ⵢⴻⵍⵍⴰ-ⴷ ⵉⴹⴻⵍⵍⵉ ⵏ ⵍⴻⵜⵏⵉⵢⴻⵏ ⴷⴻⴳ ⵓⴱⵉⵕⵓ ⵏ ⵜⵙⵏⵓⵔⴻⴼⵜ ⵏ ⵢⵉⴱⵔⵉⴷⴰⵏ ⵏ ⵓⵙⴰⴼⴰⴳ ⵏ ⴷⴰⵅⴻⵍ, ⵓⵙⵜⴻⵏⵢⵉ ⵏ ⵢⵉⵡⴻⵏ ⵏ ⵓⵎⵜⴰⵡⴰ ⵏ ⵓⵣⴻⵏⵣⵉⵖ ⵢⴻⵄⵏⴰⵏ ⵓⴱⴻⴷⴷⴻⵍ ⵏ ⵓⵎⴰⵀⵉⵍ ⵏ ⵜⴰⵍⵍⴻⵍⵜ ⵏ ⵍⵇⴰⵄⴰ (Ground Handling) ⵖⴻⵔ ⵓⴼⵓⵔⴽ ⴰⵎⴰⵢⵏⵓⵜ . ⴰⵢⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵜⵉⴷⴷⵢ ⵉ ⵜⵣⴻⵔ ⵜⴻⴳⵔⵓⵎⵎⴰ ⵏ ⵢⵉⴱⵔⵉⴷⴰⵏ ⵏ ⵓⵙⴰⴼⴰⴳ ⵏ ⵍⴻⵣⵣⴰⵢⴻⵔ ⵉ ⵓⵙⵏⴻⴼⵍⵉ ⵏ ⵓⵎⴰⵀⵉⵍ, ⴷ ⵓⵙⴻⴶⵀⴻⴷ ⵏ ⵏⴼⴰⵄ ⵏ ⵜⵎⵓⵀⴻⵍ ⴷ ⵓⵙⴰⵜⵉⴳ ⵏ ⵜⵎⵓⵀⴰⵍ ⵏ ⵓⵙⴰⴼⴰⴳ, ⵉⵡⴰⴽⴽⴻⵏ ⴰⴷ ⴷ-ⵉⵍⵉⵏ ⵢⵉⵎⴻⵥⵍⴰ ⵏⴼⴰⵄⴻⵏ ⵓⴼⵔⵉⵏⴻⵏ.
ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵙⵏⵓⵔⴻⴼⵜ ⵏ ⵢⵉⴱⵔⵉⴷⴰⵏ ⵏ ⴷⴰⵅⴻⵍ, ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵜⵙⵔⴻⵟⵏ ⵓⵙⵉⴷⵔⴻⵡ ⴷ ⵓⵎⵙⴰⵙⴻⵢ ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⴳⵔⵓⵎⵎⴰ, ⴷ ⵓⵙⵏⴻⴼⵍⵉ ⵏ ⵜⵎⵓⵀⴰⵍ ⵓⴼⵔⵉⵏⴻⵏ ⵏ ⵢⵉⴼⵓⵔⴽⴰⵏ ⵙ ⴷⴷⴰⵡ ⵏ ⵢⵉⵏⵏⴰⵔⴻⵏ ⵏ ⵓⵎⴰⵀⵉⵍ-ⵏⵙⴻⵏ. ⴰⵢⴰⴳⵉ ⴰⴷ ⵉⵄⴰⵡⴻⵏ ⴷⴻⴳ ⵓⵙⴰⵍⵉ ⵏ ⵓⵙⵓⴷⴷⴻⵙ ⵏ ⵜⵎⵓⵀⴰⵍ ⴷ ⵓⵙⵏⴻⵔⵏⵉ ⵏ ⵓⵎⴰⵀⵉⵍ ⵏ ⵜⵎⵓⵀⴻⵍ.
ⵙⵜⴻⵏⵢⴰⵏ ⴰⵎⵜⴰⵡⴰ-ⴰⴳⵉ ⵎⴰⵙⵙ ⵙⴰⵉⴷ ⴱⴻⵏⴰⵣⵣⵓⵣ, ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵢⵉⴱⵔⵉⴷⴰⵏ ⵏ ⵓⵙⴰⴼⴰⴳ ⵏ ⴷⴰⵅⴻⵍ, ⴷ ⵎⴰⵙⵙ ⵉⵙⵙⴰⵎ ⴱⴻⵏ ⴻⵙⵙⴰⵉⴷ, ⴰⵎⴹⴻⴱⴱⴻⵔ ⴰⵎⴰⵜⵓ ⵏ "AH Ground Operations", ⵙ ⵜⵉⵍⵉⵜ ⵏ ⵓⵎⴰⵏⴰⵢ ⴰⵎⴰⵜⵓ ⵏ ⵜⴷⵓⴽⵍⴰ ⵜⴰⵎⴰⵜⵓⵜ ⵏ ⵢⵉⵎⴰⵀⵍⴰⵏⴻⵏ ⵍⴻⵣⵣⴰⵢⵔⵉⵢⴻⵏ (UGTA) ⴷⴻⴳ ⵜⵙⵏⵓⵔⴻⴼⵜ, ⵎⴰⵙⵙ ⵙⴰⵉⴷ ⵍⴻⵎⵓⵓⵛⵀⵉ.
ⴰⴱⴻⴷⴷⴻⵍ ⵏ ⵓⵎⴰⵀⵉⵍ ⵏ ⵜⴰⵍⵍⴻⵍⵜ ⵏ ⵍⵇⴰⵄⴰ ⵖⴻⵔ ⵓⴼⵓⵔⴽ "AH GO" ⴷ ⴰⵙⵓⵔⵉⴼ ⵉⵕⴻⵙⵙⴰⵏ ⴷⴻⴳ ⵓⴱⵔⵉⴷ ⵏ ⵓⵄⴰⵡⴻⴷ ⵏ ⵓⵙⵓⴷⴷⴻⵙ ⵏ ⵜⴻⴳⵔⵓⵎⵎⴰ. ⴰⵢⴰⴳⵉ ⴰⴷ ⴷ-ⵢⴻⵔⵔ ⵜⵙⴻⵎⵎⵔⴻⵡⵜ (flexibilité) ⴷⴻⴳ ⵜⵎⵓⵀⴻⵍ, ⴰⴷ ⵢⴻⵙⵏⴻⴼⵍⵉ ⴰⵙⴻⵎⵔⴻⵙ ⵏ ⵢⵉⴳⴻⵔⵔⵔⵓⵊⴻⵏ, ⵓ ⴰⴷ ⵢⴻⵙⵔⴻⵚ ⵍⵍⵙⴰⵙ ⵏ ⵓⴼⵔⵉⵏ ⴳⴰⵔ ⵢⵉⴼⵓⵔⴽⴰⵏ, ⵉⵡⴰⴽⴽⴻⵏ ⴰⴷ ⵉⵙⴰⵍⵉ ⵓⵙⵡⵉⵔ ⵏ ⵜⵖⴰⵔⴰ ⵏ ⵢⵉⵎⴻⵥⵍⴰ ⵉ ⴷ-ⵉⵜⵜⵓⵏⴻⴼⴽⴻⵏ ⵉ ⵢⵉⵎⵛⴻⴷⴷⵉⵡⴻⵏ ⵏ ⵜⴻⴳⵔⵓⵎⵎⴰ.
ⴰⵔⵏⵓ ⵖⴻⵔ
