ⵉⴼⵓⴽⴽ ⵡⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵏⵓⵓⴰⴽⵛⵀⵓⵜⵜ (ⵎⵓⵔⵉⵜⴰⵏⵢⴰ) ⵡⴰⵀⵉⵍ ⵏ ⵜⵎⴻⵔⵏⵉⵡⵜ ⵜⵉⵙ 8 ⵏ ⵜⴼⴰⵙⴽⴰ ⵏ ⵢⵉⴼⴰⵔⵉⵙⴻⵏ ⴷ ⵢⵉⵎⴻⵥⵍⴰ ⵏ ⵍⴻⵣⵣⴰⵢⴻⵔ ⵙ ⵓⴱⵣⵉⵎ ⵏ 70 ⵏ ⵢⵉⵎⵜⴰⵡⴰⵜⴻⵏ ⴷⴻⴳ ⵡⴰⵏⵏⴰⵔ ⵏ ⵜⵏⴻⵣⵣⵓⵜ, ⵉⵎⴻⵥⵍⴰ ⴷ ⵓⵙⵙⵓⴼⴼⴻⵖ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵏ ⴱⴻⵔⵔⴰ ⴷ ⵓⵙⵏⴻⵔⵏⵉ ⵏ ⵓⵙⵙⵓⴼⴼⴻⵖ.
ⵉⵙⴻⴳⵣⵉ-ⴷ ⵡⵓⵏⴰⴱⴰⵖ-ⵏⵏⵉ ⴱⴻⵍⵍⵉ ⵜⴰⴼⴰⵙⴽⴰ-ⴰⴳⵉ, ⵉ ⴷ-ⵢⴻⵍⵍⴰⵏ ⵙⴻⴳ 4 ⴰⵔ 11 ⵎⴰⵢⵢⵓ, ⵜⴻⵡⵡⵉ-ⴷ "ⵉⴳⵎⵓⴷⴻⵏ ⵏ ⵜⴷⴰⵎⵙⴰ ⴷ ⵜⵏⴻⵣⵣⵓⵜ ⵏ ⴷⵉⵎⴰ", ⴷⴰⴳⵉ ⴱⵣⵎⴻⵏ 70 ⵏ ⵢⵉⵎⵜⴰⵡⴰⵜⴻⵏ ⵙⴻⴳ ⵓⵍⴷⴰⵢ ⵏ ⵜⴼⴰⵙⴽⴰ, ⴰⵢⴰⴳⵉ ⴷ ⵓⴷⴻⵎ ⵏ "ⵓⵔⵔⴻⴱⴻⵃ ⵏ ⵜⴼⴰⵙⴽⴰ ⴷⴻⴳ ⵓⵙⵏⴻⵔⵏⵉ ⵏ ⵓⵙⵙⵓⴼⴼⴻⵖ ⵏ ⵍⴻⵣⵣⴰⵢⴻⵔ ⴷ ⵓⵙⴻⴷⴷⴻⵙ ⵏ ⵜⵛⵓⵔⴽⴰⵙ ⴳⴰⵔ ⵍⴻⵣⵣⴰⵢⴻⵔ ⴷ ⵎⵓⵔⵉⵜⴰⵏⵢⴰ".
ⴰⵙⵙ ⴰⵏⴻⴳⴳⴰⵔⵓ ⵏ ⵜⴼⴰⵙⴽⴰ ⵢⴻⵣⵔⴻⵄ ⵓⴱⵣⵉⵎ ⵏ 18 ⵏ ⵢⵉⵎⵜⴰⵡⴰⵜⴻⵏ ⵉⵎⴰⵢⵏⵓⵜⴻⵏ ⴷⴻⴳ ⵜⵏⴻⵣⵣⵓⵜ ⴷ ⵢⵉⵎⴻⵥⵍⴰ. ⴳⴰⵔ-ⴰⵙⴻⵏ, ⴰⵎⵜⴰⵡⴰ ⴳⴰⵔ ⵓⵃⵔⵉⵛ ⵏ ⵓⴼⵔⴰⵖ ⵏ ⵜⴽⴻⴱⴱⴰⵏⵉⵜ ⵏ ⵓⴱⴻⵀⵔⵉ (ⴰⵉⵔ ⴰⵍⴳéⵔⵉⴻ ⵛⴰⵔⴳⵓ) ⴷ ⵢⵉⴳⴻⵞⴷⵉⵢⴻⵏ ⵏ ⵓⵙⴰⵍⵍⴰⵍ ⵏ ⵍⴻⴱⵃⴻⵔ ⵏ ⵍⴻⵣⵣⴰⵢⴻⵔ ⵉ ⵓⵙⵙⵓⴼⴼⴻⵖ ⵏ 500 ⵏ ⵢⵉⴳⵉⵎⴰⵏ ⵏ ⵢⵉⵜⵓⵏⵏⴻⵏ ⵏ ⵓⵙⵉⵎⴰⵏ (ⵛⵉⵎⴻⵏⵜ) ⵖⴻⵔ ⵎⵓⵔⵉⵜⴰⵏⵢⴰ, ⵙ ⵡⴰⵣⴰⵍ ⵏ 50 ⵏ ⵢⵉⵎⴻⵍⵢⵓⵏⴻⵏ ⵏ ⴷⵓⵍⵍⴰⵔ.
ⵓⴷⵢⴰⵏ-ⵏⵏⵉ ⵉⴱⴷⴻⵔ-ⴷ ⴱⴻⵍⵍⵉ ⴰⵎⵜⴰⵡⴰ-ⴰⴳⵉ ⵉⵙⴱⴻⴳⴳⴻⵏ-ⴷ "ⴰⵙⵏⴻⵔⵏⵉ ⵏ ⵜⵣⴻⵎⵎⴰⵔ ⵏ ⵓⵙⵙⵓⴼⴼⴻⵖ ⵏ ⵍⴻⵣⵣⴰⵢⴻⵔ ⴷⴻⴳ ⵙⵙⵓⵇ ⵏ ⵎⵓⵔⵉⵜⴰⵏⵢⴰ". ⴷⴻⴳ ⵓⵃⵔⵉⵛ ⵏ ⵜⴻⵣⵎⴻⵔⵜ, ⴱⵣⵎⴻⵏ ⵉⵎⵜⴰⵡⴰⵜⴻⵏ ⵏ ⵜⴰⵎⴻⵔⵔⵓⵜ ⵏ ⵜⴷⴰⵡⵉⵜ ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⵢⴻⵣⵣⵡⴻⵔ ⵏ ⵜⴰⵍⵍⴻⵍⵜ ⴳⴰⵔ ⵜⵙⵓⴷⴰ ⵏ ⵜⴻⵣⵎⴻⵔⵜ ⵏ ⵍⴻⵣⵣⴰⵢⴻⵔ ⴷ ⵢⴻⵎⵙⴻⵏⵜⴰⵢⴻⵏ ⵏ ⵎⵓⵔⵉⵜⴰⵏⵢⴰ.
ⵉⵎⵜⴰⵡⴰⵜⴻⵏ-ⴰⴳⵉ ⵍⵎⴻⵏⵜ ⴷⴰⵖⴻⵏ ⵡⴰⵏⵏⴰⵔ ⵏ ⵓⵙⵏⵓⵍⴼⵓ ⴷ ⵢⵉⵎⴻⵥⵍⴰ ⵙ ⵓⴱⵔⵉⴷ ⵏ ⵜⵛⵓⵔⴽⴰⵙ ⵏ ⵜⴽⴻⴱⴱⴰⵏⵉⵢⵉⵏ ⵏ ⵙⵜⴰⵔⵜ-ⵓⵃ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵏⵏⴰⵔ ⵏ ⵜⴼⴻⵍⵍⴰⵃⵜ, ⵉ ⵡⴰⴽⴽⴻⵏ ⴰⴷ ⴷ-ⴰⵙⴻⵏⵜ ⵜⴰⵔⵔⴰⵢⵉⵏ ⵏ ⵜⴻⵜⵉⴽⵏⵓⵍⵓⵞⵉⵜ ⴷ ⵢⵉⵎⴻⵥⵍⴰ ⵉ ⵓⵃⵔⵉⵛ-ⴰⴳⵉ. ⴷⴻⴳ ⵡⴰⵏⵏⴰⵔ ⵏ ⵜⴰⵎⴻⵔⵔⵓⵜ, ⴱⵣⵎⴻⵏ ⴰⵎⵜⴰⵡⴰ ⵉ ⵓⵙⴻⴼⵔⴰⵣ ⵏ ⵜⴰⵎⴻⵔⵔⵓⵜ ⴷ ⵓⵙⵏⴻⵔⵏⵉ ⵏ ⵓⵙⴻⵏⵜⴻⵎ ⴳⴰⵔ ⵍⴻⵣⵣⴰⵢⴻⵔ ⴷ ⵎⵓⵔⵉⵜⴰⵏⵢⴰ.
ⴰⵔⵏⵓ ⵖⴻⵔ
