ⵉⵜⵜⵓⵕⴰⵊⵓ ⴰⴷ ⴷ-ⵢⴰⵍⵉ ⵓⴷⴼⴻⵍ ⵖⴻⴼ ⵜⵉⵎⵏⴰⴹⵉⵏ ⵉⵄⵍⴰⵢⴻⵏ (ⵉⴳⵍⴰⵍ) ⵉ ⵉⵄⴻⴷⴷⴰⵏ 1000 ⵏ ⵍⵎⵉⵜⵔⴰⵜ ⴷⴻⴳ ⵡⴰⵟⴰⵙ ⵏ ⵍⵡⵉⵍⴰⵢⴰⵜ ⵏ ⵜⵍⴻⵎⵎⴰⵙⵜ ⴷ ⵓⵙⴰⵎⴰⵔ ⵏ ⵜⵎⵓⵔⵜ, ⴰⵙⵙ ⵏ ⵜⵜⵍⴰⵜⴰ ⴷ ⵍⴰⵔⴻⴱⵄⴰ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⵏⴰⵖ ⵏ ⵜⴰⵏⵛⵓⵔⵉⵢⴰ ⵜⴰⵎⵓⵣⵣⵉⴳⵜ ⵏ ⵜⵙⵓⵏⵉⵜ ⵜⴰⵖⴻⵍⵏⴰⵡⵜ ⵏ ⵜⵙⴻⵏⵢⵓⵔⴰ (ONM).
ⵜⴰⵏⵛⵓⵔⵉⵢⴰ-ⴰⴳⵉ ⵉ ⵢⴻⵔⵙⴻⵏ ⴷⴻⴳ ⵓⵙⵡⵉⵔ ⵏ ⵓⵃⴰⴷⴻⵔ "ⴰⵞⵉⵏⴰⵢ" (orange), ⵜⵛⵓⴷⴷ ⵖⴻⵔ ⵍⵡⵉⵍⴰⵢⴰⵜ ⵏ: ⴱⵍⵉⴷⴰ, ⵍⴻⵎⴷⵉⵢⴰ, ⵜⵓⴱⵉⵔⴻⵜ, ⵜⵉⵣⵉ ⵡⴻⵣⵣⵓ, ⴱⴳⴰⵢⴻⵜ, ⵊⵉⵊⴻⵍ, ⵙⵟⵉⴼ ⴷ ⴱⵓⵔⵊ ⴱⵓ ⴰⵔⵔⵉⵔⵉⴷⵊ. ⵉⵜⵜⵓⵕⴰⵊⵓ ⵜⵓⴱⴱⴻⵔⵜ ⵏ ⵓⴷⴼⴻⵍ ⴰⴷ ⵜⵉⵍⵉ ⴳⴰⵔ 10 ⴷ 20 ⵏ ⵢⵉⵙⴰⵏⵜⵉⵎⵉⵜⵔⴻⵏ, ⵢⴻⵣⵎⴻⵔ ⴰⴷ ⵉⵄⴻⴷⴷⵉ 25 ⵏ ⵢⵉⵙⴰⵏⵜⵉⵎⵉⵜⵔⴻⵏ ⴷⴻⴳ ⵢⵉⴷⵓⵔⴰⵔ ⵏ ⵊⴻⵔⵊⴻⵔ ⴷ ⵉⴱⴰⴱⵓⵔⴻⵏ. ⵜⴰⵍⵍⵉⵜ ⵏ ⵜⴰⵏⵛⵓⵔⵉⵢⴰ-ⴰⴳⵉ ⵜⴻⵍⵍⴰ ⵙⴻⴳ ⵙⵙⴰⵄⴰ ⵏ 18:00 ⵏ ⵡⴰⵙⵙ-ⴰⴳⵉ ⵏ ⵜⵜⵍⴰⵜⴰ ⵖⴻⵔ ⵙⵙⴰⵄⴰ ⵏ 18:00 ⵏ ⵡⴰⵙⵙ ⵏ ⵍⴰⵔⴻⴱⵄⴰ.
ⴰⵎ ⵡⴰⴽⴽⴻⵏ ⴷⴰⵖⴻⵏ ⵉ ⵜⵛⵓⴷⴷ ⵖⴻⵔ ⵍⵡⵉⵍⴰⵢⴰⵜ ⵏ ⵎⵉⵍⴰ, ⵇⵙⴻⵏⵟⵉⵏⴰ, ⴳⴰⵍⵎⴰ, ⵙⵓⵇ ⴰⵀⵔⴰⵙ, ⵓⵎ ⴻⵍ ⴱⵓⵡⴰⵇⵉ, ⴱⴰⵜⵏⴰ, ⵅⴻⵏⵛⴻⵍⵜ ⴷ ⵜⴱⴻⵙⵙⴰ. ⴰⴷ ⴷ-ⵢⴰⵍⵉ ⵓⴷⴼⴻⵍ ⵙⴻⴳ ⵙⵙⴰⵄⴰ ⵏ 18:00 ⵏ ⵡⴰⵙⵙ-ⴰⴳⵉ ⵏ ⵜⵜⵍⴰⵜⴰ ⵖⴻⵔ ⵜⵉⵣⵉ ⵏ ⵡⴰⵙⵙ ⵏ ⵍⴰⵔⴻⴱⵄⴰ, ⵙ ⵜⵓⴱⴱⴻⵔⵜ ⴰⵔⴰ ⴷ-ⵢⵉⵍⵉⵏ ⴳⴰⵔ 5 ⴷ 15 ⵏ ⵢⵉⵙⴰⵏⵜⵉⵎⵉⵜⵔⴻⵏ.
ⴰⵔⵏⵓ ⵖⴻⵔ
