ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙ ⵢⵉⵏⴻⴹⴰⴼ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⵢⴻⵙⵙⴻⵍⵡⴰⵢ ⵓⵎⴻⵣⵡⴰⵔⵓ ⵏ ⵢⵉⵏⵖⵍⴰⴼⴻⵏ, ⵎⴰⵙⵙ ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵡⴰⵙⵉⵔⴰ ⵏ ⵜⵏⴻⵖⵍⴰⴼⵜ ⵏ ⵜⵎⵙⴰⵍ ⵏ ⴱⴻⵔⵔⴰ, ⴰⵍⴷⴰⵢ ⵏ ⵍⴻⵇⴷⵉⵛ ⵏ ⵜⵎⵍⵉⵍⵉⵜ ⵏ ⵢⵉⵎⵙⴻⵍⵡⴰⵢⴻⵏ ⵏ ⵡⴰⵎⵎⴰⵙⴻⵏ ⵏ ⵍⵇⴻⵏⵙⵓⵍⵢⴰ.
ⵍⴻⵇⴷⵉⵛ-ⴰⴳⵉ ⵢⴻⵍⵍⴰ-ⴷ ⵙ ⵓⵃⴰⴷⴰⵔ ⵏ ⵓⵏⵖⵍⴰⴼ ⵏ ⵓⵡⴰⵏⴰⴽ ⵢⴻⵔⵣⴰⵏ ⵜⵉⵎⵙⴰⵍ ⵏ ⴱⴻⵔⵔⴰ ⴷ ⵜⴼⵔⵉⵇⵜ, ⵎⴰⵙⵙ ⴰⵃⵎⴻⴷ ⵄⴻⵟⵟⴰⴼ, ⴷ ⵓⵎⵛⵉⵡⴰⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵔⵣⴰⵏ ⵜⵉⵎⵙⴰⵍ ⴳⴰⵔ ⵜⵎⵓⵔⴰ, ⵎⴰⵙⵙ ⵄⴻⵎⵎⴰⵔ ⵄⴻⴱⴱⴰ, ⴷ ⵢⵉⵡⴻⵜ ⵏ ⵜⵔⴰⴱⵄⵜ ⵏ ⵢⵉⵏⵖⵍⴰⴼⴻⵏ ⵏⵏⵉⴹⴻⵏ.
ⴰⴷ ⴷ-ⴽⴽⵓⵏ ⴷⴻⴳ ⵜⵎⵍⵉⵍⵉⵜ-ⴰⴳⵉ, ⵉ ⴰⵔⴰ ⵢⴻⵇⵇⵉⵎⴻⵏ ⵙⵉⵏ ⵓⵙⵙⴰⵏ, 43 ⵏ ⵢⵉⵎⵙⴻⵍⵡⴰⵢⴻⵏ ⵏ ⵡⴰⵎⵎⴰⵙⴻⵏ ⵏ ⵍⵇⴻⵏⵙⵓⵍⵢⴰ ⵉ ⴷ-ⵢⵓⵙⴰⵏ ⵙⴻⴳ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵓⵎⴰⴹⴰⵍ, ⵖⴻⵔ ⵜⴰⵎⴰ ⵏ ⵢⵉⵎⵙⴻⵍⵡⴰⵢⴻⵏ ⵏ ⵢⵉⵃⵔⵉⵛⴻⵏ ⵏ ⵍⵇⴻⵏⵙⵓⵍⵢⴰ ⴷⴻⴳ ⵜⵎⴻⵔⵙⴻⵍⵉⵏ ⵏ ⴱⴻⵔⵔⴰ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵙⴽⴰⵏⴰⵢ-ⴷ ⵜⵉⴽⴻⵍⵜ ⵏⵏⵉⴹⴻⵏ ⴰⵣⴰⵍ ⴰⵎⴻⵇⵇⵔⴰⵏ ⵉ ⵜⴻⴼⴽⴰ ⵜⵎⵓⵔⵜ ⵉ ⵜⵖⵔⴻⵎⵜ ⵜⴰⵖⴻⵍⵏⴰⵡⵜ ⴷⵉ ⴱⴻⵔⵔⴰ. ⴰⵢⴰ ⵢⴻⵜⵜⵓⵖⴰⵍ ⵖⴻⵔ ⵍⴻⵇⴷⵉⵛ ⴷ ⵜⴰⵢⵏⵉⵜ ⵉ ⵢⴻⴼⴽⴰ ⵓⵙⴻⵍⵡⴰⵢ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ ⵉ ⵢⵉⵎⴻⵣⴷⴰⵖ ⵏ ⵍⵣⵣⴰⵢⴻⵔ ⴷⴻⴳ ⵎⴰⵕⵕⴰ ⵜⵉⵎⵓⵔⴰ, ⵉ ⵡⴰⴽⴽⴻⵏ ⴰⴷ ⵃⴰⴷⵔⴻⵏ ⵉⵣⴻⵔⴼⴰⵏ-ⵏⵙⴻⵏ ⵢⴻⵔⵏⴰ ⴰⴷ ⴷ-ⴽⴽⵓⵏ ⴷⴻⴳ ⵡⴰⴱⵔⵉⴷ ⵏ ⵓⵙⵎⴰⵢⵏⵓ ⴰⵖⴻⵍⵏⴰⵡ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
