ⵜⴻⴱⴷⴰ ⵜⵉⵔⵣⵉ ⵏ ⵓⵎⴰⵀⵉⵍ ⵏ ⵓⵏⴻⵖⵍⴰⴼ ⵏ ⵍⵒⴻⵜⵔⵓⵍ ⵏ ⵜⴻⴳⴷⵓⴷⴰ ⵏ ⵏⵏⵉⴶⴻⵔ, ⵎⴰⵙⵙ ⵀⴰⵎⴰⴷⵓⵓ ⵜⵉⵏⵉ, ⴰⵙⵙ-ⴰ ⵏ ⵜⵜⵍⴰⵜⴰ ⵖⴻⵔ ⵍⴻⵣⵣⴰⵢⴻⵔ ⵙ ⵓⵇⴻⵔⵔⵓ ⵏ ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵓⵙⵡⵉⵔ ⵉⵄⵍⴰⵢⴻⵏ, ⴷⴻⴳ-ⵙ ⵉⵎⴹⴻⴱⴱⵔⴻⵏ ⵏ ⵜⵏⴻⵖⵍⴰⴼⵜ ⵏ ⵍⵒⴻⵜⵔⵓⵍ ⴷ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵍⵒⴻⵜⵔⵓⵍ "SONIDEP", ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵢⵉⵎⴻⵔⵢⴰⵏ.
ⵢⴻⵍⵍⴰ-ⴷ ⴷⴻⴳ ⵓⵎⵎⴰⴳⴻⵔ ⵏ ⵓⵏⴻⵖⵍⴰⴼ ⴰⵏⵏⵉⴶⵔⵉ ⴷ ⵜⴰⵔⴱⴰⵄⵜ ⵉ ⵜ-ⵉⴷ-ⵉⵎⵓⵏⵏⴻⵏ, ⴷⴻⴳ ⵜⴻⵅⵅⴰⵎⵜ ⵏ ⵍⵀⵉⴱⴰ ⵏ ⵜⵙⴻⵍⵡⵉⵜ ⴷⴻⴳ ⵓⵙⴰⴳⴻⵏ ⵏ ⵓⵙⴰⴼⴰⴳ ⴰⴳⵔⴻⵖⵍⴰⵏ ⵀⵓⵓⴰⵔⵉ ⴱⵓⵓⵎⴻⴷⵉⴻⵏⴻ, ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ, ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ.
ⵜⵉⵔⵣⵉ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵢⴻⴱⵖⴰⵏ ⴰⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵓⵎⵢⴻⵛⵛⴻⵔ ⴳⴰⵔ ⵍⴻⵣⵣⴰⵢⴻⵔ ⴷ ⵏⵏⵉⴶⴻⵔ, ⴷ ⵓⵙⵏⴻⵔⵏⵉ ⵏ ⵓⵎⵙⴰⵙⴻⵢ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷⴻⴳ ⵢⵉⵏⵏⴰⵔⴻⵏ ⵉ ⴷ-ⵢⴻⵙⴷⵓⴽⴽⵍⴻⵏ ⵏⴼⴰⵄ ⴳⴰⵔ-ⴰⵙⴻⵏⵜ, ⵍⴰⴷⵖⴰ ⴷⴻⴳ ⵓⵃⵔⵉⵛ ⵏ ⵢⵉⵎⴻⵔⵢⴰⵏ
ⴷⴰⵖⴻⵏ, ⵜⵉⵔⵣⵉ-ⴰⴳⵉ ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵢⴻⴽⴽⵉ ⵎⴰⵙⵙ ⵀⴰⵎⴰⴷⵓⵓ ⵜⵉⵏⵉ ⴷⴻⴳ ⵉⵎⴰⵀⵉⵍⴻⵏ ⵏ ⵜⴻⵎⵍⵉⵍⵉⵜ ⵏ ⵢⵉⵏⴻⵖⵍⴰⴼⴻⵏ ⵜⵉⵙ ⵅⴻⵎⵙⴰ ⵏ ⵜⴻⵙⵇⴰⵎⵓⵜ ⵏ ⵓⵙⴻⵏⵄⴻⵜ ⵢⴻⵄⵏⴰⵏ ⴰⵙⴻⵏⴼⴰⵔ ⵏ ⵓⴱⴰⴷⵓ ⵏ ⵍⴳⴰⵣ ⵉⵣⴻⴳⵔⴻⵏ ⴰⵏⴻⵥⵔⵓⴼ (TSGP), ⴰⵔⴰ ⵢⴻⵙⴷⵓⴽⴽⵍⴻⵏ ⵢⵉⵏⴻⵖⵍⴰⴼⴻⵏ ⵏ ⵢⵉⵎⴻⵔⵢⴰⵏ ⵏ ⵍⴻⵣⵣⴰⵢⴻⵔ, ⵏⵏⵉⴶⴻⵔ ⴷ ⵏⵉⵊⴻⵔⵢⴰ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ.
ⵜⵉⴳⴳⴰⵡⴻⵜ-ⴰⴳⵉ ⵜⴻⵙⵙⴻⵏⴽⴰⴷ ⵍⴻⴱⵖⵉ ⵏ ⵙⵏⴰⵜ ⵏ ⵜⵎⵓⵔⴰ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷ ⵓⵙⵏⴻⴼⵍⵉ ⵏ ⵢⵉⵙⴻⵏⴼⴰⵔⴻⵏ ⵉⵕⴻⵙⵙⴰⵏⴻⵏ ⵢⴻⵙⵄⴰⵏ ⵓⴷⴻⵎ ⵏ ⵜⵎⴻⵏⵏⴰⵟ, ⵉⵡⴰⴽⴽⴻⵏ ⴰⴷ ⵉⵄⴰⵡⴻⵏ ⴷⴻⴳ ⵓⵙⵏⴻⴼⵍⵉ ⴰⴷⴰⵎⵙⴰⵏ ⴷ ⵓⵙⵉⴷⵔⴻⵡ ⵏ ⵜⵎⴻⵔⵔⵉ ⴷⴻⴳ ⵜⴻⴼⵔⵉⵇⵜ.
ⴰⵔⵏⵓ ⵖⴻⵔ
