ⴰⴷ ⴷ-ⵢⴻⴽⴽⵉ ⵓⵏⴻⵖⵍⴰⴼ ⵏ ⵜⵉⵏⴻⴼⵔⵓⵜ, ⴰⵎⵃⵔⴻⵣ ⵏ ⵜⵜⴰⴱⵄⵉⵏ, ⵎⴰⵙⵙ ⵍⵓⵟⴼⵉ ⴱⵓⵓⴶⴻⵎⵄⴰ, ⴰⵣⴻⴽⴽⴰ ⵏ ⵍⴻⵜⵏⵉⵢⴻⵏ ⴷⴻⴳ ⵍⵇⴰⵀⵉⵔⴰ (ⵎⴰⵚⴻⵔ), ⴷⴻⴳ ⵢⵉⵎⴰⵀⵉⵍⴻⵏ ⵏ ⵜⴻⵎⵍⵉⵍⵉⵜ ⵜⵉⵙ ⵙⴰ ⵏ ⵜⵎⴻⵔⵡⵉⵏ ⴷ ⵙⴹⵉⵙ (76) ⵏ ⵓⴱⵉⵕⵓ ⵏ ⵓⵙⴻⵍⴽⴻⵎ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵜⵉⵏⴻⴼⵔⵓⵜ ⵏ ⵡⴰⵄⵔⴰⴱⴻⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵀⵍⴰⴼⵜ ⴰⵙⵙ-ⴰ ⵏ ⵍⵀⴻⴷ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ "ⵜⵉⵎⵍⵉⵍⵉⵜ-ⴰⴳⵉ, ⴰⵔⴰ ⴷ-ⵢⵉⵍⵉⵏ ⴷⴻⴳ ⵓⴱⵉⵕⵓ ⵏ ⵜⵙⴻⵍⵡⵉⵜ ⵜⴰⵎⴰⵜⵓⵜ ⵏ ⵜⴷⵓⴽⵍⴰ ⵏ ⵜⵎⵓⵔⴰ ⵏ ⵡⴰⵄⵔⴰⴱⴻⵏ, ⴰⴷ ⵜⴻⴶⴶ ⴰⵙⵏⴻⴼⵍⵉ ⵏ ⵡⴰⵙⵙⴰⵖⴻⵏ ⴷⴻⴳ ⵓⵣⴻⵏⵣⵉⵖ ⵏ ⵓⵎⵜⴰⵡⴰ ⴰⵄⵔⴰⴱ ⵉ ⵓⵎⴻⵏⵏⵓⵖ ⵎⴳⴰⵍ ⵜⵉⴱⴱⴻⵉⵛⴻⵔⵜ ⴷ ⵜⴰⵔⵔⴰⵢⵉⵏ ⵏ ⵓⵙⴻⵍⴽⴻⵎ-ⵉⵙ, ⵙ ⵜⴰⵎⴰ ⵏ ⵓⵇⴻⵔⴷⴻⵛ ⵏ ⵢⵉⵙⴻⵏⴼⴰⵔⴻⵏ ⵏ ⵢⵉⵙⴰⴷⵓⴼⴻⵏ ⵢⴻⵄⵏⴰⵏ ⴰⵙⴰⴷⵓⴼ ⴰⵄⵔⴰⴱ ⵉ ⵓⵙⴻⵏⵄⴻⵜ ⵉ ⵓⴳⴷⴻⵍ ⵏ ⵜⵎⴻⵙⵍⴰⵢⵜ ⵏ ⵍⴽⴻⵔⵔⴰ".
ⴷⴰⵖⴻⵏ, ⴰⵀⵉⵍ ⵏ ⵓⵎⴰⵀⵉⵍ ⴷⴻⴳ-ⵙ "ⴰⵇⴻⵔⴷⴻⵛ ⵏ ⵓⵙⴰⴷⵓⴼ ⴰⵄⵔⴰⴱ ⴰⵎⴻⴷⵢⴰ ⵉ ⵓⵎⴻⵏⵏⵓⵖ ⵎⴳⴰⵍ ⵙⵙⴻⵎ ⴷ ⵜⵉⴳⵏⴰⵜⵉⵏ ⵏ ⵓⵙⴷⴻⵔⵡⵉⵃ, ⴷ ⵓⵙⴰⴷⵓⴼ ⴰⵄⵔⴰⴱ ⵉ ⵓⵃⵔⴰⵣ ⵏ ⵢⵉⴳⴻⵔⴷⴰⵏ ⵣⴷⴰⵜ ⵏ ⵓⵙⵙⴻⴽⵛⴻⵎ ⴷⴻⴳ ⵢⵉⵎⴻⵏⵏⵓⵖⴻⵏ ⵙ ⵡⴰⵍⵍⴰⵍⴻⵏ ⵏ ⵢⵉⵎⴻⵏⵖⵉ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴰⵙⵉⵡⴹ ⵢⴻⵔⵏⴰ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⴰⴷ ⵜⵉⵍⵉ ⴷ "ⵜⴰⴳⵏⵉⵜ ⵉ ⵓⵇⴻⵔⴷⴻⵛ ⵏ ⵡⴰⵟⴰⵙ ⵏ ⵢⵉⵙⵓⵎⵔⴻⵏ ⵉ ⴷ-ⴼⴽⴰⵏ ⵜⵎⵓⵔⴰ ⵏ ⵡⴰⵄⵔⴰⴱⴻⵏ, ⵍⴰⴷⵖⴰ ⴰⵙⵓⵎⴻⵔ ⵉ ⴷ-ⵜⴻⵡⵡⵉ ⵍⴻⵣⵣⴰⵢⴻⵔ ⵢⴻⵄⵏⴰⵏ ⴰⵙⴱⴻⴷⴷⵉ ⵏ ⵢⵉⵡⴻⵏ ⵏ ⵓⵣⴻⵟⵟⴰ ⴰⵄⵔⴰⴱ ⵎⴳⴰⵍ ⵙⵙⴻⵎ ⵏ ⵜⴼⴰⴱⵔⵉⴽⵜ (ⴷⵔⵓⴳⵓⴻⵙ ⴷⴻ ⵙⵢⵏⵜⵀèⵙⴻ)".
ⵓⵖⴱⴰⵍⵓ-ⵏⵏⵉ ⵉⵙⵎⴻⴽⵜⵉ-ⴷ ⴱⴻⵍⵍⵉ "ⵜⵉⵎⵍⵉⵍⵉⵜ-ⴰⴳⵉ ⵏ ⵢⴰⵍ ⴰⵙⴻⴳⴳⴰⵙ ⵏ ⵓⴱⵉⵕⵓ ⵏ ⵓⵙⴻⵍⴽⴻⵎ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵀⴻⴳⴳⵉ ⵉ ⵓⵇⴻⵔⴷⴻⵛ ⵏ ⵜⴻⵎⵙⴰⵍ ⵉⵎⴻⵣⴷⴰⵢⴻⵏ ⴷⴻⴳ ⵓⵏⵏⴰⵔ ⵏ ⵓⵣⴻⵔⴼ ⴷ ⵜⵏⴻⴼⵔⵓⵜ ⵏ ⵡⴰⵄⵔⴰⴱⴻⵏ, ⴷ ⵓⵀⴻⴳⴳⵉ ⵏ ⵡⴰⵀⵉⵍ ⵏ ⵓⵎⴰⵀⵉⵍ ⵏ ⵜⵙⴻⵎⵎⵓⵏⵜ ⵜⵉⵙ 42 ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵜⵉⵏⴻⴼⵔⵓⵜ, ⴷ ⵜⴻⵎⵍⵉⵍⵉⵜ ⵜⵉⵙ 77 ⵏ ⵓⴱⵉⵕⵓ ⵏ ⵓⵙⴻⵍⴽⴻⵎ ⵏ ⵓⵙⵇⴰⵎⵓ, ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴰⴳⴳⵓⵔ ⵏ ⵓⵏⴱⵉⵔ 2026 ⴷⴻⴳ ⵍⴻⵣⵣⴰⵢⴻⵔ".
ⴰⵔⵏⵓ ⵖⴻⵔ
