ⴷⵣⴰⵢⴻⵔ ⵜⴰⵎⴰⵏⴰⵖⵜ – ⵢⴻⵡⵡⴻⴹ-ⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⵜⵓⴳⴷⵓⴷⴰ ⵜⴰⵞⵉⴽⵉⵜ, ⵎⴰⵙⵙ ⴰⵏⴷⵔⴻⵊ ⴱⴰⴱⵉⵛ, ⴰⵙⵙ ⵏ ⵓⵢⵏⴰⵙ, ⵖⴻⵔ ⴷⵣⴰⵢⴻⵔ, ⵜⴻⴷⴷ-ⴷ ⵉⴷ-ⵙ ⵢⵉⵡⴻⵜ ⵏ ⵜⵎⴰⴳⵍⴰ ⵜⴰⵖⵍⵉⴼⴰⵏⵜ ⴷ ⵎⴻⵏⵏⴰⵡ ⵏ ⵢⵉⵎⵙⴻⵎⵀⴰⵍ ⵉⴷⴰⵎⵙⴰⵏⴻⵏ ⴷⴻⴳ ⵢⵉⵡⴻⵜ ⵏ ⵜⵔⵉⵣⵉ ⵢⵓⴷⴼⴻⵏ ⴷⴻⴳ ⵓⴽⴰⵜⴰⵔ ⵏ ⵓⵙⵓⴷⵓⵙ ⵏ ⵡⴰⵙⵙⴰⵖⴻⵏ ⵏ ⵓⵏⵎⵉⵔⴻⴳ ⴷ ⵓⴱⵍⴰⴳ ⴳⴰⵔ ⴷⵣⴰⵢⴻⵔ ⴷ ⵜⴻⴳⴷⵓⴷⴰ ⵜⴰⵞⵉⴽⵉⵜ ⴷ ⵓⵙⴻⵎⵀⴻⵣ ⵏ ⵓⵎⵙⴻⵏⴼⴻⵍ ⴰⴷⴰⵎⵙⴰⵏ, ⴰⵏⴻⵣⵣⴰⵏ ⴷ ⵓⵙⴼⵓⴽⵜⵉ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵢⵉⵎⴻⵥⵍⴰ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.
ⵢⴻⵍⵍⴰ ⴷⴻⴳ ⵓⵔⵎⴰⵙ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⵞⵉⴽⵉ, ⴷⴻⴳ ⵓⵏⴰⴼⴰⴳ ⴰⴳⵔⴰⵖⵍⴰⵏ ⵏ ⴷⵣⴰⵢⴻⵔ, ⵜⴰⵏⴻⵖⵍⴰⴼⵜ ⵜⴰⵣⵣⴰⵢⵔⵉⵜ ⵙⵉⴼⵉ ⴳⵀⵔⵉⴻⴱ, ⵖⴻⵔ ⵢⵉⴷⵉⵙ ⵏ ⴽⵔⴰ ⵏ ⵢⵉⵎⴰⵙⵍⴰⴹⴻⵏ ⵏ ⵓⵏⴰⴱⴰⴹ.
ⵜⵉⵔⵣⵉ-ⴰ ⴰⴷ ⴷ-ⵢⵉⵍⵉ ⴷⴻⴳ-ⵙ ⵓⵙⵙⵓⴷⴷⴻⵙ ⵏ ⵓⵏⵎⴰⴳⴻⵔ ⵏ ⵢⵉⵡⴻⵥⵍⴰ ⴰⴷⵣⴰⵢⵔⵉ-ⴰⵞⵉⴽⵉ, ⵙ ⵓⴷⵔⴰⵡ ⵏ ⵢⵉⴳⴻⵏⵙⴰⵙⴻⵏ ⵏ ⵜⵙⵓⴷⴰ ⴷ ⵜⵓⴷⴷⵙⵉⵡⵉⵏ ⵜⵉⴷⴰⵎⵙⴰⵏⵉⵏ, ⴰⵎ ⵡⴰⴽⴽⴻⵏ ⴰⵔⴰ ⴷⴻⵔⵡⴻⵏ ⵢⵉⵎⵙⴻⵎⵀⴰⵍ ⵉⴷⴰⵎⵙⴰⵏⴻⵏ ⵙⴻⴳ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵢⵉⵙⵡⵉ ⵏ « ⵏⵏⴰⴷⵉ ⵖⴻⴼ ⵜⵍⴻⵎⵎⵉⵥⵉⵏ ⵏ ⵓⵏⵎⵉⵔⴻⴳ ⴷ ⵓⴱⵍⴰⴳ, ⴷ ⵓⵙⴻⵖⵏⴻⵡ ⵏ ⵢⵉⴳⵍⴰⵏ ⵉⵎⴰⵢⵏⵓⵜⴻⵏ ⵏ ⵓⵙⴼⵓⴽⵜⵉ ⴷ ⵓⵙⵏⴻⴳⵎⵓ ⵏ ⵢⵉⵎⴻⵙⴻⵏⴼⴰⵍ ⵉⵏⴻⵣⵣⴰⵏⴻⵏ » , ⵉⵍⵎⴻⵏⴷ ⵏ ⵜⴻⵔⵣⵉ-ⴰ, ⴰⴷ ⵉⵍⵉⵏⵜ ⵜⴼⵓⴳⵍⵉⵡⵉⵏ ⵏ ⵓⵣⵎⴰⵍ ⵖⴻⴼ ⵎⴻⵏⵏⴰⵡ ⵏ ⵢⵉⵎⵜⴰⵡⴰⵢⴻⵏ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ, ⵙ ⵎⴰⵜⵜⴰ ⴰⵔⴰ « ⴰⴷ ⵢⴻⵙⵙǧⴻⵀⴷⴻⵏ ⴰⵏⵎⵉⵔⴻⴳ ⴰⴷⴰⵎⵙⴰⵏ ⴰⵙⵏⵉⴷⵙⴰⵏ ⴷ ⵓⵙⴻⵔⵙⵉ ⵏ ⵢⵉⵏⴰⴱⴰⵍⴳⴻⵏ ⵉⴷⴻⵜⵜⴰⵏⴻⵏ ⵉ ⵓⵎⴻⵥⵍⵓ ⵏ ⵜⵏⵓⴼⴰ ⵜⵓⴱⵍⵉⴳⵉⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ ».
ⵜⵉⵔⵣⵉ-ⴰ ⵜⴻⵙⵙⴽⴰⵏⴰⵢⴻ-ⴷ « ⵜⵉⵎⴻⵖⵙⵉⵡⵜ ⵏ ⴷⵣⴰⵢⴻⵔ ⴷ ⵜⴻⴳⴷⵓⴷⴰ ⵜⴰⵞⵉⴽⵉⵜ ⵉ ⵓⵙⵎⴰⵍ ⵡⴰⵙⵙⴰⵖⴻⵏ-ⵏⵙⴻⵏⵜ ⵉⵙⵉⵏⴷⵉⵙⴰⵏⴻⵏ ⴷ ⵓⵙⵉⵀⵔⴻⵡ ⵏ ⵜⵖⵓⵍⴰ ⵏ ⵓⵏⵎⵉⵔⴻⴳ ⵙ ⵎⴰⵜⵜⴰ ⴰⵔⴰ ⵉⵔⴻⵥⵎⴻⵏ ⵉⴳⵍⴰⵏ ⵉⵣⴰⵜⵉⵍⴻⵏ ⵣⴷⴰⵜ ⵏ ⵓⴱⵍⴰⴳ ⴰⴷⴰⵎⵙⴰⵏ ⴷ ⵓⵙⴳⵓⴽⵜⵉ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ », ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵍⵖⵓ-ⴰ.
ⴰⵔⵏⵓ ⵖⴻⵔ
