ⵜⴻⵔⵣⴰ ⵜⴰⵔⴱⴰⵄⵜ ⵏ ⵜⴷⵓⴽⵍⵉ ⵏ ⵓⴱⴰⵔⵍⴰⵎⴰⵏ "ⵍⴻⵣⵣⴰⵢⴻⵔ - ⵉⵏⴷⵓⵏⵉⵣⵢⴰ", ⵙ ⵜⵣⴻⵍⵡⵉⵜ ⵏ ⵎⵓⵃⴰⵎⴻⴷ ⵢⴰⵣⵉⴷ ⴱⴻⵏ ⵃⵎⵓⴷⴰ, ⵡⴰⵙⵙ-ⴰ ⵏ ⵍⴰⵔⴱⴻⵄⴰ, ⵖⴻⵔ ⵡⴰⵎⵎⴰⵙ ⵏ ⵜⵏⴻⵖⵍⴰⴼⵜ ⵏ ⵜⵓⵔⵉⵣⵓⵎ ⵏ ⵉⵏⴷⵓⵏⵉⵣⵢⴰ ⴷⵉ ⵜⵎⴰⵏⴰⵖⵜ ⵊⴰⴽⴰⵔⵜⴰ, ⴷⴻⴳ ⵓⴷⴻⴳ ⵉ ⵜⴻⵏ-ⵜⴻⵙⵜⴻⵇⴱⴻⵍ ⵜⵏⴰⵢⵍⵓⵜ ⵏ ⵜⵏⴻⵖⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⵎⵎⴻⵙⵍⴰⵢⴻⵏ ⵖⴻⴼ ⵡⴰⵎⴻⴽ ⴰⵔⴰ ⵙⵏⴻⵔⵏⵉⵏ ⵜⵓⵔⵉⵣⵓⵎ ⴳⴰⵔ ⵙⵏⴰⵜ ⵏ ⵜⵎⵓⵔⴰ-ⴰⴳⵉ, ⴰⴽⴽⴻⴷ ⵓⵙⵉⴷⴷⴻⵔ ⵏ ⵡⴰⵙⵙⴰⵖⴻⵏ ⵏ ⵓⵎⴰⵣⵔⴰⵢ ⵉ ⵢⴻⵣⴷⵉⵏ ⵍⴻⵣⵣⴰⵢⴻⵔ ⴷ ⵉⵏⴷⵓⵏⵉⵣⵢⴰ, ⵉ ⴷ-ⵢⴻⴱⴷⴰⵏ ⵓⵇⴱⴻⵍ ⵜⴰⴳⵔⴰⵡⵍⴰ ⵏ ⵓⵙⴻⵍⵍⴻⴽ.
ⵓⵙⴻⵍⵡⴰⵢ ⵏ ⵜⴻⵔⴱⴰⵄⵜ ⴱⴻⵏ ⵃⵎⵓⴷⴰ ⵢⴻⵏⵏⴰ-ⴷ ⴱⴻⵍⵍⵉ ⵉⵍⴰⵇ ⴰⴷ ⵏⴻⵔⵔ ⵍⵡⴻⵍⵀⴰ ⵜⴰⵎⴻⵇⵇⵔⴰⵏⵜ ⵉ ⵓⵎⵢⴻⵄⵡⴻⵏ ⵏ ⵜⵓⵔⵉⵣⵓⵎ ⵉⵡⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ ⵓⵙⵡⵉⵔ ⵏ ⵡⴰⵙⵙⴰⵖⴻⵏ ⵢⴻⵍⵍⴰⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵜⵜⵡⴰⵍⵉ ⵜⵓⵔⵉⵣⵓⵎ ⴷ ⴰⵙⴻⵏⴼⴰⵔ ⴰⵙⵜⵔⴰⵜⵉⵊⵉ ⵉⵡⴰⴽⴽⴻⵏ ⴰⴷ ⵜⴻⵙⵏⴻⵔⵏⵉ ⵜⴰⴷⴰⵎⵙⴰ-ⵙ.
ⵙ ⵢⵉⴷⵉⵙ-ⵉⵙ, ⵜⵏⴰⵢⵍⵓⵜ ⵏ ⵜⵏⴻⵖⵍⴰⴼⵜ ⵏ ⵉⵏⴷⵓⵏⵉⵣⵢⴰ ⵜⴻⵙⵙⴻⴼⵔⴻⵃ ⵙ ⵜⴻⵔⵣⴻⴼⵜ-ⴰⴳⵉ, ⵜⵛⴻⴽⴽⴻⵔ ⴰⵙⵙⴰⵖⴻⵏ ⵏ ⵓⵎⴰⵣⵔⴰⵢ ⵢⴻⵍⵍⴰⵏ ⴳⴰⵔ-ⴰⵙⴻⵏⵜ. ⵜⴻⵏⵏⴰ-ⴷ ⴱⴻⵍⵍⵉ ⴰⵎⴹⴰⵏ ⵏ ⵢⵉⵙⴻⵔⵔⴰⵢⴻⵏ (touristes) ⵏ ⵍⴻⵣⵣⴰⵢⴻⵔ ⵉ ⴷ-ⵢⴻⵜⵜⴰⵙⴻⵏ ⵖⴻⵔ ⵉⵏⴷⵓⵏⵉⵣⵢⴰ ⵢⴻⵏⵏⴻⵔⵏⴰ ⴰⵟⴰⵙ ⴷⴻⴳ ⵉⵙⴻⴳⴳⴰⵙⴻⵏ-ⴰⴳⵉ ⵉⵏⴻⴳⴳⵓⵔⴰ.
ⴰⵔⵏⵓ ⵖⴻⵔ
