ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵜⴻⵇⴱⴻⵍ ⵓⵏⵖⵍⴰⴼ ⵏ ⵜⵣⵎⴻⵔⵜ ⴷ ⵜⵣⵎⴰⵔ ⵜⵉⵎⴰⵢⵏⵓⵜⵉⵏ, ⵎⵓⵔⴰⴷ ⵄⴻⵊⵊⴰⵍ, ⴰⵎⴱⴻⵇⵇⴻⵙ ⴷⴻⴳ ⵓⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ ⵏ ⵜⵎⵏⴰⵟ ⵏ ⵙⵉⴷⵉ ⴱⴻⵍⵄⴻⴱⴱⴰⵙ, ⵎⵓⵃⴰⵎⴻⴷ ⵎⵉⵔ. ⴷⴻⴳ ⵜⵎⵍⵉⵍⵉⵜ-ⴰⴳⵉ, ⵙⵙⴰⵡⵍⴻⵏ ⵖⴻⴼ ⵡⴰⵟⴰⵙ ⵏ ⵍⴻⵄⵔⵉⴹⴰⵜ ⴷ ⵢⵉⵖⵉⵍⵉⴼⴻⵏ ⵢⴻⵔⵣⴰⵏ ⴰⵃⵔⵉⵛ-ⴰⴳⵉ ⴷⴻⴳ ⵜⵡⵉⵍⴰⵢⵜ-ⵏⵏⵉ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ, ⵜⵉⵎⵍⵉⵍⵉⵜ-ⴰⴳⵉ ⵉ ⴷ-ⵢⴻⵍⵍⴰⵏ ⵉⴹⴻⵍⵍⵉ ⵏ ⵍⴻⵜⵏⵉⵢⴻⵏ ⴷⴻⴳ ⵡⴰⵙⵉⵔⴰ ⵏ ⵜⵏⴻⵖⵍⴰⴼⵜ, ⵜⴻⴹⵔⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵙⴻⴷⵎⴻⵔ ⵏ ⵓⵡⴰⵀⵉⵍ ⵏ ⵜⵏⴻⴱⴱⴰⴹⵜ ⵉ ⵢⴻⴱⵯⴰⵏ ⴰⴷ ⵜⴻⵙⵊⴻⵀⴻⴷ ⴰⵎⵢⴻⵍⵍⴻⵍ ⴷ ⵓⵎⵙⴰⵡⴰⴹ ⴳⴰⵔ-ⴰⵙ ⴷ ⵍⴱⴰⵔⵍⴰⵎⴰⵏ. ⵙⵍⴰⵢⴻⵏ ⵍⴰⴷⵯⴰ ⵖⴻⴼ ⵍⵃⴰⵍⴰ ⵏ ⵜⵣⵎⴻⵔⵜ ⴷ ⵡⴰⵎⴻⴽ ⵉ ⵜⵜⴻⴷⴷⵓⵏ ⵢⵉⵙⴻⵏⴼⴰⵔⴻⵏ ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ.
ⵎⴱⴰⵄⴻⴷ ⵎⴰ ⵢⴻⵙⵍⴰ ⵓⵏⵖⵍⴰⴼ ⵄⴻⵊⵊⴰⵍ ⵉ ⵡⴰⵡⴰⵍ ⵏ ⵓⵎⴱⴻⵇⵇⴻⵙ ⵏ ⵓⴳⴷⵓⴷ, ⵢⴻⵏⵏⴰ-ⴷ ⴱⴻⵍⵍⵉ ⵜⴰⵏⴻⵖⵍⴰⴼⵜ-ⵉⵙ ⵜⴻⴼⴽⴰ ⵜⴰⵢⵏⵉⵜ ⵜⴰⵎⴻⵇⵇⵔⴰⵏⵜ ⵉ ⵍⴻⵄⵔⵉⴹⴰⵜ ⵏ ⵢⵉⵎⴻⵣⴷⴰⵖ ⵢⴻⵔⵏⴰ ⵜⴻⵜⵜⴰⴳⵡⴰⵢ ⴰⴷ ⵜⴻⴼⵔⵓ ⵢⵉⵖⵉⵍⵉⴼⴻⵏ-ⵏⵙⴻⵏ ⵉ ⵢⴻⵍⵍⴰⵏ ⴷ ⵜⴰⵣⵡⴰⵔⴰ ⵏ ⵜⵏⴻⴱⴱⴰⴹⵜ.
ⵢⴻⵙⴼⴻⵔⵔⴻⵯ-ⴷ ⵓⵏⵖⵍⴰⴼ ⴱⴻⵍⵍⵉ ⴰⵡⴰⵀⵉⵍ ⵏ ⵓⵃⵔⵉⵛ ⵏ ⵜⵣⵎⴻⵔⵜ ⵢⴻⵜⵜⴰⴽⴽ ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⵙⴻⴳⴳⴻⵎ ⵏ ⵍⴻⵇⴷⵉⵛ ⴰⴳⴷⵓⴷⴰⵏ ⴷ ⵓⵙⴰⵍⴰⵢ ⵏ ⵓⵙⵡⵉⵔ ⵏ ⵜⵓⴷⴻⵔⵜ ⵏ ⵢⵉⵎⴷⴰⵏⴻⵏ ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵓⴼⵔⴰⵃ ⴷ ⵍⴰⵎⴰⵏ ⴷⴻⴳ ⵜⵎⵓⵔⵜ.
ⴰⵔⵏⵓ ⵖⴻⵔ
