ⵉⵙⵙⵉⵡⴻⵍ ⵓⵏⴻⵖⵍⴰⴼ ⵏ ⵜⴷⴰⵎⵙⴰ ⵏ ⵜⵎⵓⵙⵏⵉ, ⵜⵉⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ ⴷ ⵜⵉⵎⵉⵛⵛⴰⵏⵉⵏ, ⵎⴰⵙⵙ ⵏⵓⵓⵔ-ⴻⴷⴷⵉⵏⴻ ⵡⴰⴷⵀⴰⵀ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉ ⵓⵙⴻⴶⵀⴻⴷ ⵏ ⵜⵣⴻⵎⵎⴰⵔ ⵜⴰⵖⴻⵍⵏⴰⵡⵉⵏ ⵉ ⵓⵃⵔⴰⵣ ⵏ ⵢⵉⵏⴳⵔⴰⵡⴻⵏ ⵏ ⵢⵉⵙⴰⵍⴰⵏ (systèmes d'information) ⴷ ⵓⵎⴻⵏⵏⵓⵖ ⵎⴳⴰⵍ ⵢⵉⵎⵉⵀⵉⵢⴻⵏ ⵉⵇⵎⵉⵢⴻⵏ (cyber-menaces), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⵍⴷⴰⵢ ⵏ ⵜⵙⴻⵎⵎⵓⵏⵜ ⵜⴰⵎⴻⵏⵣⵓⵜ ⵏ ⵜⴻⴳⴳⴰⵡⵜ "ⵓⵙⵙⴰⵏ ⵏ ⵜⵎⴰⵏⴻⴳⵜ ⵜⴰⵇⵎⵉⵜ 2026", ⵉ ⴷ-ⵢⵉⵍⵍⴰⵏ ⴷⴻⴳ ⵓⴼⵔⴰⴳ ⵏ ⵢⵉⴷⵍⴻⵙ ⵎⵓⵓⴼⴷⵉ ⵣⴰⴽⴰⵔⵉⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵙ ⵜⵉⵍⵉⵜ ⵏ ⵢⵉⵎⵓⵣⵣⴰⴳⴻⵏ, ⵉⵎⴰⵙⵍⴰⴷⴻⵏ ⵏ ⵜⵎⵓⵙⵏⵉⵡⵉⵏ ⵜⵉⴳⴷⵓⴷⴰⵏⵉⵏ ⵢⴻⵄⵏⴰⵏ ⵓⵏⵏⴰⵔ-ⴰⴳⵉ, ⴷ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ (startups) ⵉ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ-ⴰⴳⵉ ⴰⵙⵔⴰⵜⵉⴷⵊⵉ.
ⴷⴻⴳ ⵜⵎⴻⵙⵍⴰⵢⵜ ⵉ ⴷ-ⵢⴻⵡⵡⵉ, ⴰⵏⴻⵖⵍⴰⴼ ⵉⵙⵙⴻⴽⵏⴻⴷ ⴱⴻⵍⵍⵉ "ⴰⵙⵏⴻⴼⵍⵉ ⵉⴶⴻⵀⴷⴻⵏ ⵏ ⵜⵎⵓⵙⵏⵉ ⵜⴰⵡⵓⵔⵎⴰⵏⵜ (ⵉⴰ) ⴷ ⵍⵇⴻⴷⴷ ⵏ ⵢⵉⵙⵙⴻⵜⵎⴰⵔⴻⵏ ⵉ ⴷ-ⵉⵟⵟⴰⵍⵍⵓⵏ ⴷⴻⴳ ⵓⵏⵏⴰⵔ-ⴰⴳⵉ ⵙⵔⵓⵙⵓⵏ-ⴷ ⵢⵉⴽⴰⵢⴰⴷⴻⵏ ⵉⵎⴰⵢⵏⵓⵜⴻⵏ ⴷⴻⴳ ⵜⵎⴰⵏⴻⴳⵜ ⵜⴰⵇⵎⵉⵜ. ⴰⵢⴰⴳⵉ ⵉⵙⵙⵓⵜⵜⵓⵔ ⴰⴷ ⵏⵙⴻⴶⵀⴻⴷ ⵜⵣⴻⵎⵎⴰⵔ-ⵏⵏⴻⵖ ⵜⴰⵖⴻⵍⵏⴰⵡⵉⵏ ⵉ ⵓⵃⵔⴰⵣ ⵏ ⵢⵉⵏⴳⵔⴰⵡⴻⵏ-ⵏⵏⴻⵖ ⵏ ⵢⵉⵙⴰⵍⴰⵏ".
ⴷⴰⵖⴻⵏ, ⵉⵙⵙⵉⵡⴻⵍ ⵉ ⵓⵙⴷⵓⴽⴻⵍ ⵏ ⵢⴰⴽⴽ ⵜⵣⴻⵎⵎⴰⵔ ⵜⴰⵖⴻⵍⵏⴰⵡⵉⵏ, ⵙⴻⴳ ⵢⵉⵎⵓⵣⵣⴰⴳⴻⵏ, ⵢⵉⵏⴻⵍⵎⴰⴷⴻⵏ ⵏ ⵜⴻⵙⴷⴰⵡⵉⵜ ⴷ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ, ⵉⵡⴰⴽⴽⴻⵏ ⴰⴷ ⴷ-ⵙⵏⵓⵍⴼⵓⵏ ⵡⴰⵍⵍⴰⵍⴻⵏ ⵉⵜⵉⴽⵏⵓⵍⵓⵊⵉⵢⴻⵏ ⴰⴷⵉⴳⴰⵏⴻⵏ. ⵉⵙⵔⴻⵚ ⴱⴻⵍⵍⵉ ⴰⵙⵏⵓⵍⴼⵓ ⴷ ⵓⵙⵏⴻⴼⵍⵉ ⵏ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ ⴷ ⵏⵓⵜⵏⵉ ⵉ ⴷ ⴰⴱⵔⵉⴷ ⵢⴻⵍⵀⴰⵏ ⵉ ⵓⵡⵡⵉ ⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⵉⵃⴻⵔⵣⴻⵏ ⵉ ⵉⵣⴻⵎⵔⴻⵏ ⴰⴷ ⵎⵎⴰⴳⵔⴻⵏⵜ ⵢⵉⵎⵉⵀⵉⵢⴻⵏ ⵉ ⵉⵜⴻⴷⴷⵓⵏ.
ⴷⴻⴳ ⵢⵉⵡⴻⵜ ⵏ ⵜⵎⵓⵖⵍⵉ, ⴰⵏⴻⵖⵍⴰⴼ ⵉⵙⵙⵉⵡⴻⵍ ⵉ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ, ⵏ ⵓⵏⵏⴰⵔ ⴰⴳⴷⵓⴷⴰⵏ ⴷ ⵓⵅⵓⵚⵚⵉ, ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⴰⵙⴻⵎⵔⴻⵙ ⵏ ⵓⵙⵏⵓⵍⴼⵓ ⵢⴻⵍⴷⵉⵏ (open innovation) ⵏⴻⵖ ⵙ ⵓⵙⴱⴻⴷⴷⵉ ⵏ ⵜⴰⵃⵔⴰⵣⵉⵏ ⵏ ⵢⵉⵙⴻⵏⴼⴰⵔⴻⵏ (ⵉⵏⵛⵓⴱⴰⵜⴻⵓⵔⵙ) ⴷ ⵢⵉⵙⴻⵏⴷⵓⵇⴻⵏ ⵏ ⵓⵙⵙⴻⵜⵎⴻⵔ ⵓⴼⵔⵉⵏⴻⵏ.
ⴷⴻⴳ ⵔⵔⵉⴼ ⵏ ⵜⴻⴳⴳⴰⵡⵜ-ⴰⴳⵉ, ⵎⴰⵙⵙ ⵡⴰⴷⵀⴰⵀ ⵢⴻⵔⵣⴰ ⵖⴻⵔ ⵢⵉⵡⴻⵏ ⵏ ⵓⵙⴰⵢⴻⵙ (exposition) ⵉ ⴷⴻⴳ ⵍⵍⴰⵏⵜ ⵜⵎⵓⵙⵏⵉⵡⵉⵏ ⵢⴻⵄⵏⴰⵏ ⵜⴰⵎⴰⵏⴻⴳⵜ ⵜⴰⵇⵎⵉⵜ ⴷ ⵜⴰⵃⵔⴰⵣⵉⵏ, ⴰⵏⵉⴷⴰ ⵉⵡⴰⵍⴰ ⵢⴰⴽⴽ ⵡⴰⵍⵍⴰⵍⴻⵏ ⴷ ⵢⵉⵙⵏⴰⵙⴻⵏ (applications) ⵉⵎⴰⵢⵏⵓⵜⴻⵏ ⵉ ⴷ-ⵙⵏⵓⵍⴼⴰⵏⵜ ⵜⵎⵓⵙⵏⵉⵡⵉⵏ-ⴰⴳⵉ ⴷⴻⴳ ⵓⵏⵏⴰⵔ-ⴰⴳⵉ ⵉⵕⴻⵙⵙⴰⵏ.
ⴰⵔⵏⵓ ⵖⴻⵔ
