵏ 2025. ⴷⴰⵖⴻⵏ, ⵜⴻⵙⵙⴻⵔⵔⴻⵙ-ⴷ ⵜⴰⴽⴰⵔⴹⵉⵜ ⵏ ⵡⴻⵎⵖⴰⵔ ⵉ ⵉⵟⵟⴰⴽⴽⴻⵏ ⵜⵉⵣⴻⵎⵎⴰⵔ ⵉ ⵓⵙⴻⴶⵀⴻⴷ ⵏ ⵡⴻⵎⴽⴰⵏ-ⵉⵙ ⴷⴻⴳ ⵜⵎⴻⵜⵜⵉ.
ⵉⵙⵙⴻⴽⵏⴻⴷ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴷⴷⵉⵏ, ⵎⴰⵙⵙ ⴱⴻⵍⵎⴻⵀⴷⵉ, ⴰⵎⴽⴰⵏ ⵏ ⵢⵉⵎⵖⴰⵔⴻⵏ ⴷⴻⴳ ⵜⵡⴰⵛⵓⵍⵜ ⵜⴰⵣⵣⴰⵢⵔⵉⵜ, ⵢⴻⵏⵏⴰ-ⴷ ⴱⴻⵍⵍⵉ ⵓⵇⴰⴷⴻⵔ ⵏ ⵢⵉⵎⵖⴰⵔⴻⵏ ⴷ ⵜⴰⴱⵔⴰⵜⵜ ⵉ ⵢⴻⵙⴷⵓⴽⴽⵍⴻⵏ ⵜⵎⴻⵣⴳⵉⴷⵉⵡⵉⵏ, ⵉⵖⴻⵔⴱⴰⵣⴻⵏ ⴷ ⵜⵎⴻⵜⵜⵉ ⵙ ⵍⴻⴽⵎⴰⵍ-ⵉⵙ.
ⵎⴰ ⴷ ⵜⴰⵎⴻⵙⵍⴰⵢⵜ ⵏ ⵓⵏⴻⵖⵍⴰⴼ ⵏ ⵜⴰⵣⵣⵉⵜ, ⵉ ⴷ-ⵢⴻⵖⵔⴰ ⵓⵎⴰⵏⴰⵢ ⴰⵎⴰⵜⵓ, ⵜⴻⵙⵙⴻⴽⵏⴻⴷ ⴱⴻⵍⵍⵉ ⵓⵏⵏⴰⵔ ⵏ ⵜⴰⵣⵣⵉⵜ ⵢⴻⵙⵙⴻⴶⵀⴻⴷ ⵡⴰⵍⵍⴰⵍⴻⵏ ⵉ ⵓⵃⵔⴰⵣ ⵏ ⵢⵉⵎⵖⴰⵔⴻⵏ. ⵜⵜⵡⴰⵙⴱⴻⴷⴷ ⵢⴰⴽⴰⵏ ⵜⴻⵙⵇⴰⵎⵓⵜ ⵜⴰⵖⴻⵍⵏⴰⵡⵜ ⵉ ⵜⵓⵊⵊⵢⴰ ⵏ ⵢⵉⵎⵖⴰⵔⴻⵏ ⵉ ⴷⴻⴳ ⵍⵍⴰⵏ ⵢⵉⵎⵓⵣⵣⴰⴳⴻⵏ ⴷⴻⴳ ⵡⴰⵟⴰⵙ ⵏ ⵜⵎⵓⵀⴰⵍ ⴰⵎ ⵜⵓⵊⵊⵢⴰ ⵏ ⵡⵓⵍ. ⴷⴰⵖⴻⵏ, ⵙ ⵓⵎⵙⴰⵙⴻⵢ ⴷ ⵜⵏⴻⵖⵍⴰⴼⵜ ⵏ ⵓⵙⴻⵍⵎⴻⴷ ⵓⵏⵉⴳ, ⵙⴱⴻⴷⴷⴻⵏ ⵜⴰⵎⵓⵀⴰⵍ ⵏ ⵜⵓⵊⵊⵢⴰ ⵏ ⵜⴻⵡⵙⵉⵔ ⴷⴻⴳ ⵜⵙⴻⴷⴷⴰⵡⵉⵢⵉⵏ ⵏ ⵜⵓⵊⵊⵢⴰ ⵉⵡⴰⴽⴽⴻⵏ ⴷⴻⴳ ⵢⵉⵎⴰⵍ ⴰⴷ ⴷ-ⵉⵍⵍⵉⵏⵜ ⵜⴻⵣⵡⵉⵍⴰ ⵓⴼⵔⵉⵏⴻⵏ ⴷⴻⴳ ⵙⴱⵉⵜⴰⵔⴰⵜ ⵉ ⵓⵊⵊⴻⵢ ⵏ ⵢⵉⵎⵖⴰⵔⴻⵏ.
ⴰⵔⵏⵓ ⵖⴻⵔ
