ⵜⵙⵙⵓⴷⴷⴻⵙ ⵜⴰⵏⵙⵓⵍⵉⵜ ⵜⴰⵎⴰⵜⵓⵜ ⵜⴰⵣⵣⴰⵢⵔⵉⵜ ⴷⴻⴳ ⴱⵔⵓⴽⵙⴻⵍ ⴷⴻⴳ ⵜⵎⴷⵉⵏⵜ ⵏ ⴳⴰⵏⴷ ⴷⴻⴳ ⴱⵉⵍⵢⵉⴽ, ⵙ ⵓⵙⴷⵓⴽⴻⵍ ⴰⴽⴽⴻⴷ ⵜⴰⵙⴻⴷⴷⴰⵡⵉⵜ ⵜⴰⴷⴷⴰⵍⴰⵏⵜ ⴷ ⵜⴷⴻⵍⵙⴰⵏⵜ ⵜⴰⵣⵣⴰⵢⵔⵉⵜ «DZ Académie», ⴷ ⵜⴷⵓⴽⵍⵉ «S12 Belgium Impact ASBL», ⴷ ⵓⵜⵜⴻⴽⴽⵉ ⵏ ⵢɛⴻⴳⴳⴰⵍⴻⵏ ⵙⴻⴳ ⵜⴳⵔⴰⵡⵜ ⵜⴰⵣⵣⴰⵢⵔⵉⵜ ⴷⴻⴳ ⴱⵉⵍⵢⵉⴽ, ⵜⴰⵣⵉ ⵏ ⴷⴰⴱⴻⵅ ⵏ ⵓⴹⴰⵔ ⵉ ⴷⴷⴻⵔⵔⵢⴰⵜ ⵏ ⵜⴳⵔⴰⵡⵜ ⵉ ⵉⵣⴷⵖⴻⵏ ⴷⴻⴳ ⵜⵎⴷⵉⵏⵜ-ⴰ ⴷ ⵜⵎⵉⵡⴰ-ⵉⵏⴻⵙ, ⵓ ⵡⴰⴳⵉ ⴷⴻⴳ ⵓⴽⴰⵜⴰⵔ ⵏ ⵓⵙⴰⴳⵔⵓ ⵏ ⵢⵉⵔⵎⴰⴷ-ⵉⵙ ⵢⴻⵎⴳⴰⵔⵔⴰⴷⴻⵏ ⵉ ⵓⵙⴼⵓⴽⵜⵉ ⵏ ⵓⵎⵓⵍⵍⵉ ⵡⵉⵙ 65 ⵏ ⵢⵉⵙⵓⵏⴳⵢⴻⵏ ⵏ 17 ⴽⵜⵓⴱⴻⵔ 1961 ⵉ ⵉⵟⵟⴰⵙⴻⴳⵏⴻⵏ ⴷ ⵢⴰⵙⵙ ⴰⵖⴻⵍⵏⴰⵡ ⵏ ⵓⵏⴰⴳⴰⴳ.
ⵢⴻⵜⵜⴰⵙ-ⴷ ⵓⵔⵎⴰⴷ-ⴰ ⴷⴻⴳ ⵓⴽⴰⵜⴰⵔ ⵏ ⵓⵙⴰⴳⵔⵓ ⵏ ⵢⵉⵔⵎⴰⴷ ⵉ ⵜⴻⵃⵕⴻⵚ ⵜⴰⵏⵙⵓⵍⵉⵜ ⵖⴻⴼ ⵓⵙⵙⵓⴷⴷⴻⵙ-ⵏⵙⴻⵏ ⴷ ⵓⵙⴼⵓⴽⵜⵉ-ⵏⵙⴻⵏ ⵉ ⵓⵙⵙⴻⴽⵜⵉ ⵏ ⵜⴳⵏⴰⵜⵉⵏ ⴷ ⵢⵉⵙⵡⵉⵔⵓⵏ ⵉⵎⴻⵣⵔⴰⵢⴻⵏ ⵉⵖⴻⵍⵏⴰⵡⴻⵏ ⴷ ⵓⵙⵙⴻⴵⵀⴻⴷ ⵏ ⵡⴰⵙⵙⴰⵖ ⵏ ⵜⴰⵔⵡⴰ ⵏ ⵜⴳⵔⴰⵡⵜ ⴰⴽⴽⴻⴷ ⵜⵎⵓⵔⵜ-ⵏⵙⴻⵏ ⵜⴰⵢⵎⴰⵜ, ⵎⵉ ⴷ-ⵉⴱⴷⴰ ⵓⵔⵎⴰⴷ ⵙ ⵓⵙⵙⴻⵎⵃⴻⵙ ⵉ ⵓⵙⴼⴰⵔⴰⴽ ⴰⵖⴻⵍⵏⴰⵡ ⴷ ⴱⴻⴷⴷ ⵏ ⵜⴷⴻⴷⴷⵉⵇⵜ ⵏ ⵜⵙⵓⵙⵎⵉ ⵉ ⵓⵜⴰⵔⵔⴰ ⵏ ⵔⵔⴻⵃⵎⴰ ⵖⴻⴼ ⵉⵔⵡⵉⵃⴻⵏ ⵏ ⵉⵡⵓⵔⴰⴼⴻⵏ ⵏ ⵜⴳⴻⵎⵔⴰ ⵉ ⴷ-ⵉⵚⴷⵔⴻⵏ ⵢⵉⵙⵡⵉⵔⵓⵏ ⴻⵎⵔⵙⴰⵏⴻⵏ ⵉⴼⵔⴰⵏⵙⵉⵙⴻⵏ ⵎⴳⴰⵍ ⵢⵉⵎⵙⵙⵓⵏⴳⵢⴻⵏ ⵉⵣⵣⴰⵢⵔⵉⵢⴻⵏ ⴷⴻⴳ ⴱⴰⵔⵉⵣ, ⵉ ⵓⵙⵙⴻⴽⵜⵉ ⵏ ⵜⴽⴰⵜⵓⵜ-ⵏⵙⴻⵏ ⴷ ⵓⵙⵙⴻⴽⵜⵉ ⵏ ⵢⵉⵙⴻⴼⴰⵡⴻⵏ-ⵏⵙⴻⵏ ⵉ ⵓⵙⵙⵉⵙⵉ ⵏ ⵓⵣⴰⵔⵓⴳ.
ⵉⵃⵕⴻⵚ ⴰⵀⵉⵍ-ⴰ ⵜⵉⵎⵣⵉⵢⴰⵣ ⴷⴻⴳ ⴷⴰⴱⴻⵅ ⵏ ⵓⴹⴰⵔ ⵉ ⴷⴷⴻⵔⵔⵢⴰⵜ ⵉⵎⵣⵢⴰⵏⴻⵏ, ⵙ ⵜⵎⴻⵔⵏⴰ ⵏ ⵜⵣⵉ ⴷⴻⴳ ⵓⴷⴷⴰⵍ ⵏ ⵓⴼⴻⵇⵔⵓⵢ ⵏ ⵓⵣⵣⴰⵍ «Pétanque», ⵎⵉ ⵉⵙⴼⵓⴽ ⵙ ⵓⴼⴱⵕⴻⵥ ⵏ ⵢⵉⴽⵓⴱⴰⵜⴻⵏ ⴷ ⵜⵎⴻⵜⵜⴰⵍⴻⵢⵢⵉⵏ ⵉ ⵢⵉⵎⵙⵙⵓⵏⴳⵢⴻⵏ.
ⵜⴻⵜⵜⴰⵙ-ⴷ ⵜⵏⴻⴱⵍⴰⵯⵜ-ⴰ ⴷⴻⴳ ⵓⴽⴰⵜⴰⵔ ⵏ ⵢⵉⵙⵙⵓⵜⴰⵔⴻⵏ ⵏ ⵓⵙⵙⴻⴽⵜⵉ ⵏ ⵜⴽⴰⵜⵓⵜ ⵜⴰⵖⴻⵍⵏⴰⵡⵜ ⴷ ⵓⵕⴻⵚⵚⵉ-ⵉⵏⴻⵙ ⵖⵓⵔ ⵜⵙⵓⵜⴰ ⵉ ⴷ-ⵉⵟⵟⴰⵍⵉⵢⴻⵏ, ⴷ ⵓⵙⵙⴻⴵⵀⴻⴷ ⵏ ⵓⵏⵢⴰ ⵏ ⵓⵜⵜⴻⴽⴽⵉ ⴷ ⵡⴰⵙⵙⴰⵖ ⴰⴽⴽⴻⴷ ⵓⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ.
ⴰⵔⵏⵓ ⵖⴻⵔ
