ⵢⴻⵙⵙⴻⵏⴽⴻⵏ ⵓⵏⴻⵖⵍⴰⴼ ⵏ ⵓⵏⴻⴳⵎⵓ ⴰⵖⴻⵍⵏⴰⵡ, ⵎⵓⵃⴰⵎⵎⴻⴷ ⵚⴻⵖⵉⵔ ⵙⴰⵄⴷⴰⵡⵉ, ⴰⵙⵙ-ⴰ ⵏ ⵡⴰⵢⵏⴰⵙ ⴷⴻⴳ ⵍⴷⵣⴰⵢⵔ ⵜⴰⵎⴰⵏⴰⵖⵜ, ⵍⵃⴻⵔⵙ ⵏ ⵓⵃⵔⵉⵛ-ⵉⵙ ⵖⴻⴼ ⵓⵙⵏⴻⵔⵏⵉ ⵏ ⵢⵉⴱⴰⵖⵓⵔⴻⵏ ⵏ ⵓⵏⴻⴳⵎⵓ ⵉⵡⴰⴽⴽⵏ ⴰⴷ ⵃⴻⵔⵣⴻⵏ ⵜⴰⵎⴰⴳⵉⵜ ⴰⵖⴻⵍⵏⴰⵡ ⵢⴻⵔⵏⴰ ⴰⴷ ⴷ-ⴷⴷⵓⵏ ⴷ ⵓⵙⵏⵓⵍⴼⵓ ⵏ ⵜⵎⵓⵙⵏⵉ.
ⴷⴻⴳ ⵜⵎⴻⵏⵏⴰ-ⵙ ⴷⴻⴳ ⵓⴳⵔⴰⵡ ⵏ ⵔⵔⴰⴷⵢⵓ ⵏ ⵍⴷⵣⴰⵢⵔ, ⵙⴰⵄⴷⴰⵡⵉ ⵢⴻⵏⵏⴰ-ⴷ ⴱⴻⵍⵍⵉ ⴰⵙⵎⴰⵢⵏⵓ ⵏ ⵓⵃⵔⵉⵛ-ⴰ ⵢⴻⴱⵖⴰ ⴰⴷ ⵢⴻⵙⵏⴻⵔⵏⵉ ⵜⴰⵊⴻⵔⵔⵉⴹⵜ ⵏ ⵓⵏⴻⴳⵎⵓ, ⵢⴻⴽⴽⴻⴷ ⴷⴰⵖⴻⵏ ⵖⴻⴼ ⵡⴰⵣⴰⵍ ⵏ ⵓⵙⴻⴷⴷⵓ ⵏ ⵢⵉⴱⴰⵖⵓⵔⴻⵏ ⵙ ⵓⵙⴻⵇⴷⴻⵛ ⵏ ⵡⴰⵍⵍⴻⵍⴻⵏ ⵏ ⴷⴷⵓⵏⵉⵜ ⵎⴻⵄⵏⴰ ⵙ ⵓⵃⴻⵔⵔⴻⵣ ⵏ ⵜⵎⵓⵙⵏⵉ ⴷ ⵜⵎⴰⴳⵉⵜ ⵏ ⵜⵎⴻⵜⵜⵉ ⵏⵏⴻⵖ.
ⴷⴻⴳ ⵓⵃⵔⵉⵛ-ⴰ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵎⵓⵔⵜ ⵜⴻⴼⴽⴰ-ⴷ ⵢⵉⴷⵔⵉⵎⴻⵏ ⵎⴻⵇⵇⵔⴻⵏ ⵉ ⵜⵎⴻⵚⵍⵉⵡⵜ-ⴰ, ⵉⵍⵎⴻⵏⴷ ⵏ ⵜⵎⴻⵚⵍⵉⵡⵜ ⵏ ⵓⵙⴻⵍⵡⴰⵢ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ.
ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵜⵉⴳⴳⴰⵡⵜ-ⴰ ⵜⴻⴱⴷⴰ ⵙⵉ ⵜⵉⵣⵣⴻⵢⵜ ⵜⴰⵎⴻⵏⵣⵓⵜ ⴰⵔⵎⵉ ⴷ ⵜⴰⵣⵣⴻⵢⵜ ⵜⵉⵙ ⵙⵏⴰⵜ ⴷ ⵜⵉⵏ ⵜⵉⵙ ⵜⵍⴰⵜⴰ (ⵙⵙⵉⵏⴰⵡⵉ), ⵉ ⵢⴻⵍⵍⴰⵏ ⴷ ⴰⵍⴷⴰⵢ ⵏ ⵜⴰⵡⵡⵓⵔⵜ ⵉ ⵜⵎⵓⵙⵏⵉ ⵏ ⵜⵙⴻⴷⴷⴰⵡⵉⵜ. ⵜⴰⵎⴰⵡⴰⵙⵜ ⵜⴻⴼⴽⴰ ⵜⴰⵎⴰⵙⵉⵜ-ⴰ ⵉ ⵢⵉⵎⵓⵙⵙⵏⴰⵡⴻⵏ ⵉⵃⴻⵎⵎⵍⴻⵏ ⵜⴰⵎⵓⵔⵜ ⵉⵡⴰⴽⴽⵏ ⴰⴷ ⴳⴻⵏ ⵜⵉⵣⵔⴰⵡⵉⵏ ⵏ ⵓⵙⵏⴻⵔⵏⵉ.
ⵖⴻⴼ ⵜⵎⵓⵙⵏⵉⵡⵉⵏ ⵜⵉⵎⴰⵢⵏⵓⵜⵉⵏ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵜⵜⵀⴻⵢⵢⵉⵏ ⵉ ⵓⵍⴷⴰⵢ ⵏ ⵢⵉⵡⴻⵏ ⵓⵃⵔⵉⵛ ⴰⵎⴰⵢⵏⵓ ⴷⴻⴳ ⵜⵎⵓⵙⵏⵉ ⵏ ⵓⵙⴻⵍⴽⵉⵎ (ⵉⵏⴼⵓⵔⵎⴰⵜⵉⴽ), ⵉⵡⴰⴽⴽⵏ ⵉⵏⴻⵍⵎⴰⴷⴻⵏ ⴰⴷ ⴷ-ⴰⵡⵉⵏ ⵜⴰⵎⵓⵙⵏⵉ ⵏ ⵓⵙⵏⵓⵍⴼⵓ ⵏ ⵡⴰⵍⵍⴻⵏ (ذكاء اصطناعي) ⴷ ⵓⵃⴻⵔⵔⴻⵣ ⵏ ⵓⵙⴻⵍⴽⵉⵎ ⵎⴳⴰⵍ ⵜⵉⴽⴻⵔⴽⴰⵙ.
ⴷⴰⵖⴻⵏ ⵢⴻⴱⴷⴻⵔ-ⴷ ⴱⴻⵍⵍⵉ ⴰⴷ ⵍⴷⵓⵏ ⵜⵉⵏⴻⵍⵎⴰⴷⵉⵏ ⵏ ⵜⵎⵓⵙⵏⵉⵡⵉⵏ ⵏ ⵜⵉⴷⴻⵜⵜ ⵉⵡⴰⴽⴽⵏ ⵉⵏⴻⵍⵎⴰⴷⴻⵏ ⴰⴷ ⵙⴽⴻⵏⴻⵏ ⵜⵉⵣⵎⴰⵔ-ⵏⵙⴻⵏ ⴷ ⵓⵇⴻⴷⴷⵉⵛ ⵏ ⵡⵓⴼⵓⵖ. ⴰⵢⴰ ⴰⴷ ⵢⴻⵜⵜⵡⴰⴼⴽⴰ ⵉ ⵢⵉⵎⴰⵡⵍⴰⵏ ⵏ ⵢⵉⵏⴻⵍⵎⴰⴷⴻⵏ ⴷ ⵡⵉⴷ ⵉⵇⴻⴷⴷⵛⴻⵏ ⴷⴻⴳ ⵓⵃⵔⵉⵛ-ⴰ.
ⵙⴻⴳ ⵢⵉⵡⴻⵏ ⵓⵃⵔⵉⵛ ⵏⵏⵉⴹⴻⵏ, ⴰⵏⴻⵖⵍⴰⴼ ⵢⴻⵎⵎⴻⵙⵍⴰⵢ-ⴷ ⵖⴻⴼ ⵡⵉⴷ ⵢⴻⵙⵄⴰⵏ ⵍⴻⵄⵢⵓⴱ ⴷⵉ ⵜⴼⴻⴽⴽⴰ , ⵢⴻⵏⵏⴰ-ⴷ ⴱⴻⵍⵍⵉ ⵍⴷⴰⵏ ⵢⵉⵡⴻⵏ ⵓⵃⵔⵉⵛ ⵓⵍⴰ ⴷⴻⴳ ⵢⵉⵅⵅⴰⵎⴻⵏ ⵏ ⵜⵓⵊⵊⵢⴰ (ⵙⴱⵉⵜⴰⵔⴰⵜ) ⵉ ⵡⵉⴷ ⵢⴻⵀⵍⴻⴽⴻⵏ ⴰⵟⴰⵙ, ⵉⵡⴰⴽⴽⵏ ⴰⴷ ⵍⴻⵎⴷⴻⵏ ⵢⴻⵔⵏⴰ ⴰⴷ ⴷ-ⵉⵍⵉⵏ ⵢⵉⴷ-ⵙⴻⵏ ⵢⵉⵎⵓⵙⵏⴰⵡⴻⵏ ⵏ ⵜⵏⴻⴼⵙⵉⵜ.
ⵖⴻⴼ ⵓⴽⴰⵢ (ⵍⴽⵓⵏⴽⵓⵔ) ⵏ ⵓⵙⴻⴽⵛⴻⵎ ⵏ ⵢⵉⵙⴻⵍⵎⴰⴹⴻⵏ, ⵙⴰⵄⴷⴰⵡⵉ ⵢⴻⴽⴽⴻⴷ ⴱⴻⵍⵍⵉ ⴰⵢⴰ ⴰⴷ ⵢⴻⵊⵊ ⴰⵃⵔⵉⵛ-ⴰ ⴰⴷ ⵢⴻⵙⵄⵓ ⵉⵎⵓⵙⵏⴰⵡⴻⵏ ⵢⴻⵍⵀⴰⵏ, ⵢⴻⵔⵏⴰ ⵡⵉⴷ ⵢⴻⵍⵍⴰⵏ ⵉⵇⴻⴷⴷⵛⴻⵏ ⵙ ⵍⴻⵎⵄⴰⵡⵏⴰ ⵣⵎⵔⴻⵏ ⴰⴷ ⴽⴻⵛⵎⴻⵏ ⴷⴳ ⵓⴽⴰⵢ-ⴰ.
ⴰⵔⵏⵓ ⵖⴻⵔ
