ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⵜⴻⵎⵍⵉⵍ ⵜⵔⴰⴱⵄⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ ⴷ ⵜⵔⴰⴱⵄⵜ ⵏ ⵀⵓⵍⴰⵏⴷⴰ ⴰⵙⵙ ⵏ 03 ⵢⵓⵏⵢⵓ ⴷⴻⴳ ⵜⵖⵉⵡⴰⵏⵜ ⵏ ⵔⵓⵜⴻⵔⴷⴰⵎ (ⵖⴻⴼ ⵜⵎⴻⵔⵡⴰⵢⵜ ⴷ ⵜⵥⴰ ⴷ 45 ⵏ ⵜⵓⵙⴷⵉⴷⵉⵏ 19:45). ⴰⵢⴰ ⵢⴻⵍⵍⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵃⴻⴳⴳⵉ ⵉ ⵜⴳⴳⵉⵔⴰ ⵏ ⵜⴽⵓⴱⴰ ⵏ ⵓⵎⴰⴹⴰⵍ 2026 (ⵙⴻⴳ 11 ⵢⵓⵏⵢⵓ ⴰⵍⴰⵎⵎⴰ ⴷ 19 ⵢⵓⵍⵢⵓⵣ). ⴰⵢⴰ ⵉ ⴷ-ⵜⴻⴱⴱⴻⵔⵔⴻⵃ ⵜⴷⵓⴽⴽⵍⵉ ⵜⴰⵣⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ , ⴰⵙⵙ-ⴰ ⵏ ⵍⴻⵜⵏⵉⵢⴻⵏ.
ⵜⵓⵔⴰⵔⵜ-ⴰⴳⵉ ⵎⴳⴰⵍ ⵀⵓⵍⴰⵏⴷⴰ (ⵉ ⵢⴻⵍⵍⴰⵏ ⴷ ⵜⵉⵙ ⵙⴰ ⴷⴻⴳ ⵓⵎⴰⴹⴰⵍ ⴰⴽⴽⴻⵏ ⵢⴻⵏⵏⴰ ⵓⵙⴻⴳⴳⴻⵎ ⵏ "ⴼⵉⴼⴰ") ⴰⴷ ⵜⴻⴹⵔⵓ ⵢⵉⵡⴻⵏ ⵓⵣⵎⴻⵣ ⵓⵇⴱⴻⵍ ⴰⴷ ⵜⴻⵔⵣⵓ ⵜⵔⴰⴱⵄⵜ ⵜⴰⵖⴻⵍⵏⴰⵡⵜ ⵖⴻⵔ ⵎⵎⴰⵔⵉⴽⴰⵏ ⵉ ⵡⴰⴽⴽⴻⵏ ⴰⴷ ⵜⴻⴽⴽ ⴷⴻⴳ ⵜⵎⵣⵉⵣⵣⴻⵍⵜ ⵜⴰⵎⴰⴹⵍⴰⵏⵜ. ⵖⴻⵔ ⵜⴰⵎⴰ ⵏ ⵀⵓⵍⴰⵏⴷⴰ, ⵉⵎⴷⵓⴽⴽⴻⵍ ⵏ ⵔⵉⵢⴰⴹ ⵎⴻⵃⵔⴻⵣ ⴰⴷ ⵓⵔⴰⵔⴻⵏ ⴷⴰⵖⴻⵏ ⵎⴳⴰⵍ ⵯⵡⴰⵜⵉⵎⴰⵍⴰ ⴷ ⵓⵔⵓⴳⵡⴰⵢ ⴷⴻⴳ ⵡⴰⴳⴳⵓⵔ ⵏ ⵎⵖⴻⵔⴻⵙ ⴷⴻⴳ ⵜⵎⵓⵔⵜ ⵏ ⵟⵟⴰⵍⵢⴰⵏ, ⴷⴻⴳ ⵢⵉⵡⴻⵏ ⵓⵙⵉⵍⴻⵡ ⵓⵃⴻⴳⴳⵉ.
"ⵉⵣⴻⴳⵣⴰⵡⴻⵏ" ⴰⴷ ⵎⵍⵉⵍⴻⵏ ⴷⵉ ⵜⵣⵡⴰⵔⴰ ⴷ ⵜⵔⴰⴱⵄⵜ ⵏ ⵯⵡⴰⵜⵉⵎⴰⵍⴰ ⴰⵙⵙ ⵏ ⵍⵊⴻⵎⵄⴰ 27 ⵎⵖⴻⵔⴻⵙ ⴷⴻⴳ ⵡⴰⵏⵏⴰⵔ ⵏ "ⵍⵓⵡⵉⵊⵉ ⴼⵉⵔⴰⵔⵉⵙ" ⴷⴻⴳ ⵊⴻⵏⵡⴰ (20:30), ⵎⴱⴰⵄⴻⴷ ⴰⴷ ⵓⵔⴰⵔⴻⵏ ⵎⴳⴰⵍ ⵓⵔⵓⴳⵡⴰⵢ ⴰⵙⵙ ⵏ ⵜⵜⵍⴰⵜⴰ 31 ⵎⵖⴻⵔⴻⵙ ⴷⴻⴳ ⵡⴰⵏⵏⴰⵔ ⵏ "ⴰⵍⵢⴰⵏⵣ ⵙⵜⴰⴷⵢⵓⵎ" ⴷⴻⴳ ⵜⵓⵔⵉⵏⵓ (20:30).
ⴷⴻⴳ ⵜⴽⵓⴱⴰ ⵏ ⵓⵎⴰⴹⴰⵍ, ⵍⵣⵣⴰⵢⴻⵔ ⴰⴷ ⵜⵓⵔⴰⵔ ⴷⴻⴳ ⵜⵔⴰⴱⵄⵜ ⵜⵉⵙ ⵎⵔⴰⵡ ⵢⴻⴷⴷⵓⴽⴽⴻⵍ ⴷ ⵍⴰⵔⵊⵓⵏⵜⵉⵏ, ⵍⴰⵡⵜⵔⵉⵛ ⴷ ⵍⵓⵔⴷⵓⵏ. ⵜⴰⵔⴰⴱⵄⵜ ⵜⴰⵖⴻⵍⵏⴰⵡⵜ ⴰⴷ ⵜⴻⴱⴷⵓ ⴰⴱⵔⵉⴷ-ⵉⵙ ⴰⵙⵙ ⵏ 17 ⵢⵓⵏⵢⵓ ⵎⴳⴰⵍ ⵍⴰⵔⵊⵓⵏⵜⵉⵏ ⴷⴻⴳ ⵜⵖⵉⵡⴰⵏⵜ ⵏ "ⴽⴰⵏⵙⴰⵙ ⵙⵉⵜⵉ" (02:00), ⵎⴱⴰⵄⴻⴷ ⴰⴷ ⵜⵎⵍⵉⵍ ⴷ ⵍⵓⵔⴷⵓⵏ ⴰⵙⵙ ⵏ 23 ⵢⵓⵏⵢⵓ ⴷⴻⴳ "ⵙⴰⵏⵜⴰ ⴽⵍⴰⵔⴰ" (04:00). ⴰⴷ ⵜⴽⴼⵓ ⴰⵃⵔⵉⵛ ⵏ ⵜⵔⴰⴱⵄⵉⵏ ⵎⴳⴰⵍ ⵍⴰⵡⵜⵔⵉⵛ ⴰⵙⵙ ⵏ 28 ⵢⵓⵏⵢⵓ ⴷⴻⴳ "ⴽⴰⵏⵙⴰⵙ ⵙⵉⵜⵉ" (03:00).
ⵜⴰⴳⴳⴰⵔⴰ, ⵜⵉⵎⵍⵉⵍⵉⵢⵉⵏ-ⴰⴳⵉ ⵏ ⵜⵎⴷⵓⴽⴽⴻⵍⵜ ⴷ ⵜⴰⴳⵏⵉⵜ ⵉⵊⴻⵀⴷⴻⵏ ⵉ ⵡⴰⴽⴽⴻⵏ ⴰⴷ ⵙⵊⴻⵀⴷⴻⵏ ⵜⴰⵔⴰⴱⵄⵜ ⵜⴰⵖⴻⵍⵏⴰⵡⵜ ⵢⴻⵔⵏⴰ ⴰⴷ ⵀⴻⴳⴳⵉⵏ ⵢⵉⵎⵓⵔⴰⵔⴻⵏ ⵉ ⵡⴰⴽⴽⴻⵏ ⴰⴷ ⵙⵙⴻⵍⵉⵏ ⴰⵛⴻⵏⵢⴰⵍ ⴰⵣⵣⴰⵢⵔⵉ ⴷⴻⴳ ⵓⵎⴰⴹⴰⵍ ⴽⴰⵎⴻⵍ.
ⴰⵔⵏⵓ ⵖⴻⵔ
