ⵜⴻⵏⵟⴻⴳ ⴰⵙⵙ-ⴰ ⵏ ⵓⵙⵉⵏⴰⵙ, ⵜⴰⴼⵓⴳⵍⵉ ⵏ ⵡⴰⴷⴷⴰⵍ "ⵚⴰⵃⵔⴰ ⵎⴰⵔⴰⵟⵓⵏ" ⴷⴻⴳ ⵍⵊⵉⵍ-ⵉⵙ ⵡⵉⵙ 26, ⵙ ⵓⵜⵜⴻⴽⴽⵉ ⵏ ⵓⴳⴰⵔ ⵏ 200 ⵏ ⵢⵉⵎⵣⵣⴰⵍⴻⵏ ⵏ ⵓⵎⴰⴹⴰⵍ. ⴷ ⵜⴰⴳⵏⵉⵜ ⴰⵏⴷⴰ ⵢⴻⵜⵜⴻⵅⵍⴰⴹ ⵡⴰⴷⴷⴰⵍ ⴷ ⵓⵡⴻⴷⴷⵓ ⵉⵡⴰⴽⴽⴻⵏ ⴰⴷ ⴱⴻⴷⴷⴻⵏ ⵔⵔⵉⴼ ⵏ ⵜⵎⴻⵙⵍⴰⵢⵜ ⵏ ⵙⵙⴻⵃⵔⴰ ⴷ ⵓⵎⴻⵏⵏⵓⵖ ⵏ ⵓⵖⵔⴻⴼ-ⵉⵙ ⵉ ⵜⵍⴻⵍⵍⵉ ⴷ ⵜⵎⵓⵏⴻⵏⵜ.
"ⵚⴰⵃⵔⴰ ⵎⴰⵔⴰⵟⵓⵏ", ⵉ ⵢⴻⵙⵄⴰⵏ ⵓⴳⴰⵔ ⵏ ⵄⴻⵛⵔⵉⵏ ⵉⵙⴻⴳⴳⴰⵙⴻⵏ ⵙⴻⴳ ⵎⵉ ⵢⴻⴱⴷⴰ, ⴷ ⵜⵜⴰⵡⵉⵍ ⵉ ⵙⵙⴻⵅⴷⴻⵎⴻⵏ ⵢⵉⵎⴷⵓⴽⴰⵍ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵉⵡⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ ⴰⵎⴻⵏⵏⵓⵖ-ⵉⵙ, ⴰⴽⴽⴻⵏ ⵅⴻⴷⵎⴻⵏ ⴷⵉ ⵙⵙⵉⵏⵉⵎⴰ ⴷ ⵜⵥⵓⵔⵉ.
ⵉⵎⵣⵣⴰⵍⴻⵏ ⴷⴻⴳ ⵜⵓⵙⵙⵏⴰ-ⵢⴰ, ⵉ ⵢⴻⵍⵍⴰⵏ ⴷⴷⴰⵡ ⵏ ⵓⵣⵡⴻⵍ "26 ⵉⵙⴻⴳⴳⴰⵙⴻⵏ.. ⴰⵏ-ⵏⴻⵣⵣⴻⵍ ⵉ ⵜⵍⴻⵍⵍⵉ", ⴰⴷ ⴼⵔⴻⵏ ⴳⴰⵔ ⵓⴽⴽⵓⵥ (4) ⵏ ⵜⵖⴻⵣⵉⵡⵉⵏ: 42 ⴽⵎ (ⴳⴰⵔ ⵍⵄⵢⵓⵏ ⴷ ⵙⵙⵎⴰⵔⴰ), 21 ⴽⵎ (ⴳⴰⵔ ⴰⵡⵙⴻⵔⴷ ⴷ ⵙⵙⵎⴰⵔⴰ), 10 ⴽⵎ ⴷ 5 ⴽⵎ ⴷⵉ ⵙⵙⵎⴰⵔⴰ, ⵢⴻⵔⵏⴰ ⵜⴻⵍⵍⴰ ⵜⵣⴻⵍⵍⴰ ⵓⵙⵍⵉⴳ ⵉ ⵡⴰⵔⵔⴰⵛ.
ⴰⵎⴰⵔⴰⵟⵓⵏ-ⴰⴳⵉ ⵢⵓⵙⴰ-ⴷ ⴷⴷⵓⴽⴽⴻⵍ ⴷ ⵓⵎⵓⵍⵍⵉ ⵡⵉⵙ 50 ⵏ ⵡⴰⵍⵖⵓ ⵏ ⵜⴳⴷⵓⴷⴰ ⵜⴰⵚⴻⵃⵔⴰⵡⵉⵜ (27 ⴼⵓⵔⴰⵔ). ⵜⴰⵏⴻⵖⵍⴰⴼⵜ ⵏ ⵢⵉⵍⵎⴻⵣⵢⴻⵏ ⴷ ⵡⴰⴷⴷⴰⵍ ⵜⴰⵚⴻⵃⵔⴰⵡⵉⵜ ⵜⴻⵜⵜⴻⴳ ⵜⴰⴼⵓⴳⵍⵉ-ⴰ ⵉⵡⴰⴽⴽⴻⵏ ⴰⴷ ⵜⴻⵣⵔⴻⵄ ⵜⴰⵢⵔⵉ ⴷ ⵜⴳⵎⴰⵜ, ⵢⴻⵔⵏⴰ ⵉⵎⵣⵣⴰⵍⴻⵏ ⴰⴷ ⵉⴷⵉⵔⴻⵏ ⴷ ⵜⵡⴰⵛⵓⵍⵉⵏ ⵜⵉⵚⴻⵃⵔⴰⵡⵉⵢⵉⵏ ⴷⴷⴰⵡ ⵏ ⵜⵉⵅⵉⵢⵎⵉⵏ.
ⵎⴰⵙ ⵉⴱⵔⴰⵀⵉⵎ ⵛⵛⵉⵅ ⵉⴱⵔⵉⵀ, ⴰⵎⵙⴻⵡⵊⴻⴷ ⵏ ⵜⴼⵓⴳⵍⵉ, ⵢⴻⵏⵏⴰ-ⴷ ⴱⴻⵍⵍⵉ ⴰⵎⴰⵔⴰⵟⵓⵏ-ⴰ ⴷ ⵜⴰⵣⵎⴻⵔⵜ ⵉ ⵓⵙⵊⴻⵀⴻⴷ ⵏ ⵓⵡⴻⴷⴷⵓ ⵙ ⵡⴰⴷⴷⴰⵍ, ⵢⴻⵔⵏⴰ ⴷ ⵜⴰⴳⵏⵉⵜ ⵉ ⵢⵉⵎⵣⵣⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵉⵡⴰⴽⴽⴻⵏ ⴰⴷ ⵙⵙⴻⴽⵏⴻⵏ ⵜⵉⵣⵎⴻⵔⵜ-ⵏⵙⴻⵏ ⴷⴻⴳ ⵓⵎⴰⴹⴰⵍ.
ⴰⵔⵏⵓ ⵖⴻⵔ
