ⵜⴻⵄⵍⴻⵏ-ⴷ ⵜⵏⴻⵖⵍⴰⴼⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ ⴱⴻⵍⵍⵉ ⵢⴻⵍⴷⵉ ⵓⴱⵔⵉⴷ ⵏ ⵓⵎⴻⵙⵜⵉⵔ (candidature) ⵉ ⵜⵙⴻⵎⵎⵓⵏⵜ ⵜⵉⵙ ⴽⵓⵣ ⵏ ⵡⴰⵔⵔⴰⵣ "ⵉⵙⵉⴳⴳⵉⵔⴻⵏ ⵏ ⵢⵉⴷⵍⴻⵙ", ⵉ ⴷ-ⵢⴻⵡⵡⵉⵏ ⵢⵉⵙⴻⵎ ⵏ ⵓⵏⴳⴰⵍⴰⵏ (romancier) ⵍⵎⴻⴳⴳⴻⵜ ⴰⴱⴷⴻⵍⵀⴰⵎⵉⴷ ⴱⴻⵏⵀⴰⴷⵓⵓⴳⴰ (1925-1996), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⴰⵙⵙ-ⴰ ⵏ ⵜⵜⵍⴰⵜⴰ.
ⵉ ⵢⵉⵙⵏⵓⵍⴼⴰⵢⴻⵏ ⵢⴻⴱⵖⴰⵏ ⴰⴷ ⴷ-ⵜⴻⴽⴽⵉⵏ, ⵉⵍⴰⵇ ⴰⴷ ⵙⴻⵔⵙⴻⵏ ⵉⴼⴰⵢⵍⴻⵏ-ⵏⵙⴻⵏ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ ⴷⴻⴳ "ⵍⴻⴹⴱⵉ ⵏ ⵢⵉⵖⴰⵍⵍⴻⵏ" ⴷⴻⴳ ⵍⵇⵓⴱⴱⴰ (ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ) ⵏⴻⵖ ⵙ ⵓⴱⵔⵉⴷ ⵏ ⵔⵔⴰⵢⴻⴽ ⴰⵍⵉⴽⵜⵔⵓⵏⴰⵏ: cadetsculture@m-culture.gov.dz. ⵜⴰⵍⵍⵉⵜ ⵜⴰⵏⴻⴳⴳⴰⵔⵓⵜ ⵉ ⵓⵇⴱⴻⵍ ⵏ ⵢⵉⵎⴰⵀⵉⵍⴻⵏ ⵜⴻⵜⵜⵡⴰⵔⵔ ⴷ 20 ⵎⴰⵢⵓ ⵉ ⴷ-ⵉⵜⵜⴻⴷⴷⵓⵏ.
ⵉⵙⵡⵉ ⵏ ⵡⴰⵔⵔⴰⵣ-ⴰⴳⵉ ⵏ ⵢⴰⵍ ⴰⵙⴻⴳⴳⴰⵙ, ⵉ ⴷ-ⵢⴻⴱⴷⴰⵏ ⴷⴻⴳ 2023, ⴷ ⴰⵙⴷⴻⴳⴳⴻⵔ ⵏ ⵢⵉⵙⵏⵓⵍⴼⴰⵢⴻⵏ ⵉⵎⴰⵢⵏⵓⵜⴻⵏ ⵓ ⴰⴷ ⵜⴻⵏ-ⵉⵙⴻⵀⵔⴻⵙ ⵉⵡⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴷⴻⴳ ⵓⵏⵏⴰⵔ ⵏ ⵓⵙⵏⵓⵍⴼⵓ ⴰⴷⴻⵍⵙⴰⵏ ⴷ ⵓⵥⵓⵔⴰⵏ. ⴷⴰⵖⴻⵏ ⵢⴻⴱⵖⴰ ⴰⴷ ⴷ-ⵢⴻⵔⵔ ⴰⵎⴰⵢⵏⵓⵜ ⴷⴻⴳ ⵓⴷⴻⵎ ⴰⴷⴻⵍⵙⴰⵏ ⵏ ⵍⴻⵣⵣⴰⵢⴻⵔ ⵓ ⴰⴷ ⵢⵉⵍⵉ ⴷ ⴰⵙⴼⵓⵍⴻⵍ (accompagnement) ⵉ ⵡⵉⴷ ⵢⴻⵙⵄⴰⵏ ⵜⵉⵣⴻⵎⵎⴰⵔ ⴷⴻⴳ ⵜⵥⵓⵔⵉ, ⴰⵙⵓⵏⵏⴻⵖ ⴷ ⵜⵉⵔⴰ.
ⴰⵔⵔⴰⵣ ⵢⴻⴱⴹⴰ ⴷ ⵙⵉⵏ ⵏ ⵢⵉⵃⵔⵉⵛⴻⵏ: ⴰⵎⴻⵣⵡⴰⵔⵓ ⵢⴻⵄⵏⴰ ⵉⵎⴰⵀⵉⵍⴻⵏ ⵏ ⵜⵥⵓⵔⵉ ⴷ ⵓⵙⵓⵏⵏⴻⵖ (ⴰⵥⴰⵡⴰⵏ, ⵜⵉⵔⴰⵔⵉ ⵏ ⵓⵎⴻⵣⴳⵓⵏ, ⵜⵉⵍⵉⵥⵔⵉ ⵏⴻⵖ ⵙⵙⵉⵏⵉⵎⴰ, ⴰⵛⵀⴻⴷⴷⵉ ⵏ ⵚⵚⵓⵜ, ⴰⵙⵓⵏⵏⴻⵖ, ⴰⵏⵃⴰⵜ ⴷ ⵜⵉⵏⴼⴰⵍⵉⵏ ⵢⴻⵙⵙⵓⵏⵖⴻⵏ). ⵡⵉⵙ ⵙⵉⵏ ⵢⴻⵄⵏⴰ "ⵉⵎⴰⵀⵉⵍⴻⵏ ⵏ ⵜⵉⵔⴰ" (ⵜⵓⵍⵍⵉⵙⵜ, ⵜⵓⵍⵍⵉⵙⵜ ⵏ ⵢⵉⴳⴻⵔⴷⴰⵏ, ⵓⵏⴳⴰⵍ ⴷ ⵜⵎⴻⴷⵢⴰⵣⵜ).
ⵜⴰⵎⵣⵉⵣⴻⵍⵜ-ⴰⴳⵉ ⵜⴻⵍⴷⵉ ⵜⵉⵡⵡⵓⵔⴰ-ⵙ ⵉ ⵢⵉⴳⴻⵔⴷⴰⵏ ⴷ ⵢⵉⵙⵉⴳⴳⵉⵔⴻⵏ ⵍⴻⵣⵣⴰⵢⵔⵉⵢⴻⵏ ⵉⵕⴻⵙⵙⴰⵏ ⴷⴻⴳ ⵍⴻⵣⵣⴰⵢⴻⵔ ⵏⴻⵖ ⴷⴻⴳ ⴱⴻⵕⵕⴰ ⵉ ⵢⴻⵙⵄⴰⵏ ⴳⴰⵔ 7 ⴷ 16 ⵏ ⵢⵉⵙⴻⴳⴳⴰⵙⴻⵏ. ⴱⴹⴰⵏ ⴷ ⵙⵏⴰⵜ ⵏ ⵜⴻⴳⵔⵓⵎⵎⴰⵡⵉⵏ: ⵜⴰⵎⴻⵏⵣⵡⴰⵔⵓ "ⵉⴳⴻⵔⴷⴰⵏ ⵏ ⵓⵙⵏⵓⵍⴼⵓ" (ⵙⴻⴳ 7 ⵖⴻⵔ 11 ⵏ ⵢⵉⵙⴻⴳⴳⴰⵙⴻⵏ) ⴷ ⵜⵉⵙ ⵙⵏⴰⵜ "ⵉⵍⵎⴻⵣⵢⴻⵏ ⵏ ⵓⵙⵏⵓⵍⴼⵓ" (ⵙⴻⴳ 12 ⵖⴻⵔ 16 ⵏ ⵢⵉⵙⴻⴳⴳⴰⵙⴻⵏ).
ⴰⵔⵏⵓ ⵖⴻⵔ
