ⵢⴻⵜⵜⵓⵏⴻⴼⴽ "ⴰⵄⴱⴻⵕ ⵏ ⴷⵉⵀⵢⴰ" ⵉ ⵢⵉⵙⵓⵔⴰ ⵉ ⴷ-ⵢⴻⵔⵏⴰⵏ ⴷⴻⴳ ⵜⴻⵎⵣⵉⵣⴻⵍⵜ ⵏ ⵜⴼⴰⵙⴽⴰ ⵏ ⵉⵎⴻⴷⵖⴰⵙⵙⴻⵏ ⵏ ⵙⵙⵉⵏⵉⵎⴰ ⴷⴻⴳ ⵜⵙⴻⵎⵎⵓⵏⵜ-ⵉⵙ ⵜⵉⵙ ⵙⴹⵉⵙ, ⵉ ⵉⴼⵓⴽⴽⴻⵏ ⵉⴹ ⵏ ⵍⴻⵜⵏⵉⵢⴻⵏ ⴷⴻⴳ ⵡⴻⵎⴽⴰⵏ ⴰⵇⴱⵓⵔ ⵏ ⵜⵎⴻⵇⴱⴻⵕⵜ ⵜⴰⵏⵓⵎⵉⴷⵉⵜ ⵜⴰⴳⴻⵍⴷⴰⵏⵜ ⵏ ⵉⵎⴻⴷⵖⴰⵙⵙⴻⵏ ⴷⴻⴳ ⵜⵖⵉⵡⴰⵏⵜ ⵏ ⴱⵓⵎⵎⵢⴰ (ⴱⴰⵜⵏⴰ).
ⵜⴰⵎⵣⵉⵣⴻⵍⵜ-ⴰⴳⵉ, ⵉ ⴷ-ⵢⴻⵍⵍⴰⵏ ⵙⴻⴳ 5 ⵖⴻⵔ 11 ⵎⴰⵢⵓ, ⵙⵏⴻⴽⴷⴻⵏ-ⴷ ⴷⴻⴳ-ⵙ 50 ⵏ ⵢⵉⵙⵓⵔⴰ ⵙⴻⴳ 26 ⵏ ⵜⵎⵓⵔⴰ ⴷⴻⴳ ⵢⵉⵃⵔⵉⵛⴻⵏ ⵏ "ⵓⵙⴰⵔⵓ ⵏ ⵜⵎⴰⵛⴰⵀⵓⵜ ⴰⵡⴻⵣⵣⵍⴰⵏ", "ⵓⵙⴰⵔⵓ ⵏ ⵜⵎⴰⵛⴰⵀⵓⵜ ⴰⵖⴻⵣⴼⴰⵏ", "ⴰⵙⴰⵔⵓ ⵏ ⵓⵙⴼⵓⵍⴻⵍ (ⴷⵓⵛⵓⵎⴻⵏⵜⴰⵉⵔⴻ) ⴰⵡⴻⵣⵣⵍⴰⵏ" ⴷ "ⵉⵙⵓⵔⴰ ⵏ ⵓⵎⵓⵙⵙⵓ (animation) ⵉⵡⴻⵣⵣⵍⴰⵏⴻⵏ".
ⴰⵙⴰⵔⵓ ⵏ ⵜⵎⴰⵛⴰⵀⵓⵜ ⴰⵡⴻⵣⵣⵍⴰⵏ "ⵢⴻⵜⵜⵡⴰⵀⴻⴷⴷⴻⵏ ⵙ ⵓⵏⴻⴳⵎⴰⵔ" , ⵉ ⴷ-ⵢⴻⵙⴷⵓⴽⴽⵍⴻⵏ ⴼⴰⵍⴻⵙⵟⵉⵏ ⴷ ⵍⵓⵔⴷⵓⵏ, ⵢⴻⵡⵡⵉ ⴰⵔⵔⴰⵣ ⵏ "ⵓⵙⴰⵔⵓ ⵉⴼⴰⵣⴻⵏ" ⴷⴻⴳ ⵓⵃⵔⵉⵛ-ⴰⴳⵉ. ⵎⴰ ⴷ ⴰⵔⵔⴰⵣ ⵏ "ⵓⵎⵙⴻⴳⵔⴰⴷ (réalisateur) ⵉⴼⴰⵣⴻⵏ" ⵢⴻⵡⵡⵉ-ⵜ ⴷⵉⴰⵏⴻ ⵡⴻⵉⵙⵙ ⵙⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ ⵖⴻⴼ ⵓⵙⴰⵔⵓ "ⵉⴳⵉⵔⵏⵉⵢⴻⵏ", ⵎⴰ ⴷ ⵙⵓⵏⵉⴰ ⴼⴰⵉⴷⵉ ⵙⴻⴳ ⵍⴻⵣⵣⴰⵢⴻⵔ ⵜⴻⵡⵡⵉ ⴰⵔⵔⴰⵣ ⵏ "ⵜⴰⵙⴻⴳⴱⴰⵔⵜ ⵜⵉⴼⵔⵉⵏⵜ" ⴷⴻⴳ ⵓⵙⴰⵔⵓ "ⵄⴰⵙⵙⴰⵙⴻⵏ ⵏ ⵢⵉⴹ", ⵓ ⵉⴳⵓⵔ ⵔⴻⴳⴰⵍⵍⴰ ⵙⴻⴳ ⵒⵓⵔⵜⵓⴳⴰⵍ ⵢⴻⵡⵡⵉ ⴰⵔⵔⴰⵣ ⵏ "ⵓⵙⴻⴳⴱⴰⵔ ⵉⴼⴰⵣⴻⵏ" ⴷⴻⴳ ⵓⵙⴰⵔⵓ "ⵜⴰⵥⴰⵍⵍⵉⵜ".
ⴰⵔⵔⴰⵣ ⵏ "ⵓⵙⴰⵔⵓ ⵏ ⵜⵎⴰⵛⴰⵀⵓⵜ ⴰⵖⴻⵣⴼⴰⵏ ⵉⴼⴰⵣⴻⵏ" ⵢⴻⵔⵣⴰ ⵖⴻⵔ "ⴰⵙⵎⵉ ⵉ ⵉⵟⵟⵓⵖⴰⵍ ⵍⴶⵓⵣ ⴷ ⴰⵡⵔⴰⵖ" ⵏ ⵓⵎⵙⴻⴳⵔⴰⴷ ⵎⴻⵀⵎⴻⵜ ⴰⵍⵉ ⴽⵓⵏⴰⵔ ⵙⴻⴳ ⵜⵓⵔⴽⵢⴰ. ⵎⴰ ⴷ ⴰⵙⴰⵔⵓ ⵏ ⵓⵙⴼⵓⵍⴻⵍ ⴰⵡⴻⵣⵣⵍⴰⵏ "ⵉⵙⴰⵔⴰⵎⴻⵏ ⵏ ⵜⴻⵃⴷⴰⵢⵉⵏ" ⵏ ⵎⴰⵙⵙⴰ ⵎⴰⵔⵡⴰ ⴰⵍⵉ ⴻⵍ-ⵛⵀⴻⵔⴽⴰⵓⵓⵉ ⵙⴻⴳ ⵎⴰⵚⴻⵔ ⵢⴻⵡⵡⵉ ⴰⵔⵔⴰⵣ ⵏ "ⵓⵙⴰⵔⵓ ⵉⴼⴰⵣⴻⵏ" ⴷⴻⴳ ⵓⵃⵔⵉⵛ-ⵉⵙ. ⴰⵙⴰⵔⵓ "ⵓⵔⵜⵉ ⵏ ⵢⵉⵖⴻⵔⵙⵉⵡⴻⵏ", ⵉ ⴷ-ⵢⴻⵙⴷⵓⴽⴽⵍⴻⵏ ⵍⵓⵔⴷⵓⵏ ⴷ ⵍⴰⵍⵎⴰⵏ, ⵢⴻⵡⵡⵉ ⴰⵔⵔⴰⵣ ⵏ "ⵓⵙⴰⵔⵓ ⵏ ⵓⵎⵓⵙⵙⵓ ⴰⵡⴻⵣⵣⵍⴰⵏ ⵉⴼⴰⵣⴻⵏ" ⵏ ⵓⵎⵙⴻⴳⵔⴰⴷ ⴰⵍⵓⵔⴷⵉ ⵜⴰⵔⴻⴽ ⴻⵍ-ⵔⵉⵎⴰⵡⵉ.
ⵎⴰ ⴷ ⴰⵔⵔⴰⵣ ⵏ ⵜⴻⵎⵣⵉⵣⴻⵍⵜ "ⴷⴷⵓⵕⵜ ⵏ ⵢⵉⵛⴻⵏⵏⴰⵢⴻⵏ ⵏ ⵏⵏⴰⵇⴷ", ⵢⴻⵡⵡⵉ-ⵜ ⵓⵙⴰⵔⵓ "ⵜⴰⵥⴰⵍⵍⵉⵜ" ⵙⴻⴳ ⵒⵓⵔⵜⵓⴳⴰⵍ ⴷⴻⴳ ⵓⵃⵔⵉⵛ ⵏ ⵓⵙⴰⵔⵓ ⵏ ⵓⵙⴼⵓⵍⴻⵍ ⴰⵡⴻⵣⵣⵍⴰⵏ, ⴷ "ⴱⵓⴱⵢⴰ" ⵙⴻⴳ ⵍⴻⵣⵣⴰⵢⴻⵔ ⴷⴻⴳ ⵓⵃⵔⵉⵛ ⵏ ⵓⵙⴰⵔⵓ ⵏ ⵜⵎⴰⵛⴰⵀⵓⵜ ⴰⵖⴻⵣⴼⴰⵏ.
ⵢⴻⵙⵙⴻⵍⵡⴰⵢ ⵉⵎⴰⵀⵉⵍⴻⵏ ⵏ ⵓⵍⴷⴰⵢ ⵏ ⵜⴰⴳⴳⴰⵔⴰ ⵏ ⵜⴻⴳⴳⴰⵡⵜ-ⴰⴳⵉ ⵓⵎⴰⵏⴰⵢ ⴰⵎⴰⵜⵓ ⵏ ⵜⵡⵉⵍⴰⵢⵜ ⵏ ⴱⴰⵜⵏⴰ, ⵎⴰⵙⵙ ⵔⴰⵛⵀⵉⴷ ⵣⵓⵓⴰⴷ, ⵙ ⵜⵉⵍⵉⵜ ⵏ ⵓⵎⵙⴻⵍⵡⴰⵢ ⵡⵉⵙ ⵙⵉⵏ ⵏ ⵓⵎⴰⵄⵀⴻⴷ ⴰⴷⴻⵍⵙⴰⵏ ⴰⵟⴰⵍⵢⴰⵏⵉ ⴷⴻⴳ ⵍⴻⵣⵣⴰⵢⴻⵔ, ⴰⵏⴷⵔⴻⴰ ⵇⵓⴰⵜⵜⵔⵓⵛⵛⵀⵉ, ⵉⵎⵉ ⵟⵟⴰⵍⵢⴰⵏ ⴷ ⵉⵏⴻⴱⴳⵉ ⵏ ⵍⵀⵉⴱⴰ ⵏ ⵜⵙⴻⵎⵎⵓⵏⵜ-ⴰⴳⵉ.
ⴰⵎⴹⴻⴱⴱⴻⵔ ⵏ ⵜⴼⴰⵙⴽⴰ, ⵎⴰⵙⵙ ⵉⵙⵙⴰⵎ ⵜⴰⴰⵛⵀⵉⵜ, ⵉⵙⴰⵜⵉⴳ ⵍⵎⴻⴶⵀⵓⴷⴰⵜ ⵏ ⵜⵏⴻⵖⵍⴰⴼⵜ ⵉ ⵉⵟⵟⴰⴽⴻⵏ ⴰⵣⴰⵍ ⵉ ⵜⴻⴳⴳⴰⵡⵜ-ⴰⴳⵉ ⵉ ⵢⴻⵍⵍⴰⵏ ⴷ ⴰⵎⵔⴰⵃ ⵏ ⵢⴰⵍ ⴰⵙⴻⴳⴳⴰⵙ ⵉ ⵢⵉⵙⵏⵓⵍⴼⴰⵢⴻⵏ ⵏ ⵜⵥⵓⵔⵉ ⵜⵉⵙ ⵙⴰ (7) ⵏ ⴷⴰⵅⴻⵍ ⴷ ⴱⴻⵕⵕⴰ ⵏ ⵜⵎⵓⵔⵜ, ⵉⵙⵙⴻⴽⵏⴻⴷ ⴰⵣⴰⵍ-ⵉⵙ ⵉ ⵓⵙⵏⴻⵔⵏⵉ ⵏ ⵙⵙⵉⵏⵉⵎⴰ ⴷ ⵓⵙⴻⵏⵎⴻⵔ ⵏ ⵓⴳⴻⵔⵔⵓⵊ ⴰⴷⴻⵍⵙⴰⵏ ⴷ ⵜⵎⵓⵖⵍⵉ ⵏ ⵜⴻⵎⵎⴻⵔⵔⵉⵜ ⵏ ⵍⴻⵣⵣⴰⵢⴻⵔ.
ⴰⵔⵏⵓ ⵖⴻⵔ
