ⵉⵀⴻⵢⵢⴰ-ⴷ ⵓⵙⴰⵍⴰⵢ ⴰⴳⴷⵓⴷⴰⵏ ⴰⵖⴻⵍⵏⴰⵡ "ⴱⴰⵔⴷⵓ" ⵢⵉⵡⴻⵏ ⵏ ⵓⵙⴰⵢⴻⵙ ⵙ ⵢⵉⵙⴻⵎ "ⵚⵚⴻⵏⵄⴰⵜ ⵏ ⵜⴻⵙⵙⴰⵇⵇⵓⵜ", ⵉⵡⴰⴽⴽⴻⵏ ⴰⴷ ⴷ-ⵉⵙⴽⴻⵏ ⴰⴳⴻⵔⵔⵓⵊ-ⵉⵙ ⵓⴼⵔⵉⵏ (ethnographique) ⵢⴻⵄⵏⴰⵏ ⵉⵙⴻⵍⵙⴰ ⵉⵎⴻⵏⵙⴰⵢⴻⵏ ⵍⴻⵣⵣⴰⵢⵔⵉⵢⴻⵏ. ⴰⵢⴰⴳⵉ ⴷ ⴰⵙⴼⴻⴳⴳⴻⵔ ⵏ ⵜⵣⴻⵎⵎⴰⵔ ⴷ ⵓⵎⴻⵣⵔⵓⵢ ⵏ ⵜⵎⵓⵀⴰⵍ ⵜⵉⵎⴻⵏⵙⴰⵢⵉⵏ ⵏ ⵍⴻⵣⵣⴰⵢⴻⵔ ⵉⵕⴻⵙⵙⴰⵏ ⵙ ⵜⵥⵓⵔⵉ ⵏ ⵓⵟⴰⵔⵔⴻⵣ (broderie) ⵉ ⵉⵛⴻⴱⴱⵃⴻⵏ ⵉⵙⴻⵍⵙⴰ ⵉⵕⴻⵙⵙⴰⵏⴻⵏ.
ⴰⵙⴰⵢⴻⵙ-ⴰⴳⵉ, ⴰⵔⴰ ⵢⵉⴷⵓⵎⴻⵏ ⴰⵔⵎⵉ ⴷ ⵜⴰⴳⴳⴰⵔⴰ ⵏ ⵢⵓⵏⵢⵓ ⵉ ⴷ-ⵉⵜⵜⴻⴷⴷⵓⵏ, ⴰⴷ ⴷ-ⵢⴰⵍⴻⵙ ⴰⵎⴻⵣⵔⵓⵢ ⵏ ⵜⵥⵓⵔⵉ ⵏ ⵓⵟⴰⵔⵔⴻⵣ ⴰⵎ ⵢⵉⵡⴻⵏ ⵏ ⵡⵓⴷⴻⵎ ⵉⵄⵍⴰⵢⴻⵏ ⵏ ⵜⵎⵓⵀⴰⵍ ⵜⵉⵎⴻⵏⵙⴰⵢⵉⵏ ⴷⴻⴳ ⵍⴻⵣⵣⴰⵢⴻⵔ, ⵙ ⵜⵎⵓⵖⵍⵉ ⵖⴻⵔ ⵢⵉⵥⵓⵔⴰⵏ-ⵉⵙ, ⵙⵙⵢⵉⴼⴰ-ⵙ ⵏ ⵜⴼⵓⵍⴽⵉⵜ ⴷ ⵢⵉⵡⵓⴷⴰⵎ-ⵉⵙ ⵓⴼⵔⵉⵏⴻⵏ ⵉ ⵉⵛⴻⴱⴱⵃⴻⵏ ⵉⵙⴻⵍⵙⴰ ⴷⴻⴳ ⵢⴰⴽⴽ ⵜⵉⵎⴷⵉⵏⵉⵏ ⵏ ⵜⵎⵓⵔⵜ. ⴷⴰⵖⴻⵏ, ⵉⵟⵟⴰⴽ-ⴷ ⵜⴰⵎⵓⵖⵍⵉ ⵖⴻⴼ ⵡⴰⵟⴰⵙ ⵏ ⵜⴰⵔⵔⴰⵢⵉⵏ, ⵉⵖⵓⵏⴰⴼ ⴷ ⵢⵉⵣⴰⵎⵓⵍⴻⵏ ⵉ ⵉⵄⴰⵡⵏⴻⵏ ⴷⴻⴳ ⵓⵙⴱⴻⴷⴷⵉ ⵏ ⵜⵎⴰⴳⵉⵜ ⵏ ⵓⵥⴻⵟⵟⴰ ⴰⵣⵣⴰⵢⵔⵉ.
ⴰⵎⴹⴻⴱⴱⴻⵔ ⵏ ⵓⵙⴰⵍⴰⵢ, ⵎⴰⵙⵙ ⵣⵓⵓⵀⵉⵔ ⵀⴰⵔⵉⵛⵀⴰⵏⴻ, ⵢⴻⵏⵏⴰ-ⴷ ⴱⴻⵍⵍⵉ ⴰⵙⴰⵢⴻⵙ-ⴰⴳⵉ ⴷ "ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⴷ-ⵜⴱⴰⵏ ⵜⵎⴻⵔⴽⴰⵏⵜ ⵏ ⵓⴳⴻⵔⵔⵓⵊ ⴰⵣⵣⴰⵢⵔⵉ ⴷⴻⴳ ⵓⵏⵏⴰⵔ ⵏ ⵓⵟⴰⵔⵔⴻⵣ, ⵉⵎⵉ ⴷ ⵜⴰⵥⵓⵔⵉ ⵏ ⵍⴰⵙⴻⵍ ⵉ ⵢⴻⵙⴷⵓⴽⴽⵓⵍⴻⵏ ⵜⵉⴼⵓⵍⴽⵉⵜ ⴷ ⵍⵃⴻⵔⵙ", ⵍⴰⴷⵖⴰ ⵉⵎⵉ "ⵉ ⴷ-ⵢⴻⵎⵎⴰⵍ ⵜⴰⵎⴰⴳⵉⵜ ⵜⴰⴷⴻⵍⵙⴰⵏⵜ ⵉⵕⴻⵙⵙⴰⵏ ⴷⴻⴳ ⵓⵎⴻⵣⵔⵓⵢ".
ⵉⵙⵙⴻⴽⵜⵉ-ⴷ ⵓⵎⴻⵙⵍⴰⵢ ⴷⴻⴳ ⵓⵏⵏⴰⵔ-ⴰⴳⵉ ⵖⴻⴼ ⵡⴰⵣⴰⵍ ⵏ ⵢⵉⵙⴰⵍⴰⵢⴻⵏ ⴰⵖⴻⵍⵏⴰⵡⴻⵏ ⴷⴻⴳ ⵓⵃⵔⴰⵣ ⵏ ⵓⴳⴻⵔⵔⵓⵊ ⴷ ⵓⵃⵓⴷⴷⵓ ⵖⴻⴼ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ. ⴰⵎⴰⵀⵉⵍ-ⵏⵙⴻⵏ "ⵓⵔ ⵉⵃⵔⵉⵙ ⴰⵔⴰ ⴽⴰⵏ ⴷⴻⴳ ⵓⵙⴻⵏⴽⴻⴷ ⵏ ⵓⴳⴻⵔⵔⵓⵊ, ⵍⴰⵎⴻⵄⵏⴰ ⵉⵄⴰⵡⴻⵏ ⴷⴻⴳ ⵓⵙⴰⵍⵉ ⵏ ⵍⵃⵉⵙ ⵏ ⵓⵖⵔⵉⵎ ⵉⵡⴰⴽⴽⴻⵏ ⴰⴷ ⵉⵃⵔⴻⵣ ⴰⴳⴻⵔⵔⵓⵊ-ⵉⵙ ⴰⴷⴻⵍⵙⴰⵏ ⵏ ⵜⵖⴰⵡⵙⵉⵡⵉⵏ ⴷ ⵢⵉⵙⴻⵍⵙⴰ". ⵉⵙⵙⴻⴼⵀⴻⵎ-ⴷ ⴷⴰⵖⴻⵏ ⴱⴻⵍⵍⵉ "ⴽⵔⴰ ⵏ ⵜⵡⴰⵛⵓⵍⵉⵏ ⵜⴰⵣⵣⴰⵢⵔⵉⵢⵉⵏ ⴷⴻⴳ ⵢⵉⵙⴻⴳⴳⴰⵙⴻⵏ-ⴰⴳⵉ ⵉⵏⴻⴳⴳⵓⵔⴰ ⴼⴽⴰⵏⵜ ⵜⵉⵛⴻⵇⵇⴰⴼⵉⵏ ⴷ ⵢⵉⵙⴻⵍⵙⴰ ⴷ ⵀⵉⴱⴰ ⵉ ⵓⵙⴰⵍⴰⵢ ⵏ ⴱⴰⵔⴷⵓ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵃⵔⴰⵣ ⵏ ⵜⵎⴻⴽⵜⵉ ⵜⴰⵎⴻⵣⴷⴰⵢⵜ ⵉ ⵜⵙⵓⵜⵉⵡⵉⵏ ⵉ ⴷ-ⵉⵜⵜⴻⴷⴷⵓⵏ".
ⴰⵙⴰⵢⴻⵙ-ⴰⴳⵉ ⵉⵟⵟⴰⴽ ⵉ ⵡⵉⴷ ⵉ ⴷ-ⵢⴻⵔⵣⴰⵏ, ⵙ ⵜⴰⵔⵔⴰⵢⵜ ⵏ ⵓⵎⴻⵣⵔⵓⵢ ⴷ ⵜⵓⵙⵙⵏⴰ, ⵢⵉⴼⴰⵔⴰⵙⴻⵏ ⵏ ⵍⴰⵙⴻⵍ ⴷ ⵜⴼⴻⵍⵡⵉⵜ ⵏ ⵓⵙⴻⵏⵄⴻⵜ ⴷ ⵡⴰⵍⵍⴰⵍⴻⵏ ⵏ ⵚⵚⵓⵜ ⴷ ⵜⵎⵓⵖⵍⵉ ⵉ ⵜⴻⵏ-ⵉⵜⵜⴰⵡⵉⵏ ⴷⴻⴳ ⵢⵉⵡⴻⵏ ⵏ ⵓⵏⵉⴳ ⵖⴻⵔ ⵓⵎⴰⴹⴰⵍ ⵏ ⵓⵟⴰⵔⵔⴻⵣ ⴰⵣⵣⴰⵢⵔⵉ. ⴰⵢⴰⴳⵉ ⵢⴻⵍⵍⴰⵏ ⵙ ⵓⴼⵓⵙ ⵏ ⵜⵍⴰⵡⵉⵏ ⵜⵉⵃⴻⵔⵛⴰⵢⵉⵏ ⵉ ⴷ-ⵢⴻⵙⴱⴻⴷⴷⴻⵏ ⵜⵉⵛⴻⵇⵇⴰⴼⵉⵏ ⵏ ⵜⵥⵓⵔⵉ ⵉ ⴷ-ⵜⵜⵎⵓⴱⴱⴰⴷⴷⴰⵍⴻⵏⵜ ⵜⵙⵓⵜⵉⵡⵉⵏ ⵙ ⵍⴼⴻⵕⵃ ⴷ ⵏⵏⴻⴼⵅⴰ.
ⵢⵉⴼⴰⵔⴰⵙⴻⵏ-ⴰⴳⵉ ⵙⵏⴻⴽⴷⴻⵏ-ⴷ ⴰⵣⴰⵍ ⵏ ⵜⵥⵓⵔⵉ ⵏ ⵣⵉⴽ ⵏ ⵜⵎⵓⵀⴰⵍ ⵜⵉⵎⴻⵏⵙⴰⵢⵉⵏ, ⵙ ⵡⴰⵟⴰⵙ ⵏ ⵢⵉⵏⵉⵜⴻⵏ (couleurs) ⴷ ⵜⴼⵓⵍⴽⵉⵜ ⵏ ⵢⵉⵡⵓⴷⴰⵎ ⵢⴻⵜⵜⵡⴰⵟⴻⵔⵣⴻⵏ ⵙ ⵍⵅⵉⴹ ⵏ ⵍⴻⵃⵔⵉⵔ ⴷ ⵡⵓⵣⵣⴰⵍ ⵓⴼⵔⵉⵏ. ⵜⵉⵎⵓⵀⴰⵍ-ⴰⴳⵉ ⵜⴻⵎⴳⴰⵔⴰⴷ ⵙ ⵜⴷⵓⴽⵍⵉ ⵏ ⵜⵣⴻⵎⵎⴰⵔ ⴷ ⵢⵉⵏⵓⵎⴰⴽ ⵏ ⵢⵉⵣⴰⵎⵓⵍⴻⵏ, ⵙ ⵓⵟⵎⴰⵏ ⵏ ⵓⵎⵎⵉⵣⵉ ⴳⴰⵔ ⵓⵎⴰⵀⵉⵍ ⴷ ⵜⴼⵓⵍⴽⵉⵜ.
ⴳⴰⵔ ⵡⴰⵢⴻⵏ ⵉ ⴷ-ⵢⴻⵎⵍⴰ ⵓⵙⴰⵢⴻⵙ "ⵍⵇⴻⴼⵟⴰⵏ", ⴰⵏⵉⴷⴰ ⵓⵙⴰⵍⴰⵢ ⵏ ⴱⴰⵔⴷⵓ ⴷⴻⴳ-ⵙ ⴰⵣⴰⵍ ⵏ 20 ⵏ ⵜⵉⵛⴻⵇⵇⴰⴼⵉⵏ ⵏ ⵍⵇⴻⴼⵟⴰⵏ ⴰⵣⵣⴰⵢⵔⵉ ⵏ ⵜⴰⴳⴳⴰⵔⴰ ⵏ ⵜⴰⵙⵓⵜ 19 ⴷ ⵜⴰⵣⵡⴰⵔⴰ ⵏ ⵜⴰⵙⵓⵜ 20. ⴷⴰⵖⴻⵏ ⵏⵡⴰⵍⴰ "ⵇⴰⵏⴷⵓⵔⴰ" ⵏ ⵓⴳⵎⵓⴹ ⵏ ⵍⴻⵣⵣⴰⵢⴻⵔ ⵉ ⵜⴻⵍⵙⴰ ⵜⵎⴻⵟⵟⵓⵜ ⴷ "ⵛⵛⴰⵛⵉⵜ", "ⴰⴱⴰⴳⵓⵙ ⵏ ⵍⵡⵉⵣ" ⴷ "ⵜⵉⵣⴱⴻⵟ" ⵜⴰⵎⴻⵏⵙⴰⵢⵜ, ⵙ ⵡⴰⵟⴰⵙ ⵏ ⵡⴰⵏⴰⵡⴻⵏ ⴰⵎ "ⵇⴰⵏⴷⵓⵔⴰ ⵏ ⵜⵛⴻⵄⵔⴻⵜ", "ⵇⴰⵏⴷⵓⵔⴰ ⵏ ⵜⴻⴼⵜⴻⵍⵜ" ⴷ "ⵇⴰⵏⴷⵓⵔⴰ ⵏ ⵓⵎⴶⴱⵓⴷ".
ⵏⵡⴰⵍⴰ ⴷⴰⵖⴻⵏ "ⵜⴰⴱⵍⵓⵣⵜ", ⵉ ⴷ-ⵢⵓⵔⴰⵏ ⴷⴻⴳ ⵢⵉⵙⴰⵍⵍⴻⵏ ⵓⵇⴱⴻⵍ ⴽⵔⴰ ⵏ ⵡⵓⵙⵙⴰⵏ ⵖⴻⴼ ⵓⵙⴻⵏⴽⴻⴷ ⵏ ⵓⵕⴻⵛⵛⵉⵢ-ⵉⵙ ⵓⵏⵚⵉⴱ ⴷⴻⴳ UNESCO ⵉⵡⴰⴽⴽⴻⵏ ⴰⴷ ⵜⵉⵍⵉ ⴷ ⴰⴳⴻⵔⵔⵓⵊ ⴰⵎⴰⴹⵍⴰⵏ. ⵜⴰⴱⵍⵓⵣⵜ ⵜⴻⵙⵙⴻⴽⵏⴻⴷ ⵜⴼⵓⵍⴽⵉⵜ ⵏ ⵢⵉⵙⴻⵍⵙⴰ ⴷⴻⴳ ⵜⴻⵎⴷⵉⵏⵉⵏ ⵏ ⵓⵎⴰⵍⵓ ⵏ ⵍⴻⵣⵣⴰⵢⴻⵔ. ⵔⵏⵉ-ⴷ ⵖⴻⵔ-ⵙ "ⵍⴽⴰⵔⴰⴽⵓ" ⵙ ⵢⵉⴼⴻⵔⴷⵉⵙⴻⵏ-ⵉⵙ ⵓⴼⵔⵉⵏⴻⵏ, ⵙ ⵓⵙⴻⵏⴽⴻⴷ ⵏ ⵢⵉⵡⴻⵏ ⵏ ⵓⵎⴻⴷⵢⴰ ⵏ ⵍⴰⵙⴻⵍ ⵏ ⵜⴻⵎⴰⵏⴰⵖⵜ ⵏ ⵓⵙⴻⴳⴳⴰⵙ 1930.
ⴰⵙⴰⵢⴻⵙ-ⴰ ⴷ ⵜⴰⴳⵏⵉⵜ ⵉ ⵓⵄⴰⵡⴻⴷ ⵏ ⵓⵏⴰⴷⵉ ⵏ ⵡⴰⵍⵍⴰⵍⴻⵏ ⵉⵎⴻⵏⵙⴰⵢⴻⵏ ⵏ ⵓⵟⴰⵔⵔⴻⵣ ⴰⵎ "ⵓⵇⴻⵔⵇⴰⴼ" ⵏ ⵡⴻⵙⵖⴰⵔ ⵉ ⵓⵙⴻⴶⵀⴻⴷ ⵏ ⵓⴽⵜⵓⵏ (ⵜⵉⵙⵙⵓ), "ⴰⵟⵏⵉⴱⴻⵔ" ⵉ ⵓⵕⵚⵓ ⵏ ⵓⴽⵜⵓⵏ ⴷ "ⵓⵔⵛⴰⵎ" ⵉ ⴷⴻⴳ ⵍⵍⴰⵏ ⵢⵉⵡⵓⴷⴰⵎ ⵉⵡⴻⵄⵔⴻⵏ. ⴷⴰⵖⴻⵏ, ⵉⵙⵙⴻⴼⵀⴻⵎ-ⴷ ⴰⵏⴰⵡⴻⵏ ⵏ ⵜⵓⴽⴽⵉⵙⵜⵉⵏ (points) ⵢⴻⵜⵜⵓⵙⴻⵎⵔⴰⵙⴻⵏ ⴷⴻⴳ ⵓⵟⴰⵔⵔⴻⵣ ⴰⵣⵣⴰⵢⵔⵉ ⴰⵎ ⵜⵓⴽⴽⵉⵙⵜ ⵏ "ⵣⵍⵉⴶ", "ⵜⴰⵎⴻⵟⵔⴻⵃⵜ" ⴷ "ⴰⵅⵅⴰⵎ", ⵎⴻⴱⵍⴰ ⵎⴰ ⵏⴻⵜⵜⵓ "ⵜⴰⵛⴻⴱⴱⵉⴽⵜ" ⴷ ⵓⵟⴰⵔⵔⴻⵣ ⵙ ⵍⵅⵉⴹ ⵏ ⴷⴷⵀⴻⴱ ⵙ ⵜⴰⵔⵔⴰⵢⵉⵏ ⵏ ⵜⴻⴼⵜⴻⵍⵜ, ⵜⵛⴻⵄⵔⴻⵜ ⴷ ⵓⵎⴶⴱⵓⴷ.
ⴰⵔⵏⵓ ⵖⴻⵔ
