ⴱⴳⴰⵢⴻⵜ - ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵓⴳⴻⵏⵙⵓ ⴰⴽⴽⴻⴷ ⵜⴻⵏⴱⴰⵣⵉⵏ ⵜⵉⴷⵉⴳⴰⵏⵉⵏ, ⵎⴰⵙⵙ ⴱⵔⴰⵀⵉⵎ ⵎⴻⵔⴰⴷ ⵢⴻⵙⵙⴻⵍⵡⵉ, ⴰⵙⵙ ⵏ ⵓⴽⵡⴰⵙ, ⵜⴰⴼⵓⴳⵍⴰ ⵏ ⵓⵙⴻⵔⵙⵉ ⵏ ⵎⴰⵙⵙ ⵎoⵀⴰⵎⴻⴷ ⵎⴻⵣⵉⴰⵏⴻ ⴷ ⴰⵖⴻⵍⵍⴰ ⵏ ⵓⴳⴻⵣⴷⵓ ⵏ ⴱⴳⴰⵢⴻⵜ, ⴷⴻⴳ ⵓⴽⴰⵜⴰⵔ ⵏ ⵓⵎⵓⵙⵙⵓ ⴰⵎⵓⵔⴰⵏ ⴷⴻⴳ ⵜⴼⴻⴽⴽⴰ ⵏ ⵢⵉⵖⴻⵍⵍⴰⵜⴻⵏ ⵏ ⵢⵉⴳⴻⵣⴷⴰ, ⵉ ⵢⴻⵖⵜⴻⵙ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰ ⵜⴻⴱⴱⵊⵉ.
ⵜⴻⴹⵔⴰ-ⴷ ⵜⴼⵓⴳⵍⴰ ⴷⴻⴳ ⵜⵣⴻⵇⵇⴰ ⵏ ⵢⵉⵙⵡⵉⵔⴻⵏ ⵏ ⵜⴻⵙⵖⵉⵎⵜ ⵏ ⵓⴳⴻⵣⴷⵓ, ⵙ ⵜⵉⵀⴰⵡⵜ ⵏ ⵢⵉⴷⵓⴱⴰ ⵉⴷⵉⴳⴰⵏⴻⵏ ⵉⵖⴰⵔⵉⵎⴻⵏ ⴰⴽⴽⴻⴷ ⵢⵉⵔⴻⴷⵙⴰⵏⴻⵏ, ⵏ ⵡⵓⴼⵔⵉⵏⴻⵏ ⵉⴷⵉⴳⴰⵏⴻⵏ, ⵏ ⵢⵉⵀⴻⴳⴳⴰⵔⴻⵏ ⵏ ⵜⴻⵎⵏⴰⴹⵜ ⴰⴽⴽⴻⴷ ⵢⵉⴳⵣⵓⵎⴻⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ.
ⴷⴻⴳ ⵢⵉⵏⴰⵡ-ⵉⵙ, ⵢⴻⵔⴳⵓⵔⵉ-ⴷ ⵓⵏⴻⵖⵍⴰⴼ ⵏ ⵓⵡⴰⵏⴰⴽ ⴷⴰⴽⴽⴻⵏ « ⴰⵖⴻⵔⵎⴰⵏ ⵢⴻⵣⴳⴰ ⵢⴻⵔⵙ ⴷⴻⴳ ⵜⵍⴻⵎⵎⴰⵙⵜ ⵏ ⵜⵙⴻⵔⵜⵉⵢⵉⵏ ⵜⵉⵏⴰⴳⴷⵓⴷⵉⵏ, ⵢⴻⵔⵏⴰ ⴰⵏǧⴰⵃ ⵏ ⵜⵉⴳⴰⵡⵉⵏ ⵏ ⵓⵙⵏⴻⴳⵎⵓ ⵢⴻⵜⵜⵡⴰⵙⴻⵎⴹⴻⵏ ⵖⴻⵔ ⵍⴼⴰⵢⴷⴰ ⵉ ⴷ-ⵢⴻⵡⵡⵉ ⵉ ⵜⵎⴻⴷⴷⵓⵔⵜ ⵏ ⵢⴰⵍ-ⴰⵙⵙ, ⵉ ⵓⵙⴻⵍⵀⵓ ⵏ ⵜⵖⴰⵔⴰ ⵏ ⵢⵉⵎⴻⵥⵍⴰ ⵉ ⴷ-ⵢⴻⴼⴽⴰ ⴰⴽⴽⴻⴷ ⵓⵇⴰⴱⴻⵍ ⵏ ⵢⵉⵖⴻⴱⵍⴰⵏ ⴰⴽⴽⴻⴷ ⵢⵉⵙⵉⵔⵎⴻⵏ ⵏ ⵢⵉⵖⴻⵔⵎⴰⵏⴻⵏ ».
ⵉⵍⵎⴻⵏⴷ ⵏ ⵡⴰⵢⴰ, ⵢⴻⵣⵣⵉⵔⴻⴳ-ⴷ ⵎⴰⵙⵙ ⵎⴻⵔⵔⴰⴷ ⴷⴰⴽⴽⴻⵏ ⴰⵏǧⴰⵃ ⵏ ⵓⵎⴻⵛⵡⴰⵕ-ⴰ ⴷ “ⵜⴰⵎⴰⵙⵉⵜ ⵜⴰⵏⴱⴰⵣⴰⵏⵜ, ⵜⵃⴻⵜⵜⴻⵎ-ⴷ ⵓⵙⵙⵉⵙⴻⵏ-ⵏⵏⴻⵖ ⴰⴽⴽ, ⴰⵙⴻⴷⴷⵓⴽⴽⴻⵍ ⵏ ⵜⵎⵓⵖⵍⵉⵡⵉⵏ ⴰⴽⴽⴻⴷ ⵢⵉⵙⵡⴰⵏ, ⵔⵏⵓ-ⴰⵙ ⴰⵎⴰⵀⵉⵍ ⴷ ⵜⴰⵖⵍⴰⵎⵜ, ⴰⴽⴽ ⵉ ⵍⴼⴰⵢⴷⴰ ⵜⴰⵎⴰⵜⵓⵜ ⴰⴽⴽⴻⴷ ⵓⵙⴻⴷⴷⵓ ⵏ ⵢⵉⵡⴻⵍⵍⵉⵀⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ».
ⴰⵔⵏⵓ ⵖⴻⵔ
